吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 移民生活，請分享

自由講場今日: 2056|主題: 1299580

收藏本版

發帖

返回列表

跳至頁

查看: 11680 | 回覆: 82

12 3 4 5

積分: 9628

1^#

發表於 18-1-26 15:49 |只看該作者 |倒序瀏覽 |打印

請問是否很忙清潔屋企？因為地方大了，而且沒有鐘點和工人，每日都忙著煮飯買餸和接送孩子？請問有沒有時間返part time 幫補生計？
請分享

0 0 0

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

2^#

發表於 18-1-26 17:13 |只看該作者

Apple_Orange_T 發表於 18-1-26 15:49
請問是否很忙清潔屋企？因為地方大了，而且沒有鐘點和工人，每日都忙著煮飯買餸和接送孩子？請問有沒有時間 ...

移去邊先.... 城巿大小, 識唔識當地語言, 有冇小朋友, 有幾多個小朋友都係重點.

我去非英語國家既小鎮住, 唔識當地語言就難搵工, 托兒所好貴而我亦接受唔到佢地既湊法, 咁咪自己湊, 搵freelance 通頂做. 其實返pt 可能會蝕錢/冇賺, 因為托兒所好貴, 所以就算係當地人, 唔少女性都迫住做ftm, 堅持返工果批都只係為keep 住有social contact 至返工.

我初初到埗時湊一個仔, 會成日清潔, 做足全日到半夜都有得做, 而家多左小朋友冇時間又做到悶晒, 所以決心要養成污癖 (以bk 標準為准則), 做基本野就算, 抽時間打機上網做運動仲有意義. 同埋清潔太多, 超級悶又要成屋人終日吸化學品, 亦不見得對大家有益. 以前有工返反而有心機做家務, 而家乜都用機器, 連花園草皮都換左用人造草就算. 一年有九個月係凍, 換季唔想執衫.

我幾日買一次餸, 所以唔會佔好多時間.

仔女響屋企附近返學, 所以接送好輕易. 佢地返學返半日, 少功課, 變相困獸鬥時間多左, 要諗法同佢地玩, 搵地方去. 而家3個仔女大左, 各有興趣班要上, 日日放左學咪忙帶佢地去上興趣班.

d 外國小朋友個個7點幾去訓. 我d 仔女去完朋友屋企或上完興趣班後就要忙煮飯, 幫細女沖涼等, 香港人都係咁忙架啦..... 不過第二日佢地朝精精神神, 乜都可以自動波唔駛我點理, 我朝朝淨係咆哮叫佢地唔好打交.

我要惡補語言, 初到埗時拎住本說明書查字典, 到而家都要下下查字典, 睇得多外語睇到我覺得好頭痛.

我見d 人住非英語國家既大城巿, 多國際級大公司, 好易搵到工, 請鐘點做家務, 小朋友去託兒所/有人湊, 生活用英文都生存到. 亦有人做pt, 創業.

私人傳訊

Apple_Orange_T

男爵府

積分: 9628

3^#

發表於 18-1-26 18:13 |只看該作者

bosch 發表於 18-1-26 17:13
移去邊先.... 城巿大小, 識唔識當地語言, 有冇小朋友, 有幾多個小朋友都係重點.

我去非英語國家既小鎮住 ...

非常感謝您的分享，很清晰你的現況
幻想到在異地ftm 是非一般的
如果我去，會去用英文溝通的國家，所以看是否有機會賺吓錢

私人傳訊

小可愛11

珊瑚宮

積分: 102475

畀面勳章

4^#

發表於 18-1-26 19:20 |只看該作者

Apple_Orange_T 發表於 18-1-26 18:13
非常感謝您的分享，很清晰你的現況
幻想到在異地ftm 是非一般的
如果我去，會去用英文溝通的國家，所以看 ...

好睇妳咩學歷或專業資格，亦好睇妳去邊個國家，邊個城市，太多太多環境因素影響，絕對無一個肯定答案。

私人傳訊

Fishqqma

珊瑚宮

積分: 117300

2024年龍年勳章虎到金來勳章

5^#

發表於 18-1-26 21:34 |只看該作者

回覆樓主:

你小朋友幾大先！

私人傳訊

luppy

子爵府

積分: 13839

6^#

發表於 18-1-26 21:42 |只看該作者

bosch 發表於 18-1-26 17:13
移去邊先.... 城巿大小, 識唔識當地語言, 有冇小朋友, 有幾多個小朋友都係重點.

我去非英語國家既小鎮住 ...

甘你都好叻.....
仲要3個

私人傳訊

piv

公爵府

積分: 28206

7^#

發表於 18-1-26 21:44 |只看該作者

bosch 發表於 18-1-26 17:13
移去邊先.... 城巿大小, 識唔識當地語言, 有冇小朋友, 有幾多個小朋友都係重點.

我去非英語國家既小鎮住 ...

7點幾就瞓咁早架?咁幾點食晚餐?

私人傳訊

HappyBaby1002

大宅

積分: 2111

8^#

發表於 18-1-27 01:53 |只看該作者

回覆樓主

我仔兩個月大就過左外國定居，好彩我係英語為主嘅國家，但我住係小鎮無乜中國人，有個d已經住左好耐無乜來往。
嚟到咩都係自己做，清潔煮飯湊仔到鏟草洗窗洗車都會自己做。而家慣左又覺得無咩嘢，外國人個個都係咁，咩都DIY。上年考到車牌個人更開放左，咩都可以自己揸車去，爽哂。
我覺得係睇下自己點樣去融入當地嘅生活，我初嚟到都跟香港節奏/方式生活，仔bb時成9點先瞓，但發覺佢每到夜晚就好忟憎。咁我就試下跟外國人個套，6點鐘就俾佢瞓，成個人舒服哂，無再忟憎，而我都習慣早瞓。慢慢習慣左呢邊節奏同文化，覺得個人開心左，唔會成日覺得格格不入咁。當然每個人嘅適應都唔同嘅，最緊要揾到個自己舒服嘅方式

私人傳訊

我愛Corina

瑪瑙宮

積分: 134233

2024年龍年勳章 2024勳章好媽媽勳章醒目開學勳章環保接龍勳章

9^#

發表於 18-1-27 02:17 |只看該作者

回覆樓主

我有3個小朋友，我無本事做pt (其實要做都可以，但計完數後，做ftm好d),屋企係大d , 但感覺無咁dirty, 我返香港會日日抹地，係外國兩日先一次。

私人傳訊

BBgaga

水晶宮

積分: 54057

10^#

發表於 18-1-27 02:26 |只看該作者

Apple_Orange_T 發表於 18-1-26 15:49
請問是否很忙清潔屋企？因為地方大了，而且沒有鐘點和工人，每日都忙著煮飯買餸和接送孩子？請問有沒有時間 ...

「請問是否很忙清潔屋企？」

不會，外國地方大空氣清新人少車少沒大塵。每天基本清潔配合家人有手尾，清潔屋企唔叫忙。

「因為地方大了，而且沒有鐘點和工人，每日都忙著煮飯買餸和接送孩子？」

一個星期買一兩次餸；孩子每朝出門就和隣居小孩一起行路回校（不出五分鐘）放學也一樣，我唔叫忙。況且買餸煮飯湊仔是媽媽天職我好樂意去「忙」。

「請問有沒有時間返part time 幫補生計？」

我好多朋友隣居都有part time job, 時間一定有只看有冇人請。

私人傳訊

Ashleycorina

珍珠宮

積分: 39838

王國教室勳章

11^#

發表於 18-1-27 03:36 |只看該作者

回覆樓主

以前我有住過英語國家，都有請cleaning lady 一星期來兩至三次做清潔。當時係同朋友住因爲懶而請。
一切在乎心態，我父母嗰代移民，他們有d住左半世人都未融入到，會覺得難，都有d好開放自己，投入到就開心。

私人傳訊

rayrayus

翡翠宮

積分: 81619

2024年龍年勳章 2024勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

12^#

發表於 18-1-27 03:50 |只看該作者

地方大左，我都冇日日用好多時間清潔，因為空氣好少車少人，特別係冬天唔點開窗，塵始終冇香港咁多，我只係每日都吸廚房飯廳客廳既塵，其他一兩星期先吸一次都得。我d朋友會請cleaning lady，我寧可請Babysitter

買菜唔駛日日去，3-4日去一次超市都可以。如果想做flexible part-time，考慮下做下手作上etsy/ebay賣，又或者幫人湊仔都得呀，出去返part-time就要睇你小朋友幾大個

私人傳訊

usbaby

珍珠宮

積分: 42487

2024年龍年勳章 2024勳章開心吸收勳章畀面勳章

13^#

發表於 18-1-27 03:53 |只看該作者

我唔係住大城巿生活較簡單, 有兩個小朋友, 大嗰個返緊小學細既未返學, 每日渣車接送返放學, 學校功課唔多遇到唔識先搵我教外我完全唔需要理學業. 每晚 8 點左右小朋友上床瞓後就係我自己私人時間. 放假一家大細去郊遊或者去公園玩, 有時去鄰居屋企或人地嚟我地屋企玩. Day care 好貴, 做 part time 份糧打完稅後左手嚟右手去不突止仲要嘔凸不如自己做 ftm 湊. weekend 一次過買晒一星期既餸. 除左廚房每日要煮食所以日日抹外其餘地方一星期先打掃 1-2 次, 地方大無咁好心機日日做只要睇唔到有污漬就算. 平時有時間就煲下日劇, 研究下新食譜, 行公園放狗, 夏天前後院剪草咁.

其實好睇你自己心態唔好用香港套生活方式套喺外國生活度, 否則會覺得好辛苦. 我有個阿姨多年前一家大細移民去 Toronto, 佢有好多香港朋友移民晒去嗰邊成日茶敍打牌其實已經好好, 但住左幾年佢都係頂唔順話太悶最終回流返 HK.

生活在花旗國一年有 300 天陽光普照的城巿裡

私人傳訊

rachel_tim

伯爵府

積分: 17369

14^#

發表於 18-1-27 04:36 |只看該作者

usbaby 發表於 18-1-27 03:53
我唔係住大城巿生活較簡單, 有兩個小朋友, 大嗰個返緊小學細既未返學, 每日渣車接送返放學, 學校功課唔多遇 ...

本帖最後由 rachel_tim 於 18-1-27 04:37 編輯

我都係一星期吸吓抹吓2次
一湊二又餵又煮都冇時間
你仲要多隻狗（我地都諗緊要唔要返隻）
我諗起碼到細仔返到preschool先搵工了

私人傳訊

Conybrownbb

伯爵府

積分: 18946

15^#

發表於 18-1-27 05:02 |只看該作者

回覆樓主：

本帖最後由 Conybrownbb 於 18-1-27 05:02 編輯

我就無日日打掃，地下都係幾日先抹一次，偶爾先吸下塵

因為屋企得兩個大人唔算易污糟，買餸就平均兩三日去一次加埋一星期至少一次網上購物。

私人傳訊

54heima

水晶宮

積分: 55644

16^#

發表於 18-1-27 05:17 |只看該作者

回覆樓主

我係十五萬以下人口小城市。有鐘點，每次400蚊港紙，一周一次。我揾屋第一目標就是要在學校隔離可以行路返學，慳返每日車出車入時間，即係中國人最中意的學區房，事實證明真係超級正，慳埋的時間精力無價。
始終人到中年係陌生國度乜都唔識，唔想留係屋企等發霉，做牛做馬吃力不討好，於是full time去讀書，也是為了做榜樣俾仔女，老媽子都得冇理由你地唔得。所以好忙下，每朝5點幾起身去gym，七點返屋企煮早餐pack lunch。送走佢地我返學。放學趕返屋企小朋友返黎，督住佢地做功課練樂器，忙煮飯⋯⋯天黑前盡量si時間做少少garden，訓覺前趕自己啲功課。
係冇shopping冇乜娛樂，反而可以心無雜念簡簡單單有規律咁生活。

換作係大城市，只要銀兩足夠，係可以過同香港一樣的生活，視乎個人選擇。

少奶奶的身份，丫頭的命...

私人傳訊

usbaby