論盡家傭 今日: 3 | 主題: 133699

積分: 218

發表於 04-10-27 14:12 |顯示全部帖子

千祈唔好幫襯運Ｘ僱傭中心

我在過去兩個月，比Ｘ通搞到我非常麻煩，大大話話都試咗七個工人，比哂錢又請唔到工人，職員同老板又態度十分惡劣，我媽媽因為要幫我湊仔，辛苦到病咗。可惜宜家要開工，遲ｄ再同大家詳述。

但記住，千祈唔好幫襯佢搵工人，唔係就自己攞來煩！

私人傳訊

積分: 218

發表於 04-10-28 11:04 |顯示全部帖子

Re: 千祈唔好幫襯運Ｘ僱傭中心

因為我炒咗用開個工人，唔想再隔山買牛同埋唔等兩個幾月，於是打電話去屋企附近的agent睇下有冇現成完約工人可以來試工，咁啱x通話有一個，我就係年八月四日去x通銅鑼灣分行interview個工人，有個職員叫做Jenny，介紹咗一個話係自已辭職的工人，叫做Ima，我當晚就帶咗佢番屋企試工，試咗兩日，我同我媽媽都幾滿意，就問佢願唔願意係我度做，佢話願意，咁我就同Jenny講話我想簽佢，並係當晚去咗agent簽約，俾哂錢，咁我諗住搞掂啦，咁個工人繼續偷雞係我屋企做，點知三日後，個工人同我媽講話佢家姐打電話俾佢，話爸爸係印尼病危，要即刻番公司攞passport出機票番印尼，咁我冇理由唔俾佢走，咪出埋糧俾佢，我仲問佢如果搞掂屋企野，仲番唔番來，如果佢快番，我都可以等佢，佢話番到印尼睇下，下星期俾電話我，跟住當晚就走咗。第二日我打電話去agent話俾Jenny知件事，問佢知唔知，佢話唔知，不過通常呢D情況都唔會番來，叫我揀過第個。咁我當晚放工又去揀工人，又再問佢Ima屋企點樣，佢仲當住我面打電話去佢地荃灣總公司問，話係佢爸爸有事，好可憐，冇錢醫就只有等死。於是佢又介紹一個完約工人俾我，我又帶咗佢番屋企試，點知第二日我番咗工，BB瞓咗覺的時候，我媽叫佢清潔客廳，點知我媽一個鐘頭後出來，竟然睇到佢癱係地下度瞓覺，乜野都未做，到我放工番屋企，我媽話佢由朝到晚就係度話好熱，要我媽開冷氣，跟住個工人同我講話佢唔想做，唔緊要，我出埋糧俾佢叫咗佢走。Jenny又介紹第三個工人，呢個仲離譜，佢係俾僱主炒的，原因係偷藥材，俾我reject咗。跟住介紹第四個，Jenny話呢個係海外工人，來咗香港之後，因為個僱主唔接佢（因為要番佢之前嗰個），所以可以介紹俾我。咁我又俾佢試工，點之呢個係蠢到加零一，完全唔掂，叫咗佢走。跟住係第五個，又係俾僱主炒，不過話係因為生意失敗，財政困難，咁我都帶咗佢番去試工，表現都還可以，咁我就同Jenny講話我想同佢前僱主傾吓呢個工人的工件表現，點知Jenny一時又話僱主係大陸，一時又話個僱主全家去咗泰國旅行，一時又話屋企剩係得個撞聾的婆婆，總知就係唔俾我同佢傾。咁我見個工人都冇乜野，咁就同我媽商量請唔請，最後決定咗請，就簽咗約。但係由於簽得太遲，個工人extend唔切visa，番咗印尼。跟住我問Jenny有冇人可以來做替工，咁佢又介紹咗一個完約工人（第六個），叫做小妹，來我屋企做咗幾日，我媽話呢個工人好掂，仲好過簽咗嗰個，想改請呢個，咁我問Jenny得唔得，佢話得但係要俾六百蚊取消之前簽咗份約，咁我心諗六百蚊換一個好工人，都值啦，咁我就問小妹佢願唔願意係我度做，佢又話願意，咁我咪去agent俾錢簽約囉，一心諗應該冇野啦，過咗差唔多三個星期，有一日小妹話俾我媽之話佢屋企人打俾佢話佢老公係印尼要搶佢個仔同第二個女人走路，佢又要即刻番印尼，仲流哂眼淚，似層層咁，咁我咪又俾佢走囉，又問佢會唔會番來，佢又話會番，會打電話俾我。

小妹係我屋企做期間，我媽同佢傾偈，佢話其實之前我第一個工人Ima根本唔係爸爸有事，而係唔想做。而Jenny點解介紹D被炒工人俾我，係因為佢地如果有工試，佢有錢分。我一路已經好勞氣，奈何俾哂錢，只好一路試佢介紹的工人。宜家小妹又走埋，我真係忍唔到，問Jenny小妹簽咗約咪，佢竟然話佢未叫佢簽約，咁我又問做乜佢咁唔負責任叫佢簽約，同埋介紹親都係咁架，D工人根本就唔係屋企有事，你仲幫住佢地講大話來呃我，係咪你教佢地咁講架，我而家唔使你再介紹工人俾我，我要退錢。佢聽我咁講，即刻係電話度罵我係唔係人來架，話我人身攻擊佢，又話錢就點都冇得退，我要投訴，要報警就隨便。我冇同佢嘈，我係9月22日寫咗封投訴信俾佢老細區小姐，最初區小姐都同我道歉，又話都唔知點解Jenny會介紹D咁既工人俾我，佢而家有一個係佢親戚用緊的underpaid工人，做得幾好，10月23日完約，問我會唔會考慮，我見佢態度都算誠懇，咪應誠試吓囉，試完都OK，咁又簽咗約，我媽已經俾之前D工人搞到怕怕，唔要替工，一心等個工人10月24日番工。點知到10月20日，我打電話俾區小姐，問工人既野，佢先至話工人好大機會來唔到，因為佢親戚新嗰個underpaid工人來唔到住，咁我話要等多幾多日，佢話要成一個月，不過要到10月22日先至同confirm，咁我問佢你做乜唔早D同我講，佢仲理直氣壯話佢唔到last minute係唔會同我講，又話俾個人我替住先，咁我話我唔要喇，要替工我一早就要啦，唔使等一個月，不如你俾個人你親戚替住先，放個工人俾我用啦，佢話佢親戚唔肯，又話佢有個朋有個工人可以早D放人，俾我試下，點知個工人來到我屋企做咗幾個鐘，就話怕我隻狗，唔做喇。咁我同區小姐講番，講講吓態度突然變得十分惡劣，咁我講話我唔要你D工人，你退錢啦，佢初頭話唔退，到後尾我話我會將我的遭遇寄去俾各大傳媒，同埋報警話佢有做underpaid 工人，佢先至肯退錢。

我都知道請工人好講彩數，但我諗我呢次真係間agent 好有問題，淨係幫工人，一D都唔會幫個僱主，各位如果想幫襯呢間請工人，真係要諗過呀！呢間agent係銅鑼灣、旺角同埋荃灣都有架。

私人傳訊

andrewbaba

積分: 457

發表於 04-10-28 11:48 |顯示全部帖子

Re: 千祈唔好幫襯運Ｘ僱傭中心

雖然請"海外工人"要等成兩個月同有少少風險，但至少做僱主都有個預算，個工人唔會咁易luck底，好多時因心急以為請"在港工人"會快Ｄ，隨時想請個心水完約工人頭尾用嘅時間仲耐過請個海外工人，真係因快得慢，我以前都試過。

運Ｘ僱傭中心又幾無良，maggie你都算好好人可以聽佢哋作咁多故仔，佢哋有好嘢噃，可以有咁多"有問題"嘅印印俾你做替工！

私人傳訊

ballpen

大宅

積分: 2119

發表於 04-10-28 12:35 |顯示全部帖子

Re: 千祈唔好幫襯運Ｘ僱傭中心

maggie_yang,

呢間agent嘅手法,都係一般呃錢agent嘅手法,我哋啲善良僱主真係防不勝防的,一切都要睇運,睇吓間agent會唔會睇中你,向你下手.

其實喺'無良僱傭公司'嘅topic內,已有一間叫運x嘅agent大名上左榜,不過唔知係唔係你呢間啫.

你真係好好人,費咁多時間將整件事講出來,等我哋又多知一間醜陋嘅agent,多謝你!

私人傳訊

bbdou

男爵府

積分: 8493

發表於 04-10-29 11:13 |顯示全部帖子

Re: 千祈唔好幫襯運Ｘ僱傭中心

Maggie

Don't give up. Post to newspaper and magazine.

私人傳訊

小家庭

積分: 56

發表於 04-10-29 19:10 |顯示全部帖子

Re: 千祈唔好幫襯運Ｘ僱傭中心

可惡!

私人傳訊

積分: 218

發表於 04-10-30 12:40 |顯示全部帖子

Re: 千祈唔好幫襯運Ｘ僱傭中心，呃錢又唔做野

原本個老細區小姐都應承退番D agent fee比我，但就要扣番一張合約費，因為嗰個工人係我話唔要，同埋我最後一個試工但話怕我隻狗個工人的人工，咁我話冇問題，叫佢先fax個breakdown俾我睇下條數點計，我同意後佢先至再開cheque俾我，點知一路都冇收到fax，到咗前日，忽然有個葉小姐打俾我，話區小姐開咗張支票俾我，銀碼係2,733.50，問我地址係邊。咁我問佢條數點計出來，區小姐話會fax個breakdown俾我先，咁個葉小姐就搵咗個超衰賤人Jenny同我講，佢話係agent fee HK$2,788減番credit card centre收佢地既charge幾十蚊，我話Jenny你有冇搞錯，credit card centre收你公司既charge，有乜理由要我俾，你公司接受客人簽咭，就預咗要食呢D charge啦，況且宜家係你公司收咗我錢，但又俾唔到工人我，我係唔會接受呢條數既。跟住佢仲話，楊小姐，你用咗咁多個工人我都冇同你計啦，你自己話你試咗幾多個工人，我話，你講清楚，乜野冇同我計，我個個工人都俾足人工，佢又話人夾人緣，勉強冇幸福，好似係我強逼一定簽D工人，咁我就興啦，我話你介紹D乜野工人俾我呀，唔係被炒，就係偷懶，ok嗰D我問哂佢地願意做先至同佢地簽，之後又拍拍籮柚走人，我從來都冇逼佢地來我屋企做，你說話講清楚D喎。佢見冇得再駁我，竟然話 “咁我同區小姐講話計番我D行政費落去你張單度”，我話好呀，你同區小姐講囉。有冇搞錯，搞到我冇工人用，仲要我俾credit card centre charge，仲要我俾行政費，我啋佢都儍，我一定會去消委會，壹周刊，東周刊投訴，等全香港都知佢D衰野，睇下佢仲有冇生意做。

私人傳訊

pator

積分: 216

發表於 04-10-30 23:46 |顯示全部帖子

Re: 千祈唔好幫襯運Ｘ僱傭中心，呃錢又唔做野

Go ahead Maggie, I support you

私人傳訊

bebedad

積分: 279

發表於 04-10-31 00:22 |顯示全部帖子

Re: 千祈唔好幫襯運Ｘ僱傭中心，呃錢又唔做野

Maggie,

I support you.

私人傳訊

daitetsujin17

民房

積分: 2

發表於 04-10-31 21:19 |顯示全部帖子

Re: 千祈唔好幫襯運Ｘ僱傭中心，呃錢又唔做野

maggie_yang,
我以為淨係我咁唔好彩, 比運Ｘ僱傭中心(旺角分店)欺騙,, 原來我同你都係受害者!! 呢間agent簡直大話連編, 不負責任, D員工好似奉旨講大話呃人.
我覺得唔可以再讓其他人受騙, 一於比D資料各大傳媒報導下..
我嘅case已交由消委會處理. 我是聯絡消委會陳先生的, 而case已由佢哋嘅投訴主任處理中.. 你可聯絡消委會陳先生, 佢都幾好人. 我會PM佢個電話比你..或者你都可以call 消委會Hotline : 2929 2222 (不過就要聽D錄音)
一於等消委會Blacklist呢間無良嘅X通僱傭中心…

私人傳訊

積分: 218

發表於 04-11-2 01:31 |顯示全部帖子

Re: 千祈唔好幫襯運Ｘ僱傭中心，呃錢又唔做野

今日個老細區小姐打電話俾我，話退番哂D agent fee俾我，聽日仲搵人send 張支票過我公司，咁順攤，唔知有冇D乜野古惑。唔知係咪星期六蘋果日報登咗佢地旺角分行呃錢俾人投訴，怕我再搞大件事，所以先至咁順攤。睇吓聽日係咪真係收到張支票先。

私人傳訊

小家庭

積分: 56

發表於 04-11-2 11:23 |顯示全部帖子

Re: 千祈唔好幫襯運Ｘ僱傭中心，呃錢又唔做野

間agency 肯退番錢比你咪好o籮!
總好過, 佢唔退你又要用時間及精神去投訴!

私人傳訊

bebedad

積分: 279

發表於 04-11-17 01:06 |顯示全部帖子

Re: 千祈唔好幫襯運Ｘ僱傭中心，呃錢又唔做野

Maggie_yang,

Finally, agent refund money or not.

私人傳訊

該用戶已被刪除

發表於 04-11-20 01:41 |顯示全部帖子

Re: 千祈唔好幫襯運Ｘ僱傭中心，呃錢又唔做野

提示: 作者被禁止或刪除內容自動屏蔽

私人傳訊

BABY-SUM

別墅

積分: 616

發表於 04-11-20 11:58 |顯示全部帖子

Re: 千祈唔好幫襯運Ｘ僱傭中心，呃錢又唔做野

maggie_yang ,

退左錢未呀?

私人傳訊

DADA7JUN

積分: 126

發表於 04-11-20 17:45 |顯示全部帖子

Re: 千祈唔好幫襯運Ｘ僱傭中心

I have through this agency (Tsuen Wan) to processed the document in before (The maid was found by myself). After pay the fee, their attitude is very bad, bad, bad. Ms. Au and their staff are so bad woman (include a bun bun staff), they forget to give me back the documents, then I ask her to give me back, but they forget to make copy, so the documents for employ helper is incomplete. They said I should not take back the documents, this is my mistake, previously only copy of documents are needed in other agency.

Besides, I have enquires to other agency in same floor in Tsuen Wan Office (I forget the agency name, but I remember the name is include "union"), The man give me the impression is good, If anyone want to employ indonesia maid, you can try these agency.
My husband don't like indonesia maid, so I havn't employed maid in this agency.

私人傳訊

積分: 218

發表於 04-11-21 01:10 |顯示全部帖子

Re: 千祈唔好幫襯運Ｘ僱傭中心

唔好意思，好耐冇上來，宜家先至睇到你地問我，經過我三個禮拜來不停追問，終於係上星期五攞到張支票，不過佢地好奸，要我簽收話已收錢，並且唔會再追究的回條，咁我咪係張回條到寫明只係收到張支票，要視乎係咪過到數，但我又未有時間入張支票，所以都唔知係咪真係過到數。

呢間野真係完全不負責任，無論老板同職員有一個似樣，個個都係衰人，奸到唔係人咁，我之前咪話已經唔再等個完約underpaid 工人，唔再幫襯佢公司，佢竟然冇cancel到個工人個application，繼續用我個名幫佢process個工作簽證，到我收到入境處通知話批咗個工人的visa先至知，都唔知會唔會影響我宜家呢個工人的申請。總之大家真係千祈、千祈、千祈唔好去x通（運x) 無論係荃灣、旺角或銅鑼灣分行揾工人，唔係就真係會搞到你鷄毛鴨血，一身蟻，兼夾一肚氣。
如果有人咁唔好彩已經中咗招，即管同佢嘈，話唔退錢就搞大件事，寫哂去乜周勿周，各大傳媒，爆哂佢D衰野，話佢有underpaid 工人介紹、俾工人去試工，問佢係咪想再見多一次報，如果你惡過佢，煩死佢，我諗佢地會驚。

私人傳訊

bb_popo121