意見反饋
義工

自由講場 今日: 4555|主題: 1009447

12
跳至
查看: 3736 | 回覆: 38
鍾 欣 桐 真 情 剖 白 實 錄 ( 一 )


別墅

國民生產總值:712


發表於 09-3-7 09:10 |顯示全部帖子
鍾 欣 桐 真 情 剖 白 實 錄 ( 一 )評分: 2.9 (14人) 瀏覽人次: 10,400 回應: 4


鍾 欣 桐 今 晚 在 無 收 費 台 播 出 的 《 志 雲 飯 局 》 訪 問 中 , 詳 談 與 陳 冠 希 的 一 段 情 與 淫 照 事 件 , 其 間 多 次 忍 不 住 落 淚 , 下 為 訪 問 內 容 。

鍾 欣 桐 : 嬌   陳 志 雲 : 雲

雲 : 阿 嬌 , 我 諗 大 家 都 好 關 心 一 件 事 就 係 , 差 唔 多 一 年 前 , 就 係 陳 冠 希 ( Edison ) 所 謂 艷 照 , 或 者 有 人 叫 淫 照 事 件 曝 光 , 突 然 間 唔 見 你 一 段 時 間 , 咁 家 過 差 唔 多 成 年 , 你 心 情 平 復 番 未 ? 係 咪 已 經 可 以 好 坦 承 去 面 對 呢 件 事 過 去 ?
嬌 : 平 復 番 啦 ! 係 喇 , 但 其 實 要 我 提 , 我 真 係 唔 係 好 想 再 提 , 但 係 我 真 係 一 路 都 冇 諗 住 去 隱 瞞 呢 件 事 , 只 不 過 係 冇 機 會 畀 我 去 講 番
雲 : 你 今 年 幾 多 歲 , 你 介 唔 介 意 講 ?
嬌 : 28 。
雲 : 28 歲 喇 , 入 行 前 , 甚 至 入 行 之 後 , 你 咁 大 個 女 , 一 定 都 會 試 過 拍 拖 , 戀 愛 經 歷 一 定 會 有 。 當 然 可 能 係 從 事 你 工 作 問 題 , 公 司 係 咪 時 不 時 都 要 你 保 持 番 一 個 玉 女 形 象 , 就 算 拍 拖 都 唔 好 公 開 講 。
嬌 : 其 實 我 一 路 都 冇 話 自 己 係 玉 女 , 係 呀 , 咁 公 司 都 冇 話 一 定 要 塑 造 我 係 一 個 玉 女 , 只 不 過 係 我 個 market 係 小 朋 友 , 咁 樣 就 想 多 正 面 活 動 , 同 埋 我 出 兒 歌 碟 , 都 好 正 面 , 所 以 大 家 會 覺 得 你 就 係 玉 女 。
雲 : 即 係 希 望 保 持 唔 好 太 多 緋 聞 呀 ?
嬌 : 係 呀 , even 我 拍 戲 啦 ! 都 唔 可 以 有 kiss 戲 , 我 未 試 過 拍 kiss 戲 , 因 為 我 緋 聞 比 較 多 , 咁 就 唔 想 再 有 一 kiss 鏡 頭 呀 , 會 更 加 多 呢 新 聞 。
雲 : 但 係 期 間 你 總 會 拍 拖 , 會 唔 會 覺 得 好 辛 苦 呢 ? 拍 拖 又 唔 講 得 , 又 唔 畀 得 人 睇 , 但 記 者 有 時 又 會 追 訪 你 喎 。
嬌 : 其 實 都 辛 苦 , 但 係 好 似 個 趨 勢 就 係 最 好 就 唔 好 話 畀 人 聽 , 係 喇 ! 咁 既 然 大 家 都 話 唔 好 話 畀 人 聽 , 咁 咪 唔 好 話 畀 人 聽
雲 : 即 使 有 人 問 到 , 都 惟 有 係 否 認 啦 !
嬌 : 嗯 嗯 嗯 ( 點 頭 ) 。


雲 : 你 係 點 樣 識 Edison , 係 咪 入 行 之 前 已 經 識 ?
嬌 : 入 行 之 前 識 , 係 呀 , 咁 就 係 朋 友 朋 友 , 係 呀 ! 但 時 就 唔 係 好 熟
雲 : 幾 時 開 始 真 係 同 佢 熟 絡 , 係 談 戀 愛 ?
嬌 : 入 公 司 時 候 。
雲 : 係 因 為 拍 你 音 樂 個 MV ?
嬌 : 之 前 已 經 係 。
雲 : 佢 會 唔 會 係 你 認 識 咁 多 男 朋 友 之 中 , 關 係 維 持 得 最 耐 一 位 ?
嬌 : 算 係 最 鍾 意 。
雲 : 大 家 交 往 幾 多 年 ?
嬌 : 拖 拖 拉 拉 、 離 離 合 合 都 有 4 、 5 年 。
雲 : 中 間 有 試 過 有 拗 撬 , 又 分 開 , 再 一 齊 , 又 再 分 開 。 ( 阿 嬌 不 停 點 頭 ) 但 你 有 冇 試 過 同 一 時 間 同 佢 一 齊 時 候 再 同 另 一 個 人 拍 拖 ?
嬌 : 通 常 同 番 佢 一 齊 我 就 冇 其 他 , 因 為 佢 影 響 我 都 幾 深 , 點 講 呢 , 同 佢 一 齊 我 好 難 再 投 入 另 一 段 感 情 。
雲 : 你 係 對 佢 一 見 鍾 情 感 覺 ?
嬌 : 都 係 , 都 係 ( 點 頭 ) 。 一 佢 都 幾 識 人 , 咁 好 開 心 , even 一 個 message 呀 , 我 就 會 好 開 心
雲 : 你 最 鍾 意 佢 呀 其 實 ?
嬌 : 我 都 唔 知 ( 笑 ) , 我 都 唔 知 , 即 係 我 覺 得 感 情 冇 得 解 釋 。
雲 : 你 提 佢 好 識 人 , 佢 點 樣 你 令 你 開 心 ?
嬌 : 好 少 , 即 係 一 個 message 已 經 好 開 心 , 因 為 可 能 真 係 一 係 就 唔 搵 , 有 時 可 能 一 個 message 已 經 會 好 開 心
雲 : 咁 你 同 佢 一 齊 , 有 過 咁 親 密 關 係 , 點 解 你 會 願 意 同 佢 拍 一 咁 親 密 照 片 呢 ?
嬌 : 我 唔 知 呀 ! 真 係 唔 知 呀 ! 即 係 唔 想 失 去 , 可 能 係
雲 : 你 意 思 係 拒 絕 就 驚 失 去 呢 個 男 朋 友 呀 ?
嬌 : 嗯 。


雲 : 你 影 完 相 之 後 , 第 一 次 呢 , 你 會 唔 會 好 擔 心 有 機 會 流 傳 出 去 ?
嬌 : 未 影 之 前 都 已 經 好 擔 心 , 因 為 我 會 不 停 問 你 會 唔 會 小 心 放 呀 ? 你 點 樣 處 理 呀 ? 佢 會 話 你 放 心 啦 , 因 為 面 都 有 我 嘛 , 所 以 唔 會 有 人 睇 到 或 者 乜 。 咁 係 , 都 放 心 ( 此 時 緊 皺 眉 頭 ) 。
雲 : 你 會 唔 會 覺 得 好 似 一 個 計 時 炸 彈 自 己 度 , 唔 知 幾 時 會 爆 發 ?
嬌 : 會 呀 ! 好 耐 , 因 為 呢 一 樣 好 影 響 我 情 緒 , 所 以 有 時 人 會 覺 得 我 點 解 成 日 黑 面 , 但 其 實 我 唔 係 黑 面 , 因 為 可 能 我 唔 開 心 , 或 者 好 多 諗 。
雲 : 你 有 冇 同 你 親 人 講 過 , 或 者 你 好 信 得 過 人 講 過 , 我 拍 相 ?
嬌 : 冇 。
雲 : 咁 你 有 冇 問 佢 影 呢 目 的 係 乜 ?
嬌 : 自 己 睇
雲 : 網 上 面 有 呢 相 , 你 當 時 一 睇 到 個 反 應 係 點 ?
嬌 : 好 驚 。
雲 : 你 有 冇 搵 過 Edison ?
嬌 : 有 。
雲 : Edison 有 冇 畀 過 任 何 電 話 或 者 訊 息 你 同 你 道 歉 ?
嬌 : 都 幾 心 灰 意 冷 , 之 後 我 都 有 打 畀 媽 咪 ( 哭 泣 中 ) , 我 喊 得 好 犀 利 。
雲 : 記 得 呢 件 事 已 經 發 生 一 年 , 舊 年 08 年 1 月 底 傳 出 呢 相 , 你 點 樣 知 道 網 上 有 呢 相 ? 係 有 人 話 畀 你 知 定 係 自 己 睇 到 ?
嬌 : 有 人 話 我 聽 , 跟 住 我 就 上 網 睇 到 。
雲 : 當 時 一 睇 到 咁 你 反 應 點 ?
嬌 : 好 驚 , 除 驚 唔 知 可 以 做 一 刻 想 辦 法 , 有 冇 可 能 張 相 會 消 失 呀 ? 但 冇 可 能 , 網 上 流 傳 得 好 快 , 即 刻 有 好 多 電 話 , 刻 真 係 唔 想 同 人 講 , 想 逃 避 。


雲 : 有 冇 搵 Edison , 睇 到 呢 相 之 後 ?
嬌 : ( 點 頭 ) 有 , 搵 唔 到 。
雲 : 佢 有 冇 搵 你 ?
嬌 : 冇 。
雲 : 完 全 冇 溝 通 過 ? 直 至 家 Edison 有 冇 畀 過 任 何 訊 息 或 者 電 話 同 你 道 歉 呀 ?
嬌 : 冇 , 我 一 個 人 承 受 咁 多 壓 力 , 好 想 有 一 個 道 歉 或 者 安 慰 , 但 到 家 都 冇 。
雲 : 佢 家 公 開 道 歉 , 話 所 有 受 影 響 女 仔 過 番 自 己 生 活 , 快 樂 同 健 康 , 你 點 睇 佢 呢 番 說 話 ?
嬌 : 我 覺 得 佢 同 出 面 點 講 都 唔 重 要 , 最 起 碼 應 該 同 我 講 聲 發 生 乜 事 。 知 道 發 生 呢 件 事 第 一 時 間 想 搵 佢 求 證 , 但 搵 唔 到 刻 好 徬 徨 , 刻 唔 知 點 做 。
雲 : 印 象 中 我 記 得 你 係 第 一 個 出 面 對 記 者 , 開 記 者 招 待 會 , 雖 然 記 者 招 待 會 好 短 , 係 你 意 思 定 係 公 司 意 思 ?
嬌 : 初 時 係 好 唔 想 面 對 , 因 為 面 對 唔 到 , 招 待 會 時 間 太 倉 卒 , 未 有 心 理 準 備 出 之 下 開 記 者 會 。 我 最 想 男 方 出 , 講 到 我 講 時 候 先 知 講 乜 , 但 又 唔 知 講 乜 好 , 因 為 冇 人 話 有 呢 件 事 發 生 , 咁 出 應 該 講 有 定 冇 呀 ? 人 怪 我 好 唔 認 , 問 題 我 冇 唔 認 , 我 唔 知 應 該 講 時 好 亂 , 真 係 冇 可 以 講 , 因 為 當 時 好 驚 , 好 多 閃 光 燈 睇 唔 到 前 邊 , 除 驚 就 係 呆 , Charlene ( 蔡 卓 妍 ) 都 呆 , 大 家 都 好 驚 。 我 再 講 多 兩 句 真 係 會 忍 唔 住 喊 , Mani 見 到 我 講 唔 到 就 拉 我 入 去 後 邊 。


男爵府

國民生產總值:7333


發表於 09-3-7 09:46 |顯示全部帖子
再一次騙人,無眼睇!主持和被訪者部在做戲。


禁止訪問

國民生產總值:2980


發表於 09-3-7 09:57 |顯示全部帖子
提示: 作者被禁止或刪除 內容自動屏蔽


子爵府

國民生產總值:11563


發表於 09-3-7 09:58 |顯示全部帖子
我覺得:

1) 佢話最愛edison, 但係明知edison同bobo拍拖,而佢又同方力申外遊, 佢似乎係介入做人第三者囉,同埋佢根本一d都唔專一,仲扮到好似好深愛一個人咁,查實咪又係一腳踏幾船

2) edison講一句話無其他女朋友, 佢竟然信嗎?! 我先唔信佢講野囉, 佢前後茅盾, 一時話信edison講既野, 但另一方面又怕失去要影相留住個男人, 如果你信佢,駛鬼做咁多呢d多餘野咩

我覺得佢好似將所有責任推落人地身上, 表面就形容到自己好專一對一個人,自己用錯方法愛錯, 但係實際佢係咪如佢所講一樣呢, 大家有眼見囉


侯爵府

國民生產總值:24098

好媽媽勳章 畀面勳章 環保接龍勳章 BK Milk勳章


發表於 09-3-7 10:12 |顯示全部帖子
原帖由 小華子 於 09-3-7 09:58 發表
我覺得:

1) 佢話最愛edison, 但係明知edison同bobo拍拖,而佢又同方力申外遊, 佢似乎係介入做人第三者囉,同埋佢根本一d都唔專一,仲扮到好似好深愛一個人咁,查實咪又係一腳踏幾船

2) edison講一句話無其他女朋友, 佢 ...


agree


珍珠宮

國民生產總值:44763

最關心BB問題熱投勳章 我的育兒心得勳章 2011精緻種植勳章 畀面勳章 環保接龍勳章


發表於 09-3-7 10:15 |顯示全部帖子
原帖由 poohpooh123 於 09-3-7 09:57 發表
好一套大龍鳳!!


認同!!!


複式洋房

國民生產總值:303


發表於 09-3-7 10:24 |顯示全部帖子
唉﹒﹒﹒﹒食之無味,棄之可惜囉!或許佢真係好迷陳冠希,迷到腦閉塞,唔知自己做緊乜。到出事又唔知點面對,但唔面對就乜都無,局企出


子爵府

國民生產總值:11563


發表於 09-3-7 10:27 |顯示全部帖子
最後一個感覺係: 英x d 公關同mani真係好唔掂, d交際手法好有問題, 成日用錯方法,
最過份係用埋"txb新聞"呢條宣傳橋, 直情係反感, 咁樣只會令件事更加不堪, 仲多人反gil囉


男爵府

國民生產總值:6714


發表於 09-3-7 10:37 |顯示全部帖子
原帖由 小華子 於 09-3-7 09:58 發表
我覺得:

1) 佢話最愛edison, 但係明知edison同bobo拍拖,而佢又同方力申外遊, 佢似乎係介入做人第三者囉,同埋佢根本一d都唔專一,仲扮到好似好深愛一個人咁,查實咪又係一腳踏幾船

2) edison講一句話無其他女朋友, 佢 ...


完全同意, 仲話自己冇唔認有影呢 d 相, 咁初初又做乜要話係移花接木相呀? 前後芧循


珍珠宮

國民生產總值:37283

好媽媽勳章 醒目開學勳章 畀面勳章


發表於 09-3-7 11:33 |顯示全部帖子
不如叫 Mani 走出黎做幕前啦,
佢影幅相都咁有台形,
老實講我覺得佢搶鏡過亞嬌。


禁止訪問

國民生產總值:4068

好媽媽勳章


發表於 09-3-7 11:41 |顯示全部帖子
提示: 作者被禁止或刪除 內容自動屏蔽


男爵府

國民生產總值:6072


發表於 09-3-7 13:17 |顯示全部帖子
唔該唔好再幫佢地復出做勢啦, 好厭煩佢地所講的一切。


大宅

國民生產總值:1550


發表於 09-3-7 17:03 |顯示全部帖子
原帖由 小華子 於 09-3-7 09:58 發表
我覺得:

1) 佢話最愛edison, 但係明知edison同bobo拍拖,而佢又同方力申外遊, 佢似乎係介入做人第三者囉,同埋佢根本一d都唔專一,仲扮到好似好深愛一個人咁,查實咪又係一腳踏幾船

2) edison講一句話無其他女朋友, 佢 ...


我都覺佢好矛盾。但我又唔覺佢100%講大話,可能佢真係甘諗,因為佢個腦未發育。
題外話:佢唔係好識擇男友(Alice & Edison都係小白臉),反而阿Sa好似醒D(Donald)


複式洋房

國民生產總值:314


發表於 09-3-7 17:09 |顯示全部帖子
衣單嘢諗起
就想
公義使邦國高舉(箴14:31)


禁止訪問

國民生產總值:29218

畀面勳章


發表於 09-3-7 18:38 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


禁止訪問

國民生產總值:81485


發表於 09-3-7 18:52 |顯示全部帖子
提示: 作者被禁止或刪除 內容自動屏蔽


大宅

國民生產總值:1550


發表於 09-3-7 18:56 |顯示全部帖子
原帖由 EVA222 於 09-3-7 18:52 發表
我信佢有自殺的念頭,但不會實行,由訪問中看出她做事不果斷,野心不大愛幻想,目標不清晰,會實行自殺的人,多是對自己有高要求,觀察力強,自信心爆棚,視事業為第二生命. ...


子爵府

國民生產總值:10525


發表於 09-3-7 19:16 |顯示全部帖子
睇緊lu............


複式洋房

國民生產總值:314


發表於 09-3-7 19:18 |顯示全部帖子
做戲禁做,超討厭


大宅

國民生產總值:2207


發表於 09-3-7 19:23 |顯示全部帖子
今次, 雖然pg都是假,不過pg睇上來自然好多, 嬌嬌好假到出晒面..


12
跳至
  • 搜 尋
  • APP
  • 網 站
© Baby-Kingdom.com Limited. All rights reserved.