跳至

首頁
1

尾頁
   0


大宅

積分: 1507


發表於 09-3-7 00:36 |顯示全部帖子
起初以為小朋友過度了一日兩三餐的吃粥仔階段,飲食與成人餐單相近,一切會較為簡單。後來發現,原來成人/自己食野本身好求祈,如果餐餐要執正黎煮(避味精、增味劑、色素、罐頭、街頭小食等等),的確相當困難同費時。你地平日會俾小朋友食咩呢?除左煮飯,有無其他方便、有營養又好味的食物?

以我為例,我覺得呢個餐單幾沈悶,同埋幾花功夫:
早餐:奶 + 半個包
午餐:自己煮白飯/粥/粉 + 菜 + 肉
下午茶:自己煮三文治(通常蛋治,方便)+ 生果
晚餐:自己煮白飯 + 菜 + 肉
臨訓:奶

[ 本帖最後由 puib 於 09-3-7 00:42 編輯 ]


大宅

積分: 1694


發表於 09-3-7 14:51 |顯示全部帖子
我就好想親自煮美味又有營養的食物比我囡囡食. 我唔會嫌麻煩 , 反之, 我老公卻反對我入廚房入咁耐, 話攪餐冒個囡都係唔肯食. 唔係我煮得難食, 係佢唔太喜歡食野. 唉.. 一齊出街, 我地都係帶奶奶比佢飲咋. 我真係覺得唔夠, 但無辦法! 佢真係唔食, 出街更難餵. 所以, "UN 芝芝" .
我都好想請教其他媽咪 , 有沒有方法令BB可以喜歡食野. (她只喜歡飲奶!)


大宅

積分: 3766


發表於 09-3-7 16:46 |顯示全部帖子
阿女放假差不多都同我哋出街食, 但就盡量食得清d.

早餐 : 奶
午餐 : 有時去茶樓飲茶, 比佢食腸粉, 义燒包,馬拉糕.......noodle , 如果在家食通常煮通粉(加豆腐+菜+肉), 有時唔想煮就去屋企附近大家樂叫個飯同bb一齊食
下午茶:又時食bread or 餅
晚餐 : 有時自己煮比佢食, 有時就叫外賣如牛肉炒時菜又有菜又有肉, 有時叫一道肉+自己煮菜
臨瞓 : 奶

因為我老公一星期都在大陸工作, 所以自己好少煮飯食最多煮比阿女食再唸自己...





原帖由 puib 於 09-3-7 00:36 發表
起初以為小朋友過度了一日兩三餐的吃粥仔階段,飲食與成人餐單相近,一切會較為簡單。後來發現,原來成人/自己食野本身好求祈,如果餐餐要執正黎煮(避味精、增味劑、色素、罐頭、街頭小食等等),的確相當困難同費時。你地平日會 ...


大宅

積分: 1694


發表於 09-3-7 16:49 |顯示全部帖子
講講下離左題tim!

我曾經試過買有機的樽裝食品 , 有營養價值的. 不過, 要去d大型的 supermarket 才有得買.

可以一試.


原帖由 puib 於 09-3-7 00:36 發表
起初以為小朋友過度了一日兩三餐的吃粥仔階段,飲食與成人餐單相近,一切會較為簡單。後來發現,原來成人/自己食野本身好求祈,如果餐餐要執正黎煮(避味精、增味劑、色素、罐頭、街頭小食等等),的確相當困難同費時。你地平日會 ...


大宅

積分: 3406


發表於 09-3-7 17:04 |顯示全部帖子
原帖由 puib 於 09-3-7 00:36 發表
起初以為小朋友過度了一日兩三餐的吃粥仔階段,飲食與成人餐單相近,一切會較為簡單。後來發現,原來成人/自己食野本身好求祈,如果餐餐要執正黎煮(避味精、增味劑、色素、罐頭、街頭小食等等),的確相當困難同費時。你地平日會 ...


其實你張餐單都ok,你自己覺得有咩問題先,我肥淇o既餐單如下:-

早餐:一支奶200ml(未夠鐘食午餐前亦會俾一D麵飽同餅干當然要飲水啦)
午餐:食飯仔里面有菜同肉(餐後食蘋果或者yogurt)
下午茶:奶一支200ml (亦會有餅或者飽)
晚餐:飯仔里面有菜同肉(有時會俾飯睇大小姐o既心情而定)
o訓前:一支奶200ml

我同c6好少會食罐頭食品,但都間唔中會食,我o地有時仲會特登買條斑返嚟煮同肥淇一起食,所以肥淇都叫做食過豉油,去酒樓都有食過steam fish,味精會好睇個人,因為我本身對味精敏感所以屋企一定唔會落,至于你話o係街飲茶o既點心我就好小心,我除了馬拉糕同飽皮之外,基本上咸點都未俾過,(有次試過食炒飯之後返屋企肥淇嘔)。

如果o個日出街真係無煮到o野食咪食baby food囉,肥淇都肯食o家。


大宅

積分: 1507


發表於 09-3-8 01:31 |顯示全部帖子
其實我無乜心得,因為我囝囝算係乜都食,不過,如果你囡囡鍾意奶,唔知佢係咪都鍾意奶味同唔鍾意粗糙的食物?可能你可以試下:

- 奶/豆漿 + 麥皮
- 菠菜蒸水蛋 (小朋友通常鍾意食水蛋)
- 老少平安 (用魚肉或用豬肉,如果用豬肉,我會買梅頭瘦,貪佢夠欶滑,然後chop到好碎好碎,碎到好似芝麻咁。)

唔知有無效呢?

原帖由 lamfanny 於 09-3-7 14:51 發表
我就好想親自煮美味又有營養的食物比我囡囡食. 我唔會嫌麻煩 , 反之, 我老公卻反對我入廚房入咁耐, 話攪餐冒個囡都係唔肯食. 唔係我煮得難食, 係佢唔太喜歡食野. 唉.. 一齊出街, 我地都係帶奶奶比佢飲 ...


大宅

積分: 1507


發表於 09-3-8 01:32 |顯示全部帖子
咦~~有咩即食的有機的樽裝食品?

原帖由 lamfanny 於 09-3-7 16:49 發表
講講下離左題tim!

我曾經試過買有機的樽裝食品 , 有營養價值的. 不過, 要去d大型的 supermarket 才有得買.

可以一試.


大宅

積分: 1507


發表於 09-3-8 01:41 |顯示全部帖子
可能我厭自己的餐單成日食中餐,有d悶,而且中餐比較重調味。

嘩,不過你淇淇都好犀利,可以幾乎謝絕味精﹗我可能慣左手,我腌肉都會落鼓油,唔多唔少都有味精,無咁健康。那麼我想請教你,你平日買的調味料係咪要刻意挑選?定係一般的超市都買到?

原帖由 Smallpigbb 於 09-3-7 17:04 發表


其實你張餐單都ok,你自己覺得有咩問題先,我肥淇o既餐單如下:-

早餐:一支奶200ml(未夠鐘食午餐前亦會俾一D麵飽同餅干當然要飲水啦)
午餐:食飯仔里面有菜同肉(餐後食蘋果或者yogurt)
下午茶:奶一支200ml (亦會有餅或者飽)
晚餐: ...


大宅

積分: 3406


發表於 09-3-8 10:23 |顯示全部帖子
原帖由 puib 於 09-3-8 01:41 發表
可能我厭自己的餐單成日食中餐,有d悶,而且中餐比較重調味。

嘩,不過你淇淇都好犀利,可以幾乎謝絕味精﹗我可能慣左手,我腌肉都會落鼓油,唔多唔少都有味精,無咁健康。那麼我想請教你,你平日買的調味料係咪要刻意挑選?定係一般的 ...


其實好睇個人口味o家,因為我同c6都好少出街食飯,因為c6成日出trip所以好多時都o係出面食,所以返到嚟屋企就多數o係屋企食飯,而屋企飯餸當然唔會落味精啦,我平時會用鹽嚟幫肥淇o既食物調味最多加小小油落D肉度等D肉滑D。

至于你話西餐,可以試o下煮ABC粉或者意粉,我有時會煲個魚湯,將D湯用嚟煲ABC粉或者意粉,魚湯根本都夠甜落小小鹽調味就已經好好食喇,當然都要加D菜同肉落去D粉到啦。


複式洋房

積分: 444


發表於 09-3-8 11:18 |顯示全部帖子
晉晉的餐單也大致如下:-

早餐:一支奶240ml + 一片方包(去皮)

午餐:菜肉麵 / 南瓜菜肉意粉或通粉 /
粟米蓉(自己打)菜肉飯或粥 / 出街食

晚餐:大致也與午餐差不多 + 水果

瞓前:一支奶240ml

餐與餐之間一支水150ml,但他午睡約3小時,走床也差不多吃晚飯,所以没有下午茶,會否吃得太少呢﹖但他午餐及晚餐也吃到大人飯碗一碗的份量。


大宅

積分: 1783


發表於 09-3-8 15:52 |顯示全部帖子
b仔在家的餐單, 我都會覺得"掛"左d, 但就營養均衡, 襯佢仲肯食, 米食到唔肯食囉.
加上近期有時出外食, 同埋係屋企都有比零食佢, 佢都食得好happy.

9:30 > 早餐奶 ~9安
12:00 > 1 支益力多, 因有益生菌
1:00 > 粥+一兩豬+半隻蛋+菜
4:00/5:00 > tea (bread/脹粉/蛋撻)
6:00 > snacks (cheese ball)
7:00 > 飯+菜 + 豬肉蒸水蛋
9:30 > ~9安奶

我用soy sauce + sugar + 生粉 + oil 醃肉.
如出街就冇帶食物 & 奶, 我地食乜佢食乜, 但都會select 較清淡的食物, 另外多數飲可樂.
在家會食清d, 留番d quota 出街用.

首頁
1

尾頁

跳至