意見反饋
義工

少年成長 今日: 2|主題: 14693

查看: 1006 | 回覆: 8
初初返學係咪咁架


大宅

國民生產總值:1345


發表於 09-3-7 15:20 |顯示全部帖子
阿囡返學(nursery)已1個月,初初由返幾個鐘,跟住食埋午飯,到而家可以返足全日.佢初初返學都好開心,但而家就話唔想返學,我哋覺得佢因為要食午飯,所以唔開心.

因為佢由細到大,對食物都唔係有好大興趣,而且又俾我地寵壞咗,佢唔鍾意食的食物就唔俾佢食,攪到而家好偏食.但學校每樣食物都要你食哂,攪到佢而家成日都話唔返學唔食飯.我哋發覺佢放學返到屋企都唔開心,成日都喊住話唔返學,唔食飯,剩係要飲湯,連喺屋企食飯都唔想食,成日喊.

同老師傾過,佢話阿囡比較嗲,佢話阿囡而家好咗好多,就算見到唔鍾意食的食物都肯食,老師仲話佢返學好開心,只係食飯時扭幾扭,跟住就繼續食飯.但佢返到屋企唔係咁呢,成日都見到佢喊,都覺得佢慘咁.

唔知阿囡返多一排會唔會好啲呢?我好驚佢因為餐飯而攪到自己有好大壓力,到時攪到有抑鬱,點算?

我有時諗,究竟咁早俾佢返學係咪唔啱呢?

[ 本帖最後由 巴比倫 於 09-3-7 15:22 編輯 ]

王國熱話
【搶平飛】新加坡航空,$850來回澳洲!
HK Express 飛峴港 一千蚊有找!
【船票優惠戰】噴射飛航eBoarding訂票優惠 ...
中文版韓國地圖App面世


公爵府

國民生產總值:25763

好媽媽勳章 醒目開學勳章 畀面勳章


發表於 09-3-7 17:27 |顯示全部帖子
學校同屋企係兩個世界,有時為左食飯真係會俾老師話,咁你同老師講,幫佢減一減份量,等佢唔使食咁多,因為已經唔鐘意食,重要一大碗會壓力大,而午睡後都有茶點,唔會好餓.等佢慢慢適應再加番正常份量,如果不是有其他大問題,唔好為咁小事而退學,樣樣都要學食先有營養.


大宅

國民生產總值:1345


發表於 09-3-7 22:25 |顯示全部帖子
老師已經俾好少份量佢食喇,如果食完可以添飯,老師有時都話佢會添飯.但有時佢見到唔啱佢食啲餸,又或者太大舊,就會扭吓計,跟住都會照食.(因為佢知道扭都冇用)

但佢一返到屋企就成日喊住話唔返學,唔食飯,可能佢真係好似老師咁講,佢比較嗲啦!

最衰都係我哋之前太過遷就佢,攪到佢而家因為學校餐飯而唔開心.希望佢慢慢會適應啦!


原帖由 sukkiu 於 09-3-7 17:27 發表
學校同屋企係兩個世界,有時為左食飯真係會俾老師話,咁你同老師講,幫佢減一減份量,等佢唔使食咁多,因為已經唔鐘意食,重要一大碗會壓力大,而午睡後都有茶點,唔會好餓.等佢慢慢適應再加番正常份量,如果不是有其他大問題 ...


男爵府

國民生產總值:7016


發表於 09-3-8 00:15 |顯示全部帖子
有時真係要比人教下先得,妳都話寵到個囡偏食,咁如果佢而家都慢慢開始肯係學校食其他野,點解唔繼續呢?如果因為食飯呢個原因而唔返學,個人就唔建議囉,好似變相就哂小朋友


大宅

國民生產總值:1293


發表於 09-3-8 01:30 |顯示全部帖子
同意唔駛因為咁樣退學, 我覺得小朋友都要學下面對現實: 有時雖然係自己唔太中意的, 都不一定人人會就晒你.

但我就覺得, 作為媽媽, 返到屋企你可以多D同佢傾下計, 多D讚下佢, 比佢知道你了解佢的不開心, 同時好欣賞佢付出的努力, 例如: 你點解唔中意返學呀? 係咪因為唔中意食學校D野? 我都知你係唔中意食的. 不過樣樣都食係會身體好 (跑得快/跳得高/好快好似爸爸咁高.....), 所以你响學校樣樣都肯食, 媽媽覺得你好叻呀!
但唔好要求佢一定要係屋企都樣樣食, (既然學校都有咁GE訓練而佢亦做得到)但亦唔好擺明就佢(例如要佢食但佢唔食就由得佢). 你可以在屋企食野時多D整佢中意食的或份量不要太多, 等佢容易達到, 製造多D機會讚佢, 盡量滿足返佢心理情感上的需要, 但千祈唔可以表現出連你都好同意在學校的經歷是很慘的 (你的看法會直接影响佢的態度). 你的立場應該是: 1) 我明白你不中意....., 2) 但你都能做得到所以我很欣賞你. 讚是很大的推動力, 亦會令佢食時食得更開心而不是迫於無奈 (佢會回想媽媽讚我叻啊!)

至於實際在學校食野的情況, 你可以多些私底下同老師溝通. 唔係嚇大家, 由於我嬸母在幼兒園做姐姐, 見到很多 "老師百態" (日後有機會再談), 佢千叮萬囑我: 小朋友回來不開心的表現不能不加理會, 一定要記在心上細細查究.老師說佢會吃, 但怎知道用甚麼方法令佢 "就範" 呢? 當中的方法未必是你會認同的. 你可以用輕鬆平靜的心情 (但不是掉以輕心) 跟老師多溝通, 例如仔細問, 當如請教她們: 呀, 佢係點樣食得晒的?等我都學下.

總之我嬸母的叮嚀是: 孩子回來的不開心, 不要過分緊張 (因為一些確是適應問題), 但也不能掉以輕心置諸不理. 畢竟一個小孩, 她唯一可信任可幫到她的, 就是她媽媽.


公爵府

國民生產總值:25763

好媽媽勳章 醒目開學勳章 畀面勳章


發表於 09-3-8 14:17 |顯示全部帖子
原帖由 abbymum 於 09-3-8 01:30 發表
同意唔駛因為咁樣退學, 我覺得小朋友都要學下面對現實: 有時雖然係自己唔太中意的, 都不一定人人會就晒你.

但我就覺得, 作為媽媽, 返到屋企你可以多D同佢傾下計, 多D讚下佢, 比佢知道你了解佢的不開心, 同時好欣賞 ...
好同意這個想法,家長的想法好影響個小朋友,佢知你地緊張,就會只嗲你地,知道係學校唔得,咪唔會,多d讚賞和鼓勵,我見過一個小朋友好食得,餐餐都食好多,但係有d食物唔鐘意食,佢講左唔鐘意,佢都照食,最多唔添飯,這是一個好好的態度,去面對這件事.由唔鐘意到學食,都係一個學習機會.


別墅

國民生產總值:884


發表於 09-3-9 17:29 |顯示全部帖子
我覺得要比佢返學, 我明白見到個女唔想返學/唔開心係會心痛既, 不過, 唔通你想個女o甘小挫折都承受唔到
我認為最好仲要你地同學校合作, 在家食飯rule要跟學校/近似, 唔好等佢再覺得偏食係arm既, 學校會比較易教, 唔好等佢覺得在家食就好開心, 因有得簡
既然知已仲壞了, 唯狂狠心補夠!


別墅

國民生產總值:884


發表於 09-3-9 17:31 |顯示全部帖子
其實返左o甘短時間可以返全日已經好好, 可能未必係只係食飯,可能唔慣o甘長時間在學校, 找機會問一問小朋友, 多d同佢傾,了解佢想法,再加以分析!


大宅

國民生產總值:1292

好媽媽勳章


發表於 09-3-10 15:28 |顯示全部帖子
原帖由 abbymum 於 09-3-8 01:30 發表
同意唔駛因為咁樣退學, 我覺得小朋友都要學下面對現實: 有時雖然係自己唔太中意的, 都不一定人人會就晒你.

但我就覺得, 作為媽媽, 返到屋企你可以多D同佢傾下計, 多D讚下佢, 比佢知道你了解佢的不開心, 同時好欣賞 ...

[ 本帖最後由 5fmy 於 09-10-19 23:54 編輯 ]


© Baby-Kingdom.com Limited. All rights reserved.