嬰兒醫護 今日: 0|主題: 79094

Hello linghappy，濕疹係皮膚表層炎症，主要原因仍然不明，媽媽唔好怪責自己呀 BB角質層比成年人薄，當BB皮膚比較乾，影響左皮膚屏障保護，令環境致敏物源(塵蟎)有機會經皮膚進入身體，會引致BB皮膚紅/痕癢。建議媽媽加強為BB皮膚保濕，用無香料、成份天然沖涼液，沖涼時間唔好太耐，水溫唔好太熱，沖涼後趁皮膚仍有水分搽返無香料嘅潤膚膏/橄欖油/椰子油形成屏障。如果BB濕疹已經持續左一段時間仍未有改善，都建議帶BB睇醫生，搵出致敏原因，西醫處方俾BB 類固醇藥膏比較溫和，按醫生指示用藥就唔需要太擔心呀。BB幾大呀?

醫生會按BB 濕疹情況處方適當劑量嘅類固醇藥物，只有不當/長期使用類固醇藥膏，才可能會有明顯副作用(例如皮膚變薄、毛髮增加)，如果BB濕疹已經有1-2個月仍未有改善，建議儘快同佢睇睇西醫，依照醫生指示下使用就唔駛擔心(只需搽上薄薄一層，所搽範圍比患處略大)。另外，常見致敏源包括高蛋白食物(牛奶蛋白)、新嘅衣料、昆蟲、化學物(洗頭水、沐浴露、洗衣粉)、塵蟎、花粉等，找出致敏源盡量避開，一般濕疹會慢慢改善。

明白媽媽對類固醇藥物嘅擔憂，類固醇主要作用是舒緩皮膚炎症，唔係根治方法，BB濕疹最緊要係幫佢避開致敏原，加強保濕皮膚築成天然防護屏障，濕疹係BB好常見嘅過敏症，當身體接觸到致敏原，人體免疫系統將本來無害嘅物質當成有害作出攻擊，釋出引致發炎物質，因此身體發出過敏反應，包括皮膚出疹紅腫症狀。每個BB過敏症狀、原因都有唔同，需要醫生臨床檢查和確診，建議同BB去睇兒/皮膚科呀。