少年成長

跳至

首頁
1

尾頁
   0


大宅

積分: 1450


發表於 09-3-6 14:04 |顯示全部帖子
求救。點樣對付亂發皮氣既小朋友?

最近亞女唔舒服,咳左好耐都唔好,好多痰
雙手又出濕疹, 又痕又紅
尋日仲要撞親個面, 額頭咀角瘀晒
我都知道佢好辛苦...知道佢唔舒服

平時皮氣都己經唔好, 郁D就扭計
但最近......直頭乖大1千部.......真係扭到我CC下
我自問都叫忍得下, 今日同尋日都比佢激到想喎
甘又唔得, 甘又唔係....一時甘, 一時那...

今日我去廁所姐, 佢可以係門口嘈住一定要我立即出黎, 仲大叫(尖叫)又喊...仲嘔添...仲聽到佢係出面鬧個工人 (我地從未試過係佢面前話工人架), 真係野蠻到極; 一時又走黎話呢樣TOYS唔玩喇, 倍佢拎去擺好(天台)....我唔得閑, 話一陣先, 又唔得...又係大吵大鬧 ; 好喇, 叫佢數1-20..當cool down下啦....就同佢一齊去擺好; 落黎唔夠1分鐘...又大吵大鬧...話人地點解唔比佢玩(個toys)...點解唔比, 點解收起佢................佢係咪唔講道理得甘緊要呀? 明明係佢自己話要拎去架.... 甘又喊一餐!

尋日咪落大雨既, 佢又嘈一日, 話好驚(真係驚), 大喊要我地叫個天唔好落雨唔好打雷.......同佢解釋一大餐, 都仍然嘈......最後整晚要抱住訓....點講都大喊仲要尖叫個隻.....以前只係驚打雷, 依家連落雨都話驚, 點算好??

問題, 我實在見到佢係發晒癲個隻黎發皮四, 真係可以叫"癲左"左...不受控架....完全唔知自己想點...唔知想人地點.......

連我都真係唔知點算好?? 好驚佢一直都係甘....


男爵府

積分: 6526


發表於 09-3-10 21:57 |顯示全部帖子
.......係咪佢有d乜野心事呀?感覺上係佢唔開心,先亂扭計喎?? (你之前有無講過d傷害佢既野??唔鍚佢,唔要佢..佢好煩..)


洋房

積分: 74


發表於 09-4-13 14:17 |顯示全部帖子
我覺得小朋友好唔開心囉,又覺得自己同你哋溝通唔到,所以咪發脾氣囉!

呢個係好通常的反應,俾多啲時間同個小朋友溝通啦,單單陪住佢係無用嘅,要不停以佢嘅立場去諗佢做乜唔開心至得...

其實會唔會係佢唔鍾意個工人?如果佢唔鍾意個工人或者工人私底下對佢唔好,小朋友都會有咁嘅反應,因為除咗發脾氣,佢唔知可以點令你哋留意佢,真係要好小心處理至得,屋企有無安裝 cam?考慮吓啦...另外,你可以搵日出街直接問個女,佢對個工人嘅印象係點?工人鍚唔鍚佢?問得清楚啲.....

都係講嗰句:小朋友發脾氣一定有原因,每個小朋友都鍾意人哋讚佢乖,唔會亂發脾氣嘅.


大宅

積分: 1346


發表於 09-4-20 23:01 |顯示全部帖子
最緊要要佢冷靜,當佢發脾氣時比個安全的角落佢,比佢坐幾分鐘,冷靜咗先同佢傾返,又要教佢發脾氣唔可以解決問題,當然都唔可以就佢啦~~~

Are you living your dream?

首頁
1

尾頁

跳至