原帖由 KoyeBaby 於 09-3-6 11:13 發表
我一直以為佢好錫個女,d臭脾氣已經為個女收歛哂,但係原來唔係囉...
尋晚凌晨我同佢鬧交,佢話我態度差,我唔想再同佢拗就話唔想同佢講嘢,點知佢發哂癲咁走入房澎門,特登大聲嘈醒個女,我唔知佢會再做d咩,我即刻抱住個女,佢就一路追住我指住我嚟鬧,話好憎我嘅態度,話我"迫"佢開完通宵都要睇住個女唔俾佢瞓,話我怨呢樣怨嗰樣,跟住就好惡咁話唔會俾我安寧!我一句都無駁佢,個女已經嚇到狂喊,我淨係想氹返佢!就喺個女開始唔喊,想瞓返嘅時候,佢又衝入嚟揼嘢話唔俾我哋瞓!我直情匿喺房關埋門唔想同佢有接觸!