意見反饋
義工

夫婦情感 今日: 10|主題: 38995

12
跳至
查看: 2221 | 回覆: 25
C6唔上進


別墅

國民生產總值:525

好媽媽勳章


發表於 09-3-9 16:59 |顯示全部帖子
我同c6拍拖1年就結婚,佢對我好好,好鍚我,雖然唔係搵好多錢.但我唔怕捱窮,只要兩個人一齊努力,又有手有腳,一定冇問題,點知...........
我哋結咗婚年幾,佢上年11月因工傷整親開唔到工, 但佢因為睇在朋友份上唔報工傷(因為份工係朋友介紹),為咗呢件事我已經好唔滿意,但佢仲要話我唔體諒佢,唔明白佢. 如是者到今時今日都未搵野做,佢學歷低又冇技術, 但又要求高, 搵埋比佢做佢都可以嫌3嫌4,一陣又嫌介紹工比佢做果個人唔好,一時又話自己做唔黎,問佢想做乜佢又話唔知. 叫佢去pizza hut又好,七仔又好, m記都好求其做住part time先,好過日日坐响屋企打機上網. 但佢永遠哦完就算. 我都唔知佢想點. 同佢坦坦白白咁傾啦, 將我心底所有野講晒佢知,話佢知我撐得好辛苦啦, 我唔係想佢發達但我需要一份安全感. 佢話明,但轉個頭佢居然同朋友呻(朋友話返比我知)話我好迫佢,佢好唔開心,仲諗過自殺. 我真係想死多過佢囉. 我一份人工頂得幾耐啫, 日日見住個老公訓到3,4點. 夜晚夜一夜都唔訓响度打機. 但把口就話好想搵野做........我真係唔知原來我老公係d咁唔上進o既人, 雖然佢依家對我仍然好好,好鍚我. 但我相信幾愛都要食飯. 依家我哋仲開始不設防, 佢好想做爸爸, 我都好想有bb, 但呢一刻我真係唔希望bingo,我驚會連累個b.
三十出頭咋已經係咁, 我開始冇信心可以同佢走埋下半生..........

[ 本帖最後由 aaroncheung 於 09-3-9 17:01 編輯 ]

王國熱話
~ greentea000的搽搽搽之路 ~
第三胎試下紮肚 3個月後更新 #54
一齊分享下大家覺得最貴又最值嘅護膚品
我的家營減肥實錄.貳(2018.07.13~重新出發...


珍珠宮

國民生產總值:35310

好媽媽勳章


發表於 09-3-9 18:51 |顯示全部帖子
你仲敢不設防? 你都話明唔想bingo, 又無信心同老公過埋下半世, 而且無乜錢剩, 如果有左, 咪盞日日家嘈屋閉, 連累個小朋友.

老公唔生性, 真係無佢辦法, 你已經做得好好, 同佢開心見誠講清楚, 又識得鼓勵佢. 而家, 惟有希望佢去到生窮水盡, 坐吃山空的地步, 會死死氣去搵工.

生bb係要兩公婆齊心架, 而且要有穩定的經濟基礎, 唔好因一時衝動, 做一D令自己後悔的事.


洋房

國民生產總值:175


發表於 09-3-9 19:53 |顯示全部帖子
原帖由 jaycee_mami 於 09-3-9 18:51 發表
你仲敢不設防? 你都話明唔想bingo, 又無信心同老公過埋下半世, 而且無乜錢剩, 如果有左, 咪盞日日家嘈屋閉, 連累個小朋友.

老公唔生性, 真係無佢辦法, 你已經做得好好, 同佢開心見誠講清楚, 又識得鼓勵佢. 而家, ...


agree~~~~
明唔想bingo, 就要小心設防~~~以免到時後悔~~~再同佢傾下, 問下佢的困難在哪兒? 又用bb過橋, 話要bb, 都要money先可養育bb~~~看看他會否改變????


珍珠宮

國民生產總值:37511

我的育兒心得勳章 好媽媽勳章 醒目開學勳章 畀面勳章 環保接龍勳章


發表於 09-3-9 20:07 |顯示全部帖子
唔係佢想做爸爸就話做,仔女個責任係要背負一世既
冇責任心既人根本唔適合做爸爸


伯爵府

國民生產總值:17168

好媽媽勳章 醒目開學勳章


發表於 09-3-9 20:18 |顯示全部帖子
係咪應該學懂做一個為自己負責嘅人
先至再學做爸爸呢
樓主你自己都要成熟D
點可能而家仲要小朋友
放低自己,尊重別人
提升內蘊,不為別人為自己


珊瑚宮

國民生產總值:118371

好媽媽勳章 醒目開學勳章 畀面勳章


發表於 09-3-10 00:04 |顯示全部帖子
我都覺得你唔好要小朋友住呀,你老公咁樣,萬一真係有咗,咁點算吖,咪盞由朝鬧到晚,養一個小朋友好貴架,而且依家d奶粉仲成日加價添!!
緣是天意,份是人為,有緣相遇者,珍惜緣份的來臨


別墅

國民生產總值:525

好媽媽勳章


發表於 09-3-10 09:41 |顯示全部帖子
我知架喇,所以如果今個月派彩唔bingo o既話,我會等到佢搵到份安定d o既工先再開工.


伯爵府

國民生產總值:16585

2018勳章


發表於 09-3-10 10:28 |顯示全部帖子
原帖由 aaroncheung 於 09-3-10 09:41 發表
我知架喇,所以如果今個月派彩唔bingo o既話,我會等到佢搵到份安定d o既工先再開工.


你唔同佢 "開工", 佢到時又會怨你.
你應該自己去打避孕針, 保障自己.
至於揾工, 真係要睇佢自己.


別墅

國民生產總值:525

好媽媽勳章


發表於 09-3-10 10:37 |顯示全部帖子
唉~~點解男人可以咁唔識諗,咁唔成熟..........


珍珠宮

國民生產總值:37511

我的育兒心得勳章 好媽媽勳章 醒目開學勳章 畀面勳章 環保接龍勳章


發表於 09-3-10 12:46 |顯示全部帖子
佢已經依賴左你,如果冇飯食冇屋住
你睇下要佢去街市賣魚佢去唔去丫
你係唔係日日放低錢比佢訓到三,四點去食飯咁架?
打機??你話要用電腦做公司野唔比佢用囉....
你唔迫下佢...唔通真係嫁個老公返黎養???
有時人係要係壓力下先會成長的



原帖由 aaroncheung 於 09-3-10 10:37 發表
唉~~點解男人可以咁唔識諗,咁唔成熟..........


侯爵府

國民生產總值:23269

2018復活節勳章 2018勳章 好媽媽勳章 醒目開學勳章


發表於 09-3-10 12:54 |顯示全部帖子
同佢傾掂數先. 佢想做爸爸? 要有一定經濟能力先好諗.


別墅

國民生產總值:525

好媽媽勳章


發表於 09-3-10 13:44 |顯示全部帖子
唔通真係唔比錢佢食飯咩? 我又唔想做到咁絕.我怕會更傷害大家o既感情.


男爵府

國民生產總值:8096


發表於 09-3-10 14:50 |顯示全部帖子
佢一個$SAVING都冇,連食飯都要問你...唔係呀麻...咁你起碼做好措施唔好攪到自己BINGO..你咁樣好危險架

而家2個人相處都有唔妥既地方,唔通到有左...你老公冇LA LA 會"的"起心肝發奮圖強咁? 呢個機會你自己問下自己機會有幾大先?...如果你信你老公會咁樣既...你即管試下, 但係問心你自己知道你老公既情況會唔會先?!

你既努力我都登你辛苦..但係長此落去..學你講係咪就咁一世?


別墅

國民生產總值:525

好媽媽勳章


發表於 09-3-10 15:10 |顯示全部帖子
話晒都只係結咗婚年幾, 我唔想咁快諗離婚或者分開. 我會比時間佢, 希望佢真係會生性同成熟d啦.


珍珠宮

國民生產總值:37511

我的育兒心得勳章 好媽媽勳章 醒目開學勳章 畀面勳章 環保接龍勳章


發表於 09-3-10 16:45 |顯示全部帖子
唔係叫你離婚呀,係你唔可以縱容
你比時間等佢改?佢只會一直懶下去
打機訓覺,都唔去搵野做..你陪佢去下勞工署..
咩都做住先,騎牛搵馬囉
佢都唔要自專咁唔為你,你話佢愛你...唔覺喎
愛係要付出架,唔係把口話愛愛愛
旁人只睇到既係你好愛佢,佢...大爺一名囉
你千其唔好生住..如果唔係..你一個湊兩個.....


原帖由 aaroncheung 於 09-3-10 13:44 發表
唔通真係唔比錢佢食飯咩? 我又唔想做到咁絕.我怕會更傷害大家o既感情.


王國長老

國民生產總值:52323

好媽媽勳章 王國長老


發表於 09-3-10 17:24 |顯示全部帖子
無咩建議比到你,
但你一定要避孕呀!


洋房

國民生產總值:85


發表於 09-3-10 20:58 |顯示全部帖子
如果我係咁 我老婆一早離左
咁好既老婆 !你老公應該長進d 愛情都要食飯架!!
我二十多年都俾佢過好好既生活 養仔.供樓.
依家經濟唔好 收入少 家用要用我銀行儲蓄補貼
佢做工兩年 一毫子都唔肯用作家用 佢自己 儲 我俾少o的o的 佢就大吵大鬧!! 佢從不為家庭經濟擔心 . 我就感覺前路好渺茫 好無助!!

[ 本帖最後由 fym-mama 於 09-3-10 21:02 編輯 ]


男爵府

國民生產總值:7204

畀面勳章


發表於 09-3-10 22:01 |顯示全部帖子
唉......我屋企都有個同你差唔多既c6.
失業左兩個幾月淨係見過一次工,揾人介紹工俾佢又話無興趣,每日淨係瞓、食&上網. 我唔會俾錢佢,淨係買幾個麵放喺屋企算啦!我c6又係學歷低又冇技術,既然揾唔到工,所以就叫咗佢去CITA揾d野讀下. 千其唔係俾佢放懶左個心,以為有妳養佢.


別墅

國民生產總值:525

好媽媽勳章


發表於 09-3-11 16:09 |顯示全部帖子
真係好難再搵耐性對住佢, 佢每日訓醒打比我(一定12PM後), 我已經做咗半日野佢先起身,果D無名火就會起. 聲氣就自然差, 佢就會話我發佢脾氣.
真係唔識點同佢溝通.....


男爵府

國民生產總值:7949


發表於 09-3-11 16:26 |顯示全部帖子
咁唔上進的男人點得架! 最慘係你已嫁左比佢, 冇得返轉頭! 你老公咁唔上進, 唔好生bb呀, 真係害左個bb呀!


12
跳至
© Baby-Kingdom.com Limited. All rights reserved.