3月期和10年期美債收益率2007年來首次出現倒掛,之前多次提及當市場聚焦番經濟數據的話,股市係可以跌得好快,每次大危機之前,其實好多野早已經發生,差在當時既焦點係邊,而上年到今個月頭焦點都係中美貿易戰
當焦點集中番經濟數據,大戶一定會先沽或為敬,基本上開市果陣都冇時間比你諗沽定唔沽
所以如果現時持貨量多(正股),應考慮做對沖先
特朗普係一個百分百商人,尋日見德國同歐元區既數據極度差,而美股又大跌,即刻沖出黎話考慮取消北韓制裁,又話同金仔係好朋友
所以如果特朗普既政策同言論黎緊仲可以影響股市既話,黎緊會係大型區間市
相反,如果佢講既野市場唔再理會的話,咁熊三將會迅速係短時間發生
Last but not least, 想覆番之前一升到28000之上就沖出黎話我叫人做淡既人,首先我從來都唔係死硬派大淡友,我係根據客觀既數據去分析,各國pmi差係事實,亦冇叫人去做淡
連分析同操作都唔知係乜就沖出黎串人,睇淡不做淡咁簡單道理都唔明,(分析)數據差咪睇淡,(操作上)個市之前仲炒緊放水升緊咪唔做淡(中線)
如果咁都死硬做淡 ,咁同沈大c有咩分別,破左產幾百次,近幾個月亦有人因為咁而自殺
我講既野未必岩,如果你有更好既觀點歡迎係到分享,呢個post除左我自己分享之外,亦好歡迎大家都分享,而唔係係到講埋晒d廢話,而家社交平台太多你呢d咁厭世既人
呢個世界唔知幾時開始變得愈黎愈複雜,
公平呢兩個字已經漸漸唔再存在
埋沒良心既人愈黎愈多
騙子亦愈黎愈多
是我們變了,還是世界變了..