意見反饋
義工

嬰兒醫護 今日: 1|主題: 77884

跳至
查看: 41198 | 回覆: 110
阿仔半夜久咳, 霉菌? 肺弱? 經歷分享及8個健康心得  


複式洋房

國民生產總值:350

2019勳章


發表於 18-5-3 17:08 |顯示全部帖子
本帖最後由 Thamecon123 於 18-5-11 11:43 編輯

阿仔半夜久咳(2Y2M-7M), 霉菌? 肺弱?

終於搵啱醫生, 經歷分享及 8個健康心得




小朋友夜咳好困擾,特別係一晚咳醒幾次的話,無論大人細路都瞓得唔好

18年4月28日更新:係17年4月尾,轉入夏天後,呀仔既夜咳好番哂。原來唔關霉菌事,係天氣同體質問題。


--------------------------------------------------------


好多細路都會咳,特別係番左幼稚園之後,d菌傳黎傳去。我呀仔,亦咳左將近半年(半夜咳)。終於好番,原因原來係霉菌。分享呢篇文希望可以幫到同樣經歷既家長同小朋友。


--------------------------------------------------------


每晚半夜咳 近半年都唔好 睇左 5, 6 次中西醫生約16年10月底(2Y2M)夜咳遍尋中西醫不果

阿仔感冒完左之後,每晚半夜咳,咳醒2-3次,每次連續咳10-20秒左右,冇乜痰既,亦會繼續瞓番。跑步一陣亦都會氣喘咳。但日間咳就好少,只有一聲半聲。見日間冇點咳,諗住食中藥調理下。


睇咗3個中醫(尖沙咀,太子, 石塘咀) 1個西醫都冇效,中醫話佢肺弱,食咗好多中藥、猴棗散,保嬰單,都冇好轉,都係每晚咳醒幾次,好在日頭冇點咳。

約17年1月底(2Y5M)聞哮喘藥

見半夜咳咗成兩三個月啦,再睇兒科西醫(美孚),話氣管敏感,開青蛙仔(氣管敏感藥 Singulair),食左一星期冇效,轉睇一成人胸肺科醫生(之後先知青蛙仔要食3星期先見效)。



胸肺科醫生開的抗氣管敏感噴劑

胸肺科醫生比佢聞氣(哮喘病人聞果類,見圖),兩支,一支有類固醇(醫生話長用會有副作用影響生長)。幾日後開始冇咳,聞左兩星期,減藥量,又咳返,比之前咳多左添,最嚴重果時一晚咳醒三四次。(類固醇唔可以長期聞,醫生話可能會減慢發育)


--------------------------------------------------------


搵到兒童氣管專科好醫生「病因可能係霉菌」

17年3月中旬(2Y7M)轉醫生終於停咳

輾轉搵到一個兒童氣管專科(好好人,好細心),開藥同胸肺科一樣,但劑量較輕(For小朋友,原來之前開既係大人量!)。佢開既劑量,話有哂研究可以長期聞冇副作用,係之前胸肺科量既 1/4。睇哂阿仔耳鼻喉,聽埋肺都冇事,安心d。


問點解咳,佢話氣管敏感,問阿仔同父母有冇過敏體質(食物、藥物敏感、濕疹),都冇。問係咪塵蟎,係(晒過床褥),另有人床邊牆有霉菌(見圖)而咳,搬屋後好左。呢個真係黎睇佢既最大得著。



我家小朋友床邊既牆,就係有呢d咁既霉點,快d睇下你屋企有冇?

我計一計條數,十月停冷氣(可抽濕) 就開始咳,回家看床邊牆亦有輕微嘅霉,即刻清潔好(上網搵話用酒精抺,之後再加「防霉勇士」再抺),聞左氣一星期,夜咳逐漸減少,一星期後冇再咳啦。


17年4月中旬(2Y8M)停藥又咳番 試身體過敏反應

點知停聞氣管藥約一星期,呀仔又咳番!於是再睇另一個兒童氣管科專科醫生(都係由將軍澳既兒科醫生介紹),又有兩點新發現:

  • 原來有測試可看有否塵蟎過敏。呀仔試左,冇野喎。
  • 佢話有d細路會咁樣咳,咳到5-6歲。。。


冬天咳夏天好每年覆發



17年5月初(2Y9M)夏天到夜咳好 排到期瑪麗兒童哮喘科

轉入夏天後,呀仔既夜咳自自然然完全好番哂。原來唔關霉菌事,而係天氣同體質問題。只不過霉菌同冷氣係同期出現,所以就誤以為係原因,其實只係相關。


係呢個時候亦都排到期睇瑪麗醫院既兒童哮喘科啦,開左啲氣管藥比呀仔聞,同之前私家醫生開既一樣,但價錢就只係唔洗$100蚊。不過夏天我減藥到停哂都完全無咳番。


17年9月(3Y1M)夜咳覆發 好彩搵啱中醫

秋天到,又咳番,展轉係網上睇到吉鳳霞中醫師講夜咳既文章,講中醫會點樣醫(佢好似係中醫咳既專科),於是即刻去睇佢啦。連續食左 4-5 劑中藥,真係好番哂。[同時都有聞氣,但就慢慢減量]


17年11月中旬(3Y3M)

呀仔就再冇持續夜咳啦。之後感冒完左,可能都會夜咳番,但只要去番吉醫生度,食番幾劑中藥,次次都好快好!



吉醫生睇症真係好詳細,有一次,佢已經開緊藥方,但係我諗起有啲病症補充話佢知,佢即刻又會改藥方。佢真係好認真既好醫生,雖然搬到去屯門咁遠,但係試過搵其他既中醫都係冇佢咁見效。


--------------------------------------------------------

8點經驗總結

1 使用醫療用品,一定要睇說明書

聞氣前要搖勻,兒童氣管專科睇完病,仲專登過黎問我有冇搖勻,佢話唔搖等於冇用到!!!我估原因係d藥粒子會沉澱,我冇。。。


2 西醫話係氣管敏感,究竟係乜

敏感係免疫系統對過敏源(食物/氣候/藥物/動植物等)的過度反應,何謂過度?既係大部分人都冇野,而你有野。另一醫生話每日人體有兩個時段氣管會收縮:中午同深夜1-2左右,但日間通常人係醒,瞓晏覺都唔係最熟睡,所以敏感冇咁嚴重。


3 有研究話因為依家d人屋企太乾淨,所以易敏感 (醫生講既)

如果由細到大都係一個好乾淨環境長大,咁到左番學,環境冇咁乾淨,就會容易敏感。 相反,如果由細到大,身體適應左,就會好d。好似有左抵抗力咁。


4 老中醫比較主觀,唔好信哂

第一個睇既中醫係睇開既,係d老中醫,佢好堅持話肺弱,開左d煲既中藥,同佢自家製猴棗散,話食3個月就好。因為呀仔跑一陣就咳,佢就斷定係肺弱。d老中醫因為有經驗,好多時比較主觀。根住再睇另一個人地介紹既老中醫,一睇就話佢瞓得唔好,開藥比佢瞓好d。(其實半夜咳醒就梗瞓得唔好。。。)


相反,再跟住睇左一個後生中醫,佢只係話肺弱,話瞓覺唔知點d氣沖上肺,所以咳(我唔太記得啦)。但就會試藥,唔會話呀仔一定係咁咁咁。我好buy,你只聽下家長講一輪,再摸一摸脈,咁易就肯定到咩事咩?


5 任何藥/食療都唔好長期食

各中醫d藥食左兩三個星期冇乜效,就停左唔食啦。長期食對肝同腎都好傷,因為佢地要排走、過濾多左d化學物質。


6 有病唔好下下即刻食西藥

咳同打乞嚏,係身體既機制,去將肺/氣管既有害物質排出體外。而食西藥,係抑制身體呢d機制。咁會點?咩將d有害物質留左係身體入面囉。較好既方法,係睇下嚴重程度,緊要、影響到休息既(譬如夜晚瞓唔好),先食藥。其實,除左抗生素,傷風既西藥,有徵狀先食就可以,因佢跟本唔會減低你體內既病菌。要減低病菌,係靠你自己,所以最好係有足夠既休息同營養。同埋得閒晒下太陽。


最好係有足夠既休息同營養。同埋得閒晒下太陽。

7 其他人啱食既食療,你未必啱食,因體質不同

坊間成日有人話,我呀仔飲左乜乜乜好左,除非真係d好一般既方(譬如飲多d水),否則唔好亂試。第一,個病可能根本唔同。第二,每人體質不同,對人地好既,未必啱你。試諗下,同一個溫度,都有d人熱,有d人覺得凍啦。想試的話都最好先問下中醫。


8 唔同時節,唔同體質食唔同水果

之前秋冬天,後生中醫叫我煲雪梨湯加薑比呀仔飲。初春我再問佢,佢話唔啱時節啦。我問佢呀仔食咩生果,佢話呀仔體質較寒,啱食d較「熱」既,如荔枝,芒果等。但梗係唔係叫你多食啦。


原文



王國熱話
請問一下小兒中四,額頭爆瘡爆得好勁仲...
理大控制近視鏡片
绝望
8歳男孩喜歡什麼生日禮物


大宅

國民生產總值:1335


發表於 18-5-5 09:11 |顯示全部帖子

回覆樓主

Thanks for sharing!
我囡又係咳唔停果種,初頭都肯飲中藥,但大大吓就唔肯飲,軟硬兼施都唔得,你有咩方法可以氹到佢飲?


大宅

國民生產總值:1651

2019勳章


發表於 18-5-9 14:33 |顯示全部帖子

回覆樓主:

請問吉醫師診所係邊? 我個女有鼻敏感,瞓覺常鼻塞,瞓得唔好,容易傷風感冒時時病,我想搵個好中醫睇睇


複式洋房

國民生產總值:350

2019勳章


發表於 18-5-10 17:29 |顯示全部帖子
HC.S 發表於 18-5-5 09:11
Thanks for sharing!
我囡又係咳唔停果種,初頭都肯飲中藥,但大大吓就唔肯飲,軟硬兼施都唔得,你有咩方法 ...
我呀仔好講道理, 我同佢講咳就要食藥, 好番先可以食佢鐘意食既糖/冬甩之類。而佢唔飲而又繼續咳, 我又真係會忍心唔比佢食零食。同埋食完藥會比佢食山楂餅。
或者可以陪佢飲少少,等佢知大人都飲,佢都要飲。
或者可以分多幾次飲,每次飲少啲。
仲有最緊要係個中醫開D中藥唔好太苦。




大宅

國民生產總值:1335


發表於 18-5-10 18:34 |顯示全部帖子
Thamecon123 發表於 18-5-10 17:29
我呀仔好講道理, 我同佢講咳就要食藥, 好番先可以食佢鐘意食既糖/冬甩之類。而佢唔飲而又繼續咳, 我又真係 ...

我都試過你講嘅方式,初初係work.. 但試多幾次已經唔得。


複式洋房

國民生產總值:350

2019勳章


發表於 18-5-11 11:39 |顯示全部帖子
HC.S 發表於 18-5-10 18:34
我都試過你講嘅方式,初初係work.. 但試多幾次已經唔得。
要恨心啲,可能我係爸爸,所以做得出手。

其實我聽過另一中醫講過話可以落白沙糖,不過我未試過。

肯食中藥就真係安樂啲,食得多西藥都係唔好,或者問中醫攞啲湯水配方,好既中醫會肯比既,文中講既吉醫生同另一個美孚既中醫都好好人,肯比湯水方。


複式洋房

國民生產總值:350

2019勳章


發表於 18-5-11 11:41 |顯示全部帖子
abbylo2 發表於 18-5-9 14:33
請問吉醫師診所係邊? 我個女有鼻敏感,瞓覺常鼻塞,瞓得唔好,容易傷風感冒時時病,我想搵個好中醫睇睇
...
佢對我黎講好遠,係屯門,地址唔知可唔可以係呢度講,你要的話 PM 我。


男爵府

國民生產總值:5883

2019新春慶豚圓 2019勳章


發表於 18-5-15 21:32 |顯示全部帖子
Thamecon123 發表於 18-5-3 17:08
阿仔半夜久咳(2Y2M-7M), 霉菌? 肺弱? 終於搵啱醫生, 經歷分享及 8個健康心得

18年4月28日更新:係17年4月 ...

你好,可否告知兒童氣管科醫生名字,謝謝


複式洋房

國民生產總值:350

2019勳章


發表於 18-5-17 09:11 |顯示全部帖子
JFNL 發表於 18-5-15 21:32
你好,可否告知兒童氣管科醫生名字,謝謝
已PM


複式洋房

國民生產總值:350

2019勳章


發表於 18-5-29 13:32 |顯示全部帖子
希望這帖可幫到更多人


大宅

國民生產總值:1570

2019新春慶豚圓 認識瑞士牛牛第二回 認識瑞士牛牛第一回


發表於 18-6-19 09:21 |顯示全部帖子
Thamecon123 發表於 18-5-3 17:08
阿仔半夜久咳(2Y2M-7M), 霉菌? 肺弱? 終於搵啱醫生, 經歷分享及 8個健康心得

18年4月28日更新:係17年4月 ...

Thx for sharing


複式洋房

國民生產總值:168


發表於 18-6-29 11:14 |顯示全部帖子
abbylo2 發表於 18-5-9 14:33
請問吉醫師診所係邊? 我個女有鼻敏感,瞓覺常鼻塞,瞓得唔好,容易傷風感冒時時病,我想搵個好中醫睇睇
...
我都想知~ 樓主可pm我嗎


禁止訪問

國民生產總值:46


發表於 18-6-29 11:31 |顯示全部帖子
提示: 作者被禁止或刪除 內容自動屏蔽


複式洋房

國民生產總值:230


發表於 18-7-2 22:55 |顯示全部帖子
我都想知~ 樓主可pm我嗎


複式洋房

國民生產總值:350

2019勳章


發表於 18-7-2 22:56 |顯示全部帖子
chin1202 發表於 18-6-29 11:14
我都想知~ 樓主可pm我嗎
已PM


複式洋房

國民生產總值:350

2019勳章


發表於 18-7-5 09:17 |顯示全部帖子
回覆 tamkayu82 的帖子

已PM


複式洋房

國民生產總值:144


發表於 18-7-10 01:40 |顯示全部帖子
JFNL 發表於 18-5-15 21:32
你好,可否告知兒童氣管科醫生名字,謝謝

我都想知(emoji)(emoji)


男爵府

國民生產總值:9854

2019新春慶豚圓 2019勳章 BK Milk勳章


發表於 18-7-14 22:03 |顯示全部帖子

回覆樓主:

請問可以pm我醫生資料嗎?屋企人受咳嗽困擾好耐


複式洋房

國民生產總值:350

2019勳章


發表於 18-7-16 11:30 |顯示全部帖子
Tiffany2 發表於 18-7-14 22:03
請問可以pm我醫生資料嗎?屋企人受咳嗽困擾好耐
已分別回覆了, 希望大家都搵到啱既醫生


複式洋房

國民生產總值:321


發表於 18-7-18 04:17 |顯示全部帖子
Tiffany2 發表於 18-7-14 22:03
請問可以pm我醫生資料嗎?屋企人受咳嗽困擾好耐

請問可以pm 我醫生資料嗎?

123456
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.