意見反饋
義工

夫婦情感 今日: 139|主題: 39009

123
跳至
查看: 4304 | 回覆: 41
我是否不是好老公?


別墅

國民生產總值:766


發表於 09-3-7 13:50 |顯示全部帖子
自問自己不是壞人, 不煙不酒不嫖不睹. 自己每日定時工作, 放工回家吃飯陪女兒陪老婆. 不花費, 無用錢的喜好, 最多只是投資買股票, 買基金 (可能太孤寒是自已的缺點). 但是孤寒自己不孤寒屋企, 買玩具俾過女, 帶老婆同女放假去迪士尼消費等我覺得值都一定去, 只是老婆想買野我會潑泠水, 只希望佢想清楚才買, 但我都無試過禁止佢買野. 我想我是一個無個性, 或甚至用悶來形容我的生活.
結婚前, 生女前大把活動, 大把朋友, 自由自在, 但結婚生女後變成住家男人, 差不多斷絕所有社交圈子, 但我無甚怨言, 因有個幸福的家
只不過, 小女曾經被評有自閉傾向, 實在對自己是晴天霹靂, 幸好其情況又有好多進步, 另一些評估又說其正常, 所以無甘擔心, 只是其語言慢及固執反叛性格令家人有時甚為勞氣.
老婆是善良的人, 在家願意不請工人自己湊女, 又肯煮飯肯做家務, 在香港中算是少有. 雖然生女後好像不再像以往般的親密, 但我想是沒有問題吧.
我亦因自己可以照顧財政, 若她喜歡就不做工, 不過她感覺悶就去找工做.
每天早晚, 也是她接送女兒返工放工, 我心裡是感激的, 之後大家會回的母親家吃飯, 因此不用煮飯, 又可見見老人家, 其實是頗理想的.
只是, 女兒愈益反叛, 又固執, 在嫲嫲家時時扭計, 爺爺嫲嫲又不懂教, 經常縱容她, 使她變本加勵, 老婆也非常不開心不滿意, 數次向我投訴, 要我出聲叫父母不要這樣
自己有時都會出聲, 但根本無用, 老人家習慣難改, 又無記性, 講完都無用, 但老婆卻覺得我愛理不理. 另外, 父母親又不懂說話, 言語間說老婆不懂教女, 另老婆甚為不滿, 曾經大家都為此嘈交.
昨晚又一次這樣, 女兒又扭計, 母親又給她零食, 當老婆責罵時小女又扭婆婆抱, 又說不要媽媽, 我也作出責罵, 但作用不大. 結果走時老婆又黑面.
本來自己真係無野, 不想講太多. 但她又在的耳邊不斷投訴, 又說女兒給母親縱, 又說母親不懂揍又說話多多, 又話愈來愈不喜歡他們. 我真的不懂回應, 只是沉默, 拖著女兒走. 但她又不斷說我不理會, 只是看報紙, 不斷說說說... 我真的火也來, 在街中怒看著她叫她收爹, 根著我再忍不住, 用粗口罵她(我平時不說的), 然後她就不出聲, 抱走過女行先. 到升降機, 她說只有其父親用粗口罵她, 話好恨我. 我真的不能再控制自己, 在家中釋出怒火, 說自己都算是好人, 平時很時發俾氣, 都要被人激到要講粗口, 我說不想縱女就不回去吃飯, 老人家罵也沒用, 自問自己也不是衰人她還想我怎樣! 根著我也罵女兒, 女兒也知道而哭起來, 我見到她這樣也不忍心打罵, 抱著女兒自己也哭...
這晚和老婆完全沒有溝通. 朝早我送女兒返學, 自己再去工作, 竟收到老婆訊息說她受傷了, 要說要離婚時不要和她爭女! 又說恨我!
我自問... 一個無不良喜, 照顧家庭, 又不迫老婆工作, 又好少發俾氣, (最多是懶洋洋, 無甚情趣), 家公家婆也不是大奸大惡的人, 我還可做什麼? 還要求什麼?
父母其實根本不用負責煮飯給我們吃, 不用被孫女煩, 難道要我狂罵他們不懂教, 只懂縱嗎?
上一星期, 老婆又因我的ex以前add她騷擾她, 又說我facebook add了她, 及戴著ex送的手表而嬲. 我可能無好好正視, 只是說手錶只為戴而戴(不用再買新的), 而且態度不太好而令好嬲. 我最後也不想這樣影響大家而認低威. 今次我要怎做?
為什麼可以這樣輕易說離婚!
我若是做對不起她的事, 大奸大惡, 要她捱生捱死, 就無話可說
就是我回應她是態度不好, 講粗口, 也是被迫出來, 也說我傷害她, 要說離婚! 我死也不閉眼!
結論快要5年, bb也快四嵗, 我縱使見到靚女也告誡自己想也不要想, 朋友很多也疏遠, 有時工作也不可在家做, 要等女兒睡了, 甚至拿出麥當勞做, 自己完全無在想以前的ex, 無去夜街蛇蛇滾, 想也無想過離婚但老婆竟然有這想法. 是否我應該不要這樣乘, 不要太顧家, 太悶蛋才好?
我真的非常非常非常不開心!!!!!!!!!!!!!!

王國熱話
菠菜加固問題
有關BLW一問
finger food食物?
有什麼粥可比bb食左增肥


珍珠宮

國民生產總值:41032

好媽媽勳章 大廚勳章


發表於 09-3-7 14:23 |顯示全部帖子
其實你都算係甘,有試過同太太傾下嗎?不要發脾氣,試將這段話向太太說一次,我諗佢會明白的


別墅

國民生產總值:766


發表於 09-3-7 14:31 |顯示全部帖子
唔係唔想心同氣和, 我都忍住住唔發俾氣, 但佢一講真黑面點同佢溝通, 我忍住唔嘈佢有不斷轟炸我... 我都希望佢可以理性d同我講...
原帖由 sandy1425 於 09-3-7 14:23 發表
其實你都算係甘,有試過同太太傾下嗎?不要發脾氣,試將這段話向太太說一次,我諗佢會明白的


男爵府

國民生產總值:7219

畀面勳章


發表於 09-3-7 15:12 |顯示全部帖子
既然老婆覺得爺爺嫲嫲縱壞囡囡,甘不如唔好日日去食飯. 其實做父母都要自我反省係咪平時都有縱壞個囡呢?(例如:食零食前要先問准父母)
雖然老婆喺耳邊嗡嗡嗡,但點都唔可以講粗囗鬧返佢. 你要先冷靜自己(可以冲個凍水涼or去公園行下),之後先同老婆一齊傾下解決問題既辦法.
至於你add ex-gf傾計&仲有帶隻手錶,你老婆嬲係正常,女人就係咁小氣(除非個老婆已經唔鐘意你). 既然你話同ex-gf無野,甘你咪喺facebook到栅除左個名囉,仲要喺老婆面前掉左隻錶啦,等老婆可以放心. 無謂為左一個ex & 死物,破壞倆公婆感情.


別墅

國民生產總值:766


發表於 09-3-7 15:19 |顯示全部帖子
我都覺得可以唔返甘多去食飯, 可以少d甘情況...
唉, 知衰啦... 不過掉隻錶是否好浪費... 如果女人真係甘都要嬲都無計...

原帖由 candy_kiki2005 於 09-3-7 15:12 發表
既然老婆覺得爺爺嫲嫲縱壞囡囡,甘不如唔好日日去食飯. 其實做父母都要自我反省係咪平時都有縱壞個囡呢?(例如:食零食前要先問准父母)
雖然老婆喺耳邊嗡嗡嗡,但點都唔可以講粗囗鬧返佢. 你要先冷靜自己(可以冲個凍水涼or ...


水晶宮

國民生產總值:53946


發表於 09-3-7 15:19 |顯示全部帖子
我和老公之間也有類似問題...但無論如何我幾嘍嘮都好都唔會開口講離婚...夫妻之間一定會有茅盾...但需要大家相互遷就...也許很多男人覺得對你好是無需開口的盡在不言中...但女人不是這樣...女人就是要你開口TURN...只要把口夠甜有冇實際行動並不是太重要...這件事上你太太也太任性...離婚是一個咀咒...不能輕易說出口...
少奶奶的身份,丫頭的命...


子爵府

國民生產總值:10003

好媽媽勳章


發表於 09-3-7 15:30 |顯示全部帖子
你真的好像我老公,对我都好好,我也是没做工凑女,他也是一个没情趣到有点无聊的人,我有时也会因为他这样的态度而很不开心,常常没有原因就会生闷气。你可以问问看你老婆想不想每天晚上回去吃饭,说不定你老婆想要自己煮,因为见面少自然摩擦也比较少,和你父母的关系可能也会比较改善,比较可以接受偶尔的縱容。你星期六日有空多和她们到郊外,公园走走,小朋友也可以和不同的人接触,应该也有帮助吧。你有时候也不要那么没情趣,全职妈妈其实很闷的,有时候女人不一定要什么实质的东西,一句赞美的话一个拥抱就很开心了。平时多留意她的喜好,有时出其不意的给她一个惊喜,可能也会有很好的效果。当然你要先跟她道歉,因为她就算再不对你也不可以这样骂她。祝你好运。


公爵府

國民生產總值:25489

2018勳章 畀面勳章


發表於 09-3-7 15:33 |顯示全部帖子
唔...我好明白你太太唔喜歡老人家教小朋友個一套時心情,真係會好嬲,但又出唔到聲時的心情,因為我都係咁,唯一係少見D!

不過我亦明當你太太不停'軍'炸你時忍冇可忍的心情,不過你駡還駡亦唔應該用粗口!

試下過2日平心靜氣傾下,搵出解決分歧的方法,我唔相信你太太會咁忍心拆散個大好家庭!


洋房

國民生產總值:123


發表於 09-3-7 16:01 |顯示全部帖子
其實你已經係一個有90分以上的老公了,只係有少少大頭蝦囉,不過男人就係咁,永遠唔懂得同ex劃清界線,你同我老公一樣,對你地黎講,繼續用ex送的野只係唔想浪費,雖然你地一定會講話同ex已經完結,根本冇再掛住ex,但係我地作為老婆嘅,就會認為既然係唔愛ex咁點解仲要用ex送既野呢,我地點知你地有冇講大話,口一句心一句呢?所以通通掉哂先算正確。
我的反應同你太太亦一樣,發哂脾氣,女人就係咁细心眼,其實只要你肯主動將ex的野掉哂,用行動証明到比佢睇你係緊張老婆多過ex,老婆一定會好開心的。而呢一樣野正正係我好想我老公做倒比我睇的事,但佢仍然未做倒,希望呢個方法幚倒你啦!
亦希望你老婆懂得知足,如果我老公有你一半的對老婆態度就好了,我同我老公結婚兩年,斷斷續續佢背住我同過三個女仔拍拖,次次無意間都比我知道,佢亦次次都答應我唔會再有下次,我亦用我梗餘的EQ原諒左佢,亦因為我的囡囡只得十個月大,我唔想佢係一個單親家庭中長大,所以我忍。
但係因為一些原因,呢D ex女仔會有機會係我老公的工作範圍出現,雖然我老公口就話冇再同佢地傾談,但我就覺得佢地仍然有傾,因我亦會出現係我老公工作的地方,亦因為咁,我會見倒呢D ex女仔,另我好唔開心。耐不耐就因呢D事而吵,我老公就話我唔信佢,佢做咩都冇用,然後就唔再同我傾呢個問題。但我覺得若然你係唔再理會D ex女仔,咁點解唔張佢地D mobile number delete 哂呢?
”離婚”呢個念頭亦出現過係我的腦中,但冇勇氣說出口,我真的好想知道點樣做而可以另到我老公對我好D呢?
好開心可以係呢度同你分享,希望我同你都會有一個幸福的家!
原帖由 JonaT 於 09-3-7 13:50 發表
自問自己不是壞人, 不煙不酒不嫖不睹. 自己每日定時工作, 放工回家吃飯陪女兒陪老婆. 不花費, 無用錢的喜好, 最多只是投資買股票, 買基金 (可能太孤寒是自已的缺點). 但是孤寒自己不孤寒屋企, 買玩具俾過女, 帶老婆 ...


伯爵府

國民生產總值:16964


發表於 09-3-7 16:38 |顯示全部帖子
如果我係你老婆,我都會唔開心!
覺得好委屈,你都講左係你父母親縱個女,佢唔同你講同邊個講?講完你又唔理!唔通你老婆直接同你父母講?你仲要講粗口鬧人!

你有D懦弱!慨然解決唔到,不如平日唔好一齊食!小問題唔解決,就會成為大問題!


男爵府

國民生產總值:7562


發表於 09-3-7 16:40 |顯示全部帖子
睇你咁講, 你都算係一個好老公, 只不過你真係好悶, 仲有你不如唔好晚晚返去食飯, 咁樣可以減少你哋 2 個的煩腦, 不過你點嬲都好, 真係唔可以用粗口閙你老婆,
另外, 你仲用緊 ex 送的手錶, 我諗好多女人都會嬲,你最好現在開始就唔好用, 你仲用只會火上加油


禁止訪問

國民生產總值:3310


發表於 09-3-7 16:58 |顯示全部帖子
提示: 作者被禁止或刪除 內容自動屏蔽


水晶宮

國民生產總值:62615


發表於 09-3-7 17:36 |顯示全部帖子
she just angry of you, buy her a brunch of flower can already slove the problem...


男爵府

國民生產總值:6080

好媽媽勳章


發表於 09-3-7 19:27 |顯示全部帖子
真心講,我唔覺你係,你自己口中咁好既老公,你老婆話你爸媽縱你個女,你有冇真真正正去解決個問題,有冇真真正正諗下係咪你老婆講既縱你個女,我相信好多爺爺嫲嫲都唔識點去教,因為年代唔同,有時個男人唔出聲,做女人既會好辛苦,我相信你老婆好比心機去嗅你個女,你諗下,佢重要比你爸媽話佢唔識到女,佢會有幾傷心?
佢都唔想個女咁難教,佢都想有人去配合佢去教,但係有冇呢?
你話你老婆去輕易講離婚,你有冇諗過佢點解會講?係因為你控制唔到自己,用粗口鬧佢,我唔係話幫住你老婆,你都識講你老婆其實係一個唔差既老婆,佢點解會咁講,你有冇認真諗過,點解呢?
你個ex送比你既野,你到今時今日都重戴著?可能你老婆戴著佢個ex送比佢既野,你會冇事~但係女人真係唔同男人,唔鍾意就唔會戴著,個個人送既野,依個係你唔明白,10個有9個女人,都係咁
你話你自己係個悶人,我老公都係一個悶既人,但係我地會配合,大家鍾意既野,有咩唔鍾意會講,唔出聲,人地唔會明你諗緊d乜,兩公婆,雖然話有默契,但係都要大家去講,先會有默契~

[ 本帖最後由 奀b豬媽咪 於 09-3-7 19:29 編輯 ]
奀b仔9月16日出世啦~


禁止訪問

國民生產總值:4584


發表於 09-3-7 20:35 |顯示全部帖子
提示: 作者被禁止或刪除 內容自動屏蔽


公爵府

國民生產總值:27111


發表於 09-3-7 21:32 |顯示全部帖子
1)如果你真係好老公就唔應該重同EX有任何瓜葛啦..咩FACEBOOK ADD佢喎..大家都已成過去..根本唔應該有任何理由重需要有聯絡~
2)既然你兩公婆都認為你父母不太合適照顧你囡囡..重要攪到大家都唔開心..咁點解重要繼續比你父母照顧呢? 咁樣落去個問題咪會越來越嚴重..不如請個工人揍你囡囡..工人緊要聽你地話..應該唔會有問題啦~

[ 本帖最後由 Ivy124 於 09-3-7 21:34 編輯 ]


男爵府

國民生產總值:9718

好媽媽勳章 醒目開學勳章 環保接龍勳章


發表於 09-3-7 22:31 |顯示全部帖子
同ex gf 冇嘢就唔好有任何聯絡,在facebook add 佢又用ex送比你手錶,這2件事係正常一個女人的死穴,個心一定會勁唔開心mouth:


珊瑚宮

國民生產總值:123056

2018復活節勳章 2018勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


發表於 09-3-7 23:06 |顯示全部帖子
你係咪無錢買手錶, 無錢請工人, 如果唔係, 你既煩惱係自找!!


大宅

國民生產總值:4627


發表於 09-3-8 00:19 |顯示全部帖子
答左個你個問題先啦,自從用粗口鬧左老婆之後就已經唔係!
你既性格睇黎要用D香港式討論區既語氣先得! 你一開波係咁數自己既優點出黎,好似要人認同你咁,根本好多睇完已經反反地感,典型大男人性格。對住你老豆老母單野反映你唔緊張個女亦冇企係老婆立場諗。如果你覺得佢地唔會聽你講又冇記性又性而你又真係唔講你就真係細路仔。仲有,冇人話結左婚就要冇哂D朋友,咪扮偉大啦,我結左婚依然有大堆朋友,我老婆一D都唔介意只因我地共同參與。唔講太多,我只係覺得你抬得自己太高,試下感受多D身邊既人,睇佢需要D咩而唔係做D你認為係好既事就以為好好。睇你職位都唔低,思想咁幼嫩點再上一層樓? 兩公婆多D溝通,你最需要改既係接受別人意見,別太自我中心!


子爵府

國民生產總值:14271

環保接龍勳章


發表於 09-3-8 03:26 |顯示全部帖子
樓主,我感受到你的情緒和不快.
希望你明白女人是講求感情和感性的動物... 請諒解你太太對於家庭生活的各種要求,尤其在於教育子女方面, 因為女人對於關愛下一代真的比較細心和重視.
如果你覺得你自己本身的性格真的比較納悶, 而你亦令你和你太太的關係能夠保持和諧, 那, 以後, 無論你太太有甚麼意思, 支持她就好了... 無論你覺得或者有更好的選擇, 都順她的意思行好了...
還有, 吵架的時候, 十個女人九個叫離婚的女人, 都是不想離婚的... 她想要的, 是你跟她說, 你仍然很愛她...


123
跳至
© Baby-Kingdom.com Limited. All rights reserved.