論盡家傭 今日: 2 | 主題: 133701

積分: 2163

1^#

發表於 04-10-20 10:33 |只看該作者

唉 ! direct hire既新賓賓來了5日, 我媽媽就要我炒佢....

好煩, 煩爆, 一日收幾十個我媽媽既投訴電話, 投訴個工人呢樣果樣, 尋晚返到屋企食飯時又叫我炒佢, 我問佢原因, 佢就話好憎個工人, 又唔鐘意佢有紋身(係手指公個扼位同埋手"比"有一個2個一蚊甘大既紋身(上工當日我先至見到)), 好唔順眼, 成日係度哼歌......

但係我返到屋企, d 野又做得幾企理, kitchen & toilet又乾淨, 又識買送煮飯, 都唔駛我點教佢, 初初兩日我都唔係幾接受到佢, 不過過左幾日好似感覺好番d, 我原本都諗住俾多兩個星期睇下佢適唔適合係我屋企做野, 不過我媽媽就真係憎到佢死, 仲要我快d炒佢, 真係煩鬼死....

私人傳訊

Charitymami

侯爵府

積分: 20615

2024勳章牛年勳章 2018復活節勳章開心吸收勳章醒目開學勳章 hashtag影視迷勳章 15週年勳章

2^#

發表於 04-10-20 15:08 |只看該作者

Re: 唉 ! direct hire既新賓賓來了5日, 我媽媽就要我炒佢....

florence,
我都覺得你真是左右做人難, 請工人的目的就是打理好家頭細務, 如你所說, 你工人之工作表現亦十分好, 但老人家主觀, 頑固和不接受都幾煩。

你的體驗恰恰好像我的一個好朋友的苦況:
一家三口加一個工人, 買了新屋, 剛巧她爸爸中了風, 出了院, 但不想爸爸入老人院, 再重新裝修: 拆廁所門, 舖防滑地板, 接了回家容易照顧, 但惡夢隨之而來, 日日投訴工人不是, 成日叫她換人, 朋友常常來電跟我吐苦水, 工作壓力大, 晚晚很夜才放工, 加上家裹兩個耆英日哦夜哦, 真煩！
直至工人完約, 另請一名新工人, 上工前說明一切以公公, 婆婆為先, 新工人很服從, 兩老亦很滿意, 直至有一日, 兩老說要搬回自己屋企住, 但要帶埋個新工人走, 天啊！誰來照顧她的女兒, 再請人亦需要時間呀！她的老公對此亦十分有意見。

千山我獨行......... 不必相送..........

私人傳訊

kooku2004

積分: 1187

3^#

發表於 04-10-20 15:27 |只看該作者

Re: 唉 ! direct hire既新賓賓來了5日, 我媽媽就要我炒佢....

Florence:

我好明白你的苦況:

我對上的賓, 亞媽話佢咁咁咁唔好, 我都有眼睇到佢唔好,但每日打電話返屋企, 亞媽就好似同佢"對恃"咁, 扯到行, 個賓又真係工作時訓我張床, 我就即日炒佢換個個新;

亞媽又話個新印印八卦問佢住邊(亞媽只係暫住幫我睇下工人), 佢唔中意, 又話個印講野好似趕佢走, 但我見個印又唔係咁,因當日我嚮屋企, 我同亞媽講唔好咁敏感, 我可以換/炒幾多個工人呢?

當時每日都好煩, 返到屋企一係同我講野忍忍悔悔, 或投訴個印咁咁咁, 又叫我叫個工人咁咁咁, 我相信你都明白;

我老公直情話亞媽要住到何時, 以前請工人亞媽唔嚮屋企都無咁煩; 我就話; 我都係為頭家好, 你估亞媽住嚮度好舒服咩,日日咁早起身都係幫我地睇住個工人....

惟有你同你媽媽講下. 如果你見個工人做野ok, 對小朋友ok, 再商量下啦, 唔通真係一唔好就換,換到何年何月何日呢?

KooKuKooKu :pint:

私人傳訊

ballpen

積分: 2119

4^#

發表於 04-10-20 15:54 |只看該作者

Re: 唉 ! direct hire既新賓賓來了5日, 我媽媽就要我炒佢....

florence,

我諗你要真正同你媽媽傾吓,問吓佢係唔係個工人對佢唔禮貌,畀面色佢睇,如果係,就算個工人喺你面前點好,你都要炒左佢,因為佢好奸,但如果你媽媽只係唔鍾意佢嘅外表,咁就開解吓你個媽媽啦,叫佢靜心啲觀察吓個工人囉.

私人傳訊

may123

積分: 6788

好媽媽勳章

5^#

發表於 04-10-20 19:48 |只看該作者

Re: 唉 ! direct hire既新賓賓來了5日, 我媽媽就要我炒佢....

我也有同類的經驗.,其實工人好叻的.他們知道是那一個出糧比佢的,我果位工人.係我面前做得唔錯.有禮貌,因係我出糧比佢的,但佢主要對住係我呀媽.佢知不是我呀媽出糧比佢.所以洽我呀媽.唔係咁聽講(例子多到不得了).果時,我同大家一樣.每日都聽到我呀媽對佢的投訢.在我觀察及問埋其他家庭成員的觀察及感受後,發現我呀媽投訢的是事實,我便向工人作出口頭warning,惟情況依舊,用左佢九個月便炒了

冇論如何.我覺得你要比工人知道,你是會聽老人家的意見的.,以免讓怹人前人後兩個樣

私人傳訊

MYMYSO

等待驗證會員

積分: 934

6^#

發表於 04-10-21 10:08 |只看該作者

Re: 唉 ! direct hire既新賓賓來了5日, 我媽媽就要我炒佢....

你妈妈是否与工人一起常相处？如是的话其实都要换工人；下次如真的换叫埋妈妈去law。

有时为呢D野真

[size=medium]mymyso

私人傳訊

積分: 2163

7^#

發表於 04-10-21 10:12 |只看該作者

Re: 唉 ! direct hire既新賓賓來了5日, 我媽媽就要我炒佢....

多謝各位......

其實我媽咪係針對人, 而唔係對事.....好像昨日有好多小事, 真係雞毛蒜皮, 佢都可以拎出黎"插"個工人.......唉, 都唔明佢仲點解甘好火......

尋晚佢仲同我講, 如果我係信佢講既野, 就即刻炒左個工人, 佢幫我湊住個女先 (0甘咪即係我做埋工人果份 !!); 如果我唔炒個工人就即係唔信佢, 甘佢就走, 唔幫我睇住個女 !!

唉, 即係無彎轉..........."婆工關係"真係好鬼死煩 :-( :-(

私人傳訊

MYMYSO

等待驗證會員

積分: 934

8^#

發表於 04-10-21 10:31 |只看該作者

Re: 唉 ! direct hire既新賓賓來了5日, 我媽媽就要我炒佢....

哈哈！kam你真是币家伙啦！快D处理好啦，如果唔

[size=medium]mymyso

私人傳訊

Ding

積分: 5082

9^#

發表於 04-10-21 15:11 |只看該作者

Re: 唉 ! direct hire既新賓賓來了5日, 我媽媽就要我炒佢....

florence

我同事亦有一樣煩惱.. 佢兩老又係針對個工人.. 又話工人偷左佢幾蚊.. 唉..個同事話佢d錢都係隨便放.. 又未見個工人掂過.. 又點會偷幾蚊丫 ..幾蚊都無用啦...而工人做野又幾好 .. 唔想炒 .. 但結果都係要炒..因為太煩..頂唔順 .. 再搵個新工人時就叫佢去試工 .. 實質係俾兩老過目 .. 真係好似揀新抱咁

我諗你都要炒左佢啦 .. 如果唔係.. 你會煩死架..

Ding

私人傳訊

積分: 2163

10^#

發表於 04-10-21 15:33 |只看該作者

Re: 唉 ! direct hire既新賓賓來了5日, 我媽媽就要我炒佢....

剛剛媽咪又打黎投訴, 仲要好好好勞氣, 好激, 我隻耳膜都差少少保唔住…….
隔左一陣, 我又打返屋企, 個工人聽到我電話就喊晒………
其實我諗佢地兩個都有唔妥, 不過我當然要做到相信我亞媽架啦, 無理由信一個黎左6日既外人架, 所以我就照同個工人講, 婆婆真係唔鐘意佢, 我叫佢諗下好唔好resign….

我當然係想慳番一個通知金炒佢啦, 所以向佢提出以下提議:

1) 佢自己resign, 俾一個月通知我, 期間佢可以搵新僱主 (不過呢段時間佢仍然要對住婆婆, 唔知佢頂唔頂得住, 我叫佢自己諗下); or
2) 佢自己resign, 俾一個月代通知金我, 我出機票俾佢可以即走 (不過其實我都唔會收佢$$既); or
3) 我炒佢, 俾一個月通知, 期間佢可以搵新僱主; or
4) 我炒佢, 俾一個月代通知金佢即走

當然我想佢choose (2)啦, 最唔想佢choose (4)啦, 叫左佢今晚答覆我 ~~~~

你地仲有無好d 既提議 / 意見可以俾我 ??
?-( ?-(

私人傳訊

Ding

積分: 5082

11^#

發表於 04-10-21 16:31 |只看該作者

Re: 唉 ! direct hire既新賓賓來了5日, 我媽媽就要我炒佢....

florence

做左6日唔洗俾一個月通知.. 7日就得架啦..就算補錢都係蜻7日代通知金...

Ding

私人傳訊

MYMYSO

等待驗證會員

積分: 934

12^#

發表於 04-10-23 11:11 |只看該作者

Re: 唉 ! direct hire既新賓賓來了5日, 我媽媽就要我炒佢....

唔好kam傻呀！你無需比一個月kar。

以往我會同工人商量，叫工人可即走，而她不用賠，我由不用賠；只比機票。

[size=medium]mymyso

私人傳訊

linchan

積分: 8373

13^#

發表於 04-10-23 13:00 |只看該作者

Re: 唉 ! direct hire既新賓賓來了5日, 我媽媽就要我炒佢....

MYMYSO 寫道:
唔好kam傻呀！你無需比一個月kar。

以往我會同工人商量，叫工人可即走，而她不用賠，我由不用賠；只比機票。

Yes, correct. For termination of domestic helper, we need to pay them $3270 in lieu of one month notice no matter how many days she has been worked for you.

私人傳訊

LuLuCheung

積分: 1492

14^#

發表於 04-10-23 21:24 |只看該作者

Re: 唉 ! direct hire既新賓賓來了5日, 我媽媽就要我炒佢....

florence,
八掛問下, is your helper is introduce by your friends? Why you through direct hire?

私人傳訊

積分: 2163

15^#

發表於 04-10-25 00:27 |只看該作者

Re: 唉 ! direct hire既新賓賓來了5日, 我媽媽就要我炒佢....

Linchan,

Yes, u're right. I've confirmed it with Labour Department.

linchan 寫道:
[quote]
MYMYSO 寫道:
唔好kam傻呀！你無需比一個月kar。

以往我會同工人商量，叫工人可即走，而她不用賠，我由不用賠；只比機票。

Yes, correct. For termination of domestic helper, we need to pay them $3270 in lieu of one month notice no matter how many days she has been worked for you.[/quote]

私人傳訊

積分: 2163

16^#

發表於 04-10-25 00:29 |只看該作者

Re: 唉 ! direct hire既新賓賓來了5日, 我媽媽就要我炒佢....

MYMYSO,

How can I negotiate with her ? Actually she has done nothing wrong, only my mother dislikes her ja........

Also, I don't want to be involved in any legal proceeding in future......

私人傳訊