Hello Readymami ，9-11個月BB，一般可以食到有小顆粒嘅泥狀食物，食左固體後最常見排便改變原因，主要係水份/纖維攝取未足夠，BB便便會唔會好乾/硬?BB排便時需要協調同控制腹腔同盆腔肌肉，增加腹腔壓力將大便推出，只要唔係因為大便硬身令BB 排便困難就唔需要太擔心。媽媽有冇幫BB 做肚仔按摩黎幫助佢腸道蠕動?
有冇食水果蓉?
Readymami 發表於 18-2-21 10:57
D 大便算硬 and 乾, 但係又未去到all 便便時喊, 只係每次都all 得好少, 唔似以前咁一大pat, 我有比水果蓉, ...
水份唔夠都可能係囝囝排便少左嘅原因，食固後要開始同BB建立飲水習慣，補充足夠水份。lokheibaby 建議食乳酪都好好呀 
乳酪係由乳酸菌加入牛奶中發酵而成，乳酸菌可以增加腸道益菌，促進腸道健康，媽媽留意返乳酪通常貯存在2~3度密封保存，細包裝、低糖、低脂乳酪都係首選呀! 每種新食物要試連續3-4日，份量由少開始，觀察囝囝有冇敏感反應呀。
Readymami 發表於 18-2-22 11:57
我試下再比多少少水佢飲, 今日我亦都比左yogurt 佢試吃. 想問一下, 食物太粗會不會影響無便便?
...
BB便便同佢食物質感粗/幼無直接關係，咀嚼好嘅食物，由胃和腸道內進行消化、吸收營養，未能夠完全吸收食物纖維、殘渣，會形成大便經直腸排出體外。媽媽試下用按摩肚仔方法，促進腸道蠕動/放屁 (5隻手指靠攏掌心微曲，用陰力順時針方向幫BB按摩肚仔，先從5分鐘開始，然後延長到10-15分鐘)，腸道蠕動多左對排便都有幫助架!
發表於 
返回列表
