Hello Szeszeccc ,2歲小朋友會好似成人咁食多元化食物,質感切成小塊/粗糙食物,透過咀嚼訓練舌頭和口腔肌肉協調,對佢說話能力都有幫助架。睇到媽媽好努力作出唔同嘗試,平時用誇張口型示範俾佢睇點樣咀嚼吞嚥,轉變下食物外觀,好似卷旦、熟食物整嘅壽司、飯團、三文治,用唔同顏色鮮艷蔬菜煮熟壓成蓉,製作芡汁或濃湯,番茄、甜椒、菠菜、青豆、蘑菇都係唔錯嘅選擇,仲可以加入少量牛奶或乳酪,令醬汁更香濃幼滑。小朋友做完運動,肚餓時候會更願意嘗試新食物,同其他差唔多年紀嘅小朋友一齊食,都可以增加佢嘅興趣。平時係咪同大人一齊食正餐?