自由講場

跳至

首頁

尾頁
   20


複式洋房

積分: 285


發表於 18-4-15 12:10 |顯示全部帖子
今年4 歲四個月,三歲確診自閉症,治療左一年,語言比同齡仍慢一年,雖然可以講非常簡單句子,例如哥哥一起玩,我要食蛋蛋甘
仲未識表達太多,復雜少少也未講到,冇基本對答,例如今天學校教左乜,同學叫咩名,今天食左乜亦答唔到!

一有唔開心唔滿意就打人( 一下),會好憤怒大聲叫’喂呀‘

真的非常擔心,醫生話黃金治療期係2-6 歲,時間已經唔多,但好似仲落後其他同齡好多,
我只希望自己小朋友可以健康快樂正正常常,叻唔叻已經其次

有同路人分享下點做嗎


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-4-15 12:48 |顯示全部帖子
耐性耐性耐性,同愛心愛心愛心。
自閉孩子學嘢花嘅時間心機會俾其他人多,
唔係佢地唔想學,係佢地都要學點樣學,
當佢地係來自星星的孩子,要適應地球人生活,
學習過程比一般地球人長,但總會有日學識。
雖說有學習黃金期,但唔代表過咗就學唔會,
係慢D同難D,因為大咗要求小朋友識嘅會越來越多,
所以趕進度會好似好難咁,媽媽多D留意佢有改進嘅地方先。
花旗太太生活在花旗國,留意時差,你問我未必即時答到。


大宅

積分: 4955


發表於 18-4-15 13:09 |顯示全部帖子

回覆樓主

樓主要去學點樣自己教佢地, 包括脾氣同講野, 唔可能只等中心幫你一星期一次咁train
再大少少, 佢可能會突然”開hill “, 進步快左, 我仔由5-6 進步好快, 上小一時,小學老師 完全唔覺佢有問題,

但我返左二星期到就自己同學校講左,

因為始終都係sen,


王國長老

積分: 211791

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


發表於 18-4-15 13:17 |顯示全部帖子

回覆樓主

真係,耐性耐性耐性,同愛心愛心愛心
你係佢阿媽,萬大事都有你在後面支援
我仔係自閉+Adhd,幼稚園要讀兼收,仲記得有auntie話,做義工睇個i仔由n到k3,外出時個i位仔同佢講,姨姨,海上有件垃圾,垃圾係浮架!
我果時羨慕到爆燈!我個仔只識講單字!我心唸人地果個叻啫,我果個邊有咁叻
又原來攪攪下佢地又會做到,當然,要常常記住唔好同人比,心態就會好好多


珍珠宮

積分: 43510


發表於 18-4-15 13:18 |顯示全部帖子

回覆樓主

如可以的話,不如你都報course
學下點教自己小朋友
當你學識咗,日常生活都可以加插唔同練習
另外就係耐性
耐心啲,明白都會有激氣時候
自己冷靜下來,深呼吸
再來一次
小朋友會不斷累積學習經驗,總有進步
加油


水晶宮

積分: 63724


發表於 18-4-15 13:18 |顯示全部帖子

回覆樓主:

我嗰個冇自閉都差唔多咁上下,反學1舊雲,少句子,正常架la

別被這字眼限制你同小朋友的思想空間,每人都會叻一d野唔叻1d野,而自閉小孩專叻某d的,平常的小孩是平均
美國的機構研究,佢地的基因接近天才架,只是唔平衡發展姐

你的努力有多大,你的小孩成就有多大!


寶石宮

積分: 291016

2023年兔年勳章


發表於 18-4-15 13:44 |顯示全部帖子
fire_hobby 發表於 18-4-15 12:10
今年4 歲四個月,三歲確診自閉症,治療左一年,語言比同齡仍慢一年,雖然可以講非常簡單句子,例如哥哥一起 ...

加油


男爵府

積分: 6627


發表於 18-4-15 14:00 |顯示全部帖子

回覆樓主

不要同別的孩子比較,自閉兒學習進度有佢自己的時間表,盡自己努力教導便可,不要太大壓力自己。雖然話6歲前係黃金期,但學習是成世人都事啊!


子爵府

積分: 13524


發表於 18-4-15 14:05 |顯示全部帖子

回覆樓主

加油!好明白你嘅憂慮,除了小朋友外,適時放鬆自己都好緊要,為母則強,祝福你哋一家


大宅

積分: 4048


發表於 18-4-15 14:09 |顯示全部帖子
fire_hobby 發表於 18-4-15 12:10
今年4 歲四個月,三歲確診自閉症,治療左一年,語言比同齡仍慢一年,雖然可以講非常簡單句子,例如哥哥一起 ...

我個小朋友是重症
認知感統語言全部有問題
我將語言押在最後一直冇特別料理
個人覺得就算啞的冇朋友的也可以上學
But 冇認知能力坐唔定寫唔到字就⋯⋯

上主流小一時
基本上講到一舊舊
小二我休業陪伴逐句執
小三已經可以discharge

小朋友潛力無窮
時機到了叻到你唔信


珍珠宮

積分: 35160


發表於 18-4-15 14:14 |顯示全部帖子

回覆樓主

加油。


子爵府

積分: 13446

親子王國15週年勳章


發表於 18-4-15 14:47 |顯示全部帖子
2X 年前,我阿媽面對同一個問題。

個小朋友完全唔識講野,連「爸爸媽媽」都唔識,更莫說簡單句子,連痛、病都表達唔到,所以成日發脾氣。本來都已經移民多年過開心生活,一下子咩都幻滅,為幫小朋友要返黎香港。因為斷聯絡多年,返到黎冇朋友冇親人,當年又唔多人識呢個病,阿媽阿爸都要一邊搵工(返黎冇幾個月就遇上 97 金融風暴),一邊拼命去搵資料、訓練。好多幼兒園、幼稚園都唔收,因為驚佢發脾氣打人,搵左好耐先有一間肯「收容」。正常小學都讀唔到,因為好多野佢都做唔到,學唔到。最後寫轉介入愛心學校(但係愛心學校嘅一兩個老師冇愛心冇耐性,因為每次返屋企都發現身上有 d 奇怪嘅紅痕,似被人打)。

所以我好明你個處境,又或者可以咁講,依家多人認識呢個病,又多左小組去支持家庭、訓練小朋友,你個小朋友比我阿媽當年面對嘅要好些。

既然口講唔到,你可以試下教佢手語,上網有香港手語字典,雖然唔多數據但係夠畀小朋友表達個人需要。依家我屋企果個 2X 歲先再學手語(以前佢學校有教過基本手語如 廁所、顏色、食物,冇再教其他),都學得非常快,好多都記得。同埋都可以多 d 教寫字認字,佢地講唔出但係好多時候都寫得出。

加油!


男爵府

積分: 6534


發表於 18-4-15 14:54 |顯示全部帖子

回覆樓主

試下揾中醫幫手


男爵府

積分: 7847


發表於 18-4-15 15:12 |顯示全部帖子
fire_hobby 發表於 18-4-15 12:10
今年4 歲四個月,三歲確診自閉症,治療左一年,語言比同齡仍慢一年,雖然可以講非常簡單句子,例如哥哥一起 ...

唔好灰心,我見過個媽媽,勞氣都冇用,慢慢同佢講,教,我知好難,加油


大宅

積分: 4447


發表於 18-4-15 15:22 |顯示全部帖子

回覆樓主:

可試浸會中醫針灸及醫好腸胃,可能會有改善。在YouTube 打(無奇不有)羅拔迪尼路有A,B,C,D parts,講自閉症。


男爵府

積分: 7662


發表於 18-4-15 16:38 |顯示全部帖子
唔好將自己的孩子同同年齡既比較,會好辛苦架,要心底接納自己小孩,認識自己的小孩及了解小孩既病,雖然有黃金期,但要訓練及學習係好長遠,佢哋既進步係好細微,係一點一點進步,加油!


伯爵府

積分: 16458


發表於 18-4-15 16:57 |顯示全部帖子

回覆樓主

信我,就算無付費訓練,家長嚮屋企同佢多講多傾多交流,耐心教佢,佢都識ga。佢係學得比別人慢但放心,唔難追上,另外,多D與人互動都有幫助,


子爵府

積分: 10239


發表於 18-4-15 17:30 |顯示全部帖子

回覆樓主

話就話黃金治療期係2-6,其實你都開始左做治療,已經catch到呢個黃金期。
我仔都係special need. 好明白你。
你仔四歲多,比些耐性,佢可以進步好多架,而且都會用句子表達了,都唔錯丫。我個隻十歲,大多時候都係比短句片語我。呢排唔知搞乜又突然講幾句水蛇春咁長嘅句子比我,仲要啱晒grammar. 一時時。
我學習同佢地溝通時,知道佢地一聽到問題,佢地唔知從何說起,所以比唔到答案,唔答你。偏偏好多家長都會問問題來了解孩子。試下唔用問題丫,例如話你想知佢坐隔壁個同學係男仔定女仔,咁你講:坐你隔離個同學係女孩子來。我講得啱你就話「係喎」啦。佢少左野要過慮所以會答到你多d野。

至於打一下,千萬要讓佢明白唔可以咁做,第日上小學比人投訴就會好煩。
I support autism acceptance!


子爵府

積分: 12495

2018復活節勳章


發表於 18-4-15 17:45 |顯示全部帖子

回覆樓主

我覺得小朋友梗有某方面係特別有興趣,有興趣就自然學得入腦。例如佢鐘意車咪藉車黎教佢講野。
例如可以一齊睇啲車嘅故事書,講故仔,可以學多啲辭彙、句子、表達方式。
另外要禁止電子產品同電視,因為越沈迷就越會影嚮溝通能力


伯爵府

積分: 18557

畀面勳章


發表於 18-4-16 21:30 |顯示全部帖子

回覆樓主

明白、耐性、包容同堅忍!


首頁

尾頁

跳至