婦女醫護

收藏本版
發帖
返回列表
跳至頁
被念珠菌困擾18 個月！求断尾者入！  

首頁
12345...20

尾頁
   114
kc1013


別墅

積分: 623


發表於 18-1-20 19:48 |顯示全部帖子
本帖最後由 kc1013 於 18-1-20 19:48 編輯

各位姊妹，文長，慎入！
話說小妹因為雙腋大汗，於2016 年8 月响旺角整型外科專科醫生王x康医生度做左腋下大汗腺切除手术，其實非貪靚，係因有臭狐問題，想根治，点知做完手术後，不单只清唔哂d腋下汗腺，仲有味，更因为食左几日抗生素而惹上了念珠菌同細菌性陰道炎！

2016 Aug: 第一次感到外陰同肛門痕，有些少豆腐渣，已立刻去仁安睇林x強医生，佢立刻俾一粒150 mg diflucan 口服藥加塞藥……又化驗……一星期後出報告……話moderate growth of candida albicans 即係有白色念珠菌……仲另有細菌性陰道炎……要食7日抗生素metronidazole....食完……党得仲係好多分泌……好怪……但我冇再返去覆診……因党得好貴……然後再自己去藥房……藥房d人教我再連續三日食藥加塞藥……

2016 Sept to Oct: 因為睇婦科真係下下千几蚊……所以我去左gov d 普通科門診驗……点知都係斷断續有念珠菌……好灰

2016 Nov: 頂唔順……去睇仁安余啟x医生……以為佢係仁安婦產部主管会pro d , 点知去到就好cool 咁抛下一句: 念珠菌係会返番架喎！冇計……跟住就又塞一粒藥……同開一支藥膏俾我……加化驗……又收二千蚊……最嬲係:我已同佢講話係處女，佢幫我塞完藥後，仲問我:你條陰道咁窄，平時点同男友行房？痴線！大家評下理？

2017 jan: 因為仲係覺得唔舒服, 所以決定搵一個女醫生去睇, 揾林x醫生, 佢聽咗我的經歷後一次過畀咗六粒口服特效藥我， 叫我一痕就食， 但最多一個星期只可食一粒， 因為好傷肝， 佢亦有同我化驗結果化驗係冇菌， 好開心以為終於可以了結呢個惡夢

朋友叫我問多個醫生攞意見, 於是我找了一位經常上報紙的醫生問一問,勒x仁…… 點知佢鬧我話濫用抗真菌藥, 其實我就係唔放心林醫生的建議先至問佢點做, 佢診症好急根本冇心機医我， 佢淨係叫我一復發就塞藥…… 其實我真係唔知仲有邊啲醫生可以幫我

香港嘅婦產科醫生全部都好似賺錢至上, 個個好似掛住幫人開刀生仔產檢嗰啲, 冇心機同你醫念珠菌呢啲小事

2017 feb: 因為我5月就結婚了所以真係好想決心醫好佢, 無意中見到有位養和的女醫生在專欄寫點樣醫念珠菌, 尹x樂…… 非常貴睇養和…… 但呢位醫生係我睇過嘅最好， 好細心同埋佢建議用鴨咀鉗幫我睇一睇陰道， 雖然係處女但已冇理咁多…… 有同醫生問會唔會有抗藥性嘅問題， 佢就開左另一隻口服藥食3日，intraconazole 200 mg x 3 days, 再開埋益生菌，嗜酸乳桿菌加益生菌塞藥……盛惠4000
2017 Mar: 月頭因為同男朋友試行埋而中咗尿道炎，好灰又要食抗生素……即刻打畀尹醫生…… 佢建議我塞藥做預防…… 同時間食益生菌


2017 april: 日日keep住食益生菌結果呢個月好似冇事

2017 may: 因為結婚所以無可避免地行房, 估發咗劑勁嘅念珠菌加細菌性陰道炎, 又要返醫生度睇, 結果 又要食 抗真菌藥同埋抗生素…… 去到呢一刻 情緒爾大崩潰 喊咗好勁， 唔知點樣可以面對老公…… 雖然佢好支持但都好無奈

2017 june: 朋友介紹去睇播道另一位婦產科醫生, 郭x揚…… 佢好好而且佢話見到我宮頸有糜爛, 建議 我做一個冷凍治療嘅手術, 因為佢認為宮頸糜爛同念珠菌有關係, 所以我就6月尾接受了這個手術, 我有問醫生為何會有宮頸糜爛, 佢就懷疑係因為陰道炎拖得太耐而引致的, 其實真係超級無奈, 因為我已經係好積極去醫唔係唔理, 於是我六月尾接受手術後七月至八月都是康復期中, 一心以為真的有個了結了....手术費8000

2017 Sept to oct: 可惜的是子宮頸修復完畢後, 念珠菌仍是復發, 郭醫生有給塞藥及口服藥給我…… 情緒真的來過大崩潰.... 因為似乎原地踏步.…… 期間醫生給我的建議是一有不舒服就回來給他洗陰道…… 如是者洗了幾次仍然復發..... 佢都找不到原因..... 可以肯定的是我不是糖尿病及其他性病因為已通通見過了..... 先生亦已食口服藥及搽藥膏…… 亦已做超聲波照子宮及卵巢亦冇事




2017 Dec to jan 2018: 因為害怕以數個月沒有行房了, 老公都好慘, 但我最麻煩的是 每次用避孕套就會有尿道炎， 而且有念珠菌嘅時候陰道好唔舒服好痛唔會想行房…… 過唔到正常嘅夫妻生活好沮喪好想喊.... 最後又轉咗去養和專睇婦科嘅醫生佢姓曹....... 佢聽完我嘅經歷之後亦都有話我問我做乜不斷轉醫生.... 但係各位姊妹若果你係我你應該會明我點解會咁樣去轉醫生, 因為似乎我再跟住佢哋都唔會有咩方法幫到我, 呢位婦科曹醫生 同佢嘅姑娘係最有心医我嘅…… 曹醫生都係開口服藥畀我但係就叫我一個星期食兩粒口服藥，再加食某一種抗生素, 由12月中嗰個星7期食, 三個星期, 咁我月頭再返去畀佢驗, 念珠菌係冇曬, 點知一月中去驗嘅時候佢又返發, 其實我而家都繼續睇緊佢..... 我肯定嘅嘢係我唔會再轉醫生, 因為再轉落去都冇意思, 其實佢同佢嘅姑娘已經教咗我好多方法內: 以每日食益生菌 不食甜野 每天食維他命b加c藥丸 每天飲十杯水 自攜紙巾 大小二便都用濕紙巾抹一抹 方向由前向後

外: 以著全棉內褲唔用護墊 唔著所有緊身褲牛仔褲 用手洗底褲用熱水煮底褲 用乾衣機烘乾 已脫毛 老公已食過藥家搽藥膏 暫時仍未行房 有使用女性潔膚液稀釋浸patpat

其實中醫我有睇過幾個 但係 錢就照畀咗好多但係飲住中藥都會照番發 所以對中醫都唔太有信心

所以想跪求 成功斷尾嘅姊妹入嚟打救下我呢個苦命， 特別係嗰啲唔係因為懷孕而有念珠菌嘅姊妹, 究竟我仲欠咗啲乜嘢先至好唔返? 我諗我淨係欠未做運動而且我今年因為念珠菌呢樣嘢確係身體同心情都好差

請成功斷尾嘅姊妹提供有用嘅方法
私人傳訊

jc2001


大宅

積分: 3036


發表於 18-1-20 20:59 |顯示全部帖子
kc1013 發表於 18-1-20 19:48
各位姊妹，文長，慎入！
話說小妹因為雙腋大汗，於2016 年8 月响旺角整型外科專科醫生王x康医生度做左腋下 ...

你食邊隻益生菌？有無聽過kefir奶克?
私人傳訊

kc1013


別墅

積分: 623


發表於 18-1-20 22:26 |顯示全部帖子
回覆 jc2001 的帖子

嗜酸乳桿菌……膠囊…5 billion 一粒……医生叫我一日食兩粒
私人傳訊

jc2001


大宅

積分: 3036


發表於 18-1-20 23:08 |顯示全部帖子
kc1013 發表於 18-1-20 22:26
回覆 jc2001 的帖子

嗜酸乳桿菌……膠囊…5 billion 一粒……医生叫我一日食兩粒 ...

kefir奶克好多唔同種類既益生菌，有幾位朋友飲一排好咗好多。你可以上網seach吓。如你有需要我可以分一部份比你(免費)。

私人傳訊

clkv


子爵府

積分: 10658


發表於 18-1-21 00:17 |顯示全部帖子
本帖最後由 clkv 於 18-1-21 00:21 編輯

回覆 kc1013 的帖子

樓主，你食益生菌食咗幾耐呀？如果你成日番發真係要食一排先有用，我幾年前都好似你咁成日番發，睇醫生睇到怕，後來睇到話食益生菌有用，咁我就食咗幾年啦(冇番發我就當保健品咁)！其實益生菌有好多款~醫念珠菌就要Lactobacillus acidophilus 嗜酸乳桿菌先有效的。我食的就是這款+紅莓素。ps. 我都睇過仁安余啟x醫生，佢超串，都唔知點解咁多人睇佢，呢個醫生我唔會再睇佢啦！
私人傳訊

kc1013


別墅

積分: 623


發表於 18-1-21 07:37 |顯示全部帖子
回覆 clkv 的帖子

係養和医生開俾我架……係嗜酸乳桿菌……5billion一粒……每日食兩粒……由十二月份 2017 年先開始堅持食番呀……
我寫出黎……真係对香港某d医生好失望……不吐不快呢！

攪咁耐……好难唔大壓力
私人傳訊

clkv


子爵府

積分: 10658


發表於 18-1-21 13:21 |顯示全部帖子
回覆 kc1013 的帖子

咁你要一直食呀～ 益生菌你可以在萬0或藥房都買到
私人傳訊

kc1013


別墅

積分: 623


發表於 18-1-21 14:09 |顯示全部帖子
回覆 clkv 的帖子

當時你反覆左几多個月先完全冇返發呀？？仲有，你可否影你食緊既益生菌俾我呀？thx
私人傳訊

clkv


子爵府

積分: 10658


發表於 18-1-21 14:18 |顯示全部帖子
回覆 kc1013 的帖子

我之前冇食益生菌成日番發，後來食咗後就冇番發過啦～到現在我當保健品咁食。最初我在萬0及藥房買，但原來上網買平好多，我冇dl bk app放唔到相，我sent 佢你啦。
私人傳訊

Whoiling


大宅

積分: 1284


發表於 18-1-21 14:28 |顯示全部帖子

回覆樓主

我曾經都有念珠菌，都是食幾日抗生素，塞藥，用清水洗私處，好似不能行房幾個月，就完全康復了，從未返發過，你要保持清潔，我每天都用護墊的
私人傳訊

20171107


大宅

積分: 1029


發表於 18-1-21 17:32 |顯示全部帖子
本帖最後由 20171107 於 18-2-3 10:28 編輯

，
私人傳訊

popo_0213


大宅

積分: 4982


發表於 18-1-22 01:08 |顯示全部帖子
kc1013 發表於 18-1-20 19:48
各位姊妹，文長，慎入！
話說小妹因為雙腋大汗，於2016 年8 月响旺角整型外科專科醫生王x康医生度做左腋下 ...

飲紅苺汁！超市有售！
私人傳訊

zoooooooooo


大宅

積分: 2083


發表於 18-1-22 13:26 |顯示全部帖子

回覆樓主:

會唔會試下睇中醫呀，我濕重嗰排係發到未停過
私人傳訊

kc1013


別墅

積分: 623


發表於 18-1-23 08:48 |顯示全部帖子
回覆 zoooooooooo 的帖子

已试過……飲住中藥都發……飲左三個月……
私人傳訊

pigmei


子爵府

積分: 11718


發表於 18-1-24 11:55 |顯示全部帖子
回覆 kc1013 的帖子

之前你有個醫生話齊, 念珠菌真係無得斷尾的. 我都係有. 以前都係成日番發,成日塞藥吃抗生素…周而復始…我依假都不是斷左尾,但情況很受控,好多年無番發,有時會有D痕,但一清濕就會OKAY番.我可以比你參考下呢幾年我在生活上有什麼改變,哈,其實之前我在其他POST都有提過下. 這幾年我做左YOGA,每日都會做少少運動,另外我有乙肝,幾年前開始去中醫度醫(因為有朋友醫好左,所以去試),個中醫一開口就話如果介口介得好,3年,我現已5年,尚未醫走乙肝(我貪玩,成日介口介得不好,一玩完或破介左又要將D野清番走才可以吃清肝藥(我好信呢個中醫),但雖然未醫好乙肝,但身體真係以前好好多,面色都改善晒,日日都好精神..久病成醫,我學左好多野,其中一樣係陰道炎,醫師話濕聚下盆就容易發,尿道炎也是,反正濕聚下盆就會發,其實醫師把脈都知,佢會自動幫我清,所以你可以向呢個方向尋求下,我們在生活上的習慣, 飲食(都好重要),心情都有影響,抵抗力一低就來料,像唇瘡是同樣道理,當然清潔果D因素就係人都知啦
私人傳訊

kikiuiui


男爵府

積分: 7252


發表於 18-1-24 12:00 |顯示全部帖子
kc1013 發表於 18-1-23 08:48
回覆 zoooooooooo 的帖子

已试過……飲住中藥都發……飲左三個月……

外國興益生菌塞陰道醫念珠菌，你可以上網研究下，但都係要有jm所講專醫念珠菌成分的益生菌先有效。
私人傳訊

kc1013


別墅

積分: 623


發表於 18-1-24 14:28 |顯示全部帖子
回覆 pigmei 的帖子

可否介紹你個中医俾我呀？？
私人傳訊

yanyty


洋房

積分: 89


發表於 18-1-26 11:28 |顯示全部帖子
回覆 clkv 的帖子

可否PM隻益生菌給我? Thank you!!
私人傳訊

yanyty


洋房

積分: 89


發表於 18-1-26 11:29 |顯示全部帖子
回覆 pigmei 的帖子

可否PM你的中醫給我? Thank you!!
私人傳訊

pigmei


子爵府

積分: 11718


發表於 18-1-26 11:34 |顯示全部帖子
yanyty 發表於 18-1-26 11:29
回覆 pigmei 的帖子

可否PM你的中醫給我? Thank you!!
okay
私人傳訊


首頁
12345...20

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見