意見反饋
義工

自由講場 今日: 4030|主題: 1009788

查看: 6001 | 回覆: 5
數碼通的"家+電話"好唔掂


子爵府

國民生產總值:14316


發表於 09-3-5 22:02 |顯示全部帖子
一向用開PCCW的固網電話, 但因為收費比較貴, 決定轉用數碼通的GSM家+電話, 前幾日去買, 一部主機一部分機. 點知部機有問題, 換完再換都係有問題, 嘥晒我D時間走去換. 初時仲話換左一次就無得換, 有問題要自己攞去維修部... 不過暫時佢地仲肯俾我去分店換過部新機...

第一部, 义不到電; 第二部义到電, 又配對到主機, 但唔識響; 第三部义到電, 但配對唔到主機.

明天去換第四部, 唔知今次掂唔掂嘞...


子爵府

國民生產總值:13063


發表於 09-3-5 22:54 |顯示全部帖子
係個電話機唔掂0者!你咁買法要幾銀?

請問通話音色掂唔掂?


子爵府

國民生產總值:14316


發表於 09-3-5 23:17 |顯示全部帖子
原帖由 virgokaren 於 09-3-5 22:54 發表
係個電話機唔掂0者!你咁買法要幾銀?

請問通話音色掂唔掂?


咪就係le款機嘅質素唔掂囉, 竟然連續3部都有問題! 不過通話音色ok架喎.

簽30個月約, 每個月$68, 部主機送俾你, 再送1年流動電話服務(850分鐘,但要俾隊道費,可以帶number過台), 分機係另外買, $380.


子爵府

國民生產總值:13063


發表於 09-3-6 23:37 |顯示全部帖子
我去年都想轉用佢,見佢個電話幾靚!
仲送手提通話咁好!

不過,無電就斷線喎!
但而家人人有手提,都唔怕啦!


子爵府

國民生產總值:14316


發表於 09-3-13 21:38 |顯示全部帖子
宜家已經換番部正常的主機和分機返黎, 但係用落覺得始終無固網電話咁好, 因為佢間中有d雜聲和接收問題.

另外仲有一樣野, 我懷疑數碼通送的主機係之前有其他客人用過, 因為部機入面的phonebook內有4個儲存的人名和電話號碼, 同埋上年4月的賬單訊息, 我懷疑係人地發現部機有問題攞返去換, 數碼通修理後換上新的外殼又入番好當新機俾我地. 我向數碼通反映, 投訴佢地無好好保障其他客人的私隱資料, 但佢地堅稱部機係全新, 只係出廠時做測試時留下了資料未delete, 我唔信, 如果要測試phonebook功能都毋須要輸入4個人的資料咁多, 而且d名和電話號碼又唔係求其作, 而係好明顯嘅中文名, 我話佢地咁都唔認處理不當, 我隨時打果幾個電話號碼問問就知係咪真係舊客戶的資料, 佢地只係堅持話唔係, 又話叫我delete左d資料就得, 又話一係派人上門換過部全新的俾我...... 都未見過一間咁離譜的公司! 不過我費事嘥時間同佢玩大佢咋, 否則我向傳媒揭發佢地咁隨便處理舊客戶資料都得呀!

[ 本帖最後由 ioi 於 09-3-13 21:40 編輯 ]


子爵府

國民生產總值:14316


發表於 09-4-11 23:59 |顯示全部帖子

千祈唔好買!!

早前換完第四部, 終於ok, 义到電, 又配對到主機.

前幾日正式轉台後先真正開始用, 發現非常唔掂. (1) 通話時有電流聲干擾. (2) 接收不良, 時大聲時細聲, 有時直情聽唔清楚對方講乜, 只係靠估佢前言後語的意思, 或者問番問去. (3) 去到屋企某d位置會突然間對方聽唔到我講野. (4) 講講下無端端斷線, 兩日內已經四次.

今日搵師傅上黎check, 發現無論部主機放在屋企任何位置, 都有某些位置接收得唔好, 甚至有機會斷線.

我已經同數碼通反映, 我要求取消合約及退回已交款項. 理由係: (1) 佢地le隻產品無可銷售的品質, 違反商品售賣條例. (2) 佢地在宣傳單張上列明"你可以享受卓越清晰的話音質素", 而sales當時說在屋企內只要手提電話接收到的位置, le部電話都接收到, 卻並非事實, 誤導我屋企人購買.


© Baby-Kingdom.com Limited. All rights reserved.