做咗個半月
B 8個月大 出世到宜家都係我自己湊 因為想多份收入諗住做嘢所以請工人
喺helper library搵到佢 43歲 斷約 見佢interview表現好 對阿b熱情 態度唔差決定請佢
當時冇留意佢手腳 嚟到發現佢手腳都有灰甲 焗住用 叫佢帶手套著襪 買咗灰甲藥水比佢 如果表現良好嘅就用佢 好工人難求
對佢算好 自己一間房 新床新櫃新日用品 總之佢冇乜就買比佢 比佢用wifi 出街食好西都會帶佢
屋企細3個人 家務少 掃拖地洗碗奶瓶 洗衫摺衫 晾都唔使 煮飯老公要求高佢自己買同煮
本身佢要預備阿b啲粥 但預備咗5次有兩次有魚骨 1次有魚鱗 好彩我餵阿b見到
奶瓶洗唔乾淨 有一次出街帶奶樽入面裝咗水 全程冇用到 返到屋企攞出嚟啲水係混濁的 奶白色咁先發現
又用阿b啲衣架晾自己啲襪 佢明知我哋知佢腳有嚴重灰甲
阿b夜晚同我瞓 日夜都係我湊 本身諗住佢嚟到觀察佢兩星期左右就返返工 但我一行埋阿b到佢就行開 冇心學點照顧 成日走入房
有一晚老公收夜 阿b已瞓 我煮飯比佢 我喺個廚房開住抽氣扇都聽到阿b喊 佢間房就喺我哋房隔離 一定聽到 我衝入房整反阿b瞓 佢喺我阿b收聲時終於開門望咗望 見阿b唔嘈又入反房 呢次第一次鬧佢
自始經常黑面 對阿b無耐性 阿b想佢抱佢會好惡咁話no 因爲阿b重佢唔想抱住 佢之前已經好多次講過阿b好重(10kg)
偷用我哋私人用品 漱口水 m巾
質問佢佢話用咗一次 漱口水我老公唔用 我用過3次 冇咗半支 老公發老脾佢先認一路都用 偷洗頭水沐浴露都算 但漱口水我就咁飲..
撞崩屋企牆(3個位)
倒㵼咖啡落牆抹唔甩又唔講 我哋發現先話抹過啦 抹唔甩 態度差
尋日休息完返嚟話要food allowances但我話我哋有提供食物比你 佢話佢一出糧就寄4000回家 得返410 我啲嘢食又唔啱佢食(黑人問號)
老公終於忍不住 叫佢立即執嘢走
其實佢仲有好多衰嘢 冇位寫
各位要用helper library千其唔好請佢 can pm her info
發表於 
返回列表
