回覆樓主
唉,樓主我同你情況好似。不過,我叫佢搬走喇,暫時叫分居,未攪離婚!我果件一直都只係認自己鍾意左第二個而無一齊,但係我已經搵到好多證據佢係同個8婆一齊左!
之前同佢嘈過好多次,佢都好惡,好決斷咁話唔會同我一齊亦都唔會同個8婆一齊!臨近佢搬呢幾日好似轉死性咁,對我態度好好,又突然做返個好爸爸陪兩個女玩(因為由細到大佢都好少同兩個女玩,佢係寧願用多d時間訓覺都唔會早少少起身陪兩個女既人)
佢講到好動聽,話會繼續一星期返黎食一次飯。又叫我得閒可以同兩個女去佢公司搵佢。但我已經決定年底會搬,亦都唔會話佢知搬去邊(我住外國,會搬去第二個省,近我d朋友)
既然佢個心都無你,你仲對佢好,到頭來最傷既只會係自己!我知講好易,我由年頭發現佢有問題開始到而家,其實都未放得低曬,我都會喊!不過可能我習慣左,佢工作時間長,一直都係我自己湊大佢地,同佢地周圍去,所以兩個女都習慣一星期只會見到爸爸一次!
樓主加油呀!我都將我既事講左比屋企人聽,佢哋下星期就飛過黎陪我!其實唔好怕話比屋企人知,佢地永遠都會支持你!
同埋我覺得,你唔好再比你Ex(容許我咁稱呼佢)突然出現喇,對你對小朋友都唔係好事!佢要返屋企就要通知你,你換埋鎖叫佢走啦!係難架,但唔行出第一步你唔會知自己做唔做工!加油!
任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~