3月24日凌晨5:30紮醒去個次所，發覺見紅，之後同呀媽講，因為第1胎，安全起見就入院檢查，換好衫就打比老公。6:15我同呀媽同老公都到威爾c，上到侍產房姑娘問左幾句就上左床駁心跳機，每痛一下就禁個制，聽到一一既心跳，每一秒都好窩心。聽左15分鐘到，姑娘就拆走個胎心機，話我第1胎，所以冇甘快生得，就叫左老公同呀媽返屋企休息下先。然後24號就好平靜甘渡過，食野，去次所，完全冇問題，活動自如，我有一刻以為未生得就出院。
姑娘話想快啲生就去坐下ball仔，會容易啲生，甘我就去坐左1個鐘到，太攰就上返床訓。
到左24號晚上，熄曬燈，我仲同老細傾電話偷食朱古力條。一路同老公傾電話一路食，由於未肯定生得，老公都未拎侍產假，所以凌晨陪完我入院，佢都要返工。之後我就同一一講:你快啲出黎拉，爸爸走泥走去好辛苦架！
傾完電話後就feel到開始黎料，由15分鐘陣痛一次到5分鐘陣痛一次，個種痛都忍到，不過都想快啲過。因為事前我係甘上網睇第1胎既生產過程，所以都知道5分鐘陣痛一次都冇甘快生得，不過姑娘就話5分鐘痛一次就要禁鐘同姑娘講。同左姑娘講後，就話同我內檢，結果就話開左2度，要我繼續等下。過左大約2個鐘，就真係再痛左，痛到想打無痛，之後禁鐘叫姑娘睇下開左幾度，順便問下可五可以打無痛，姑娘聽到就話最好五好打，因為可能無力生同埋要醫生話ok先打得，聽佢甘講我就打消左打無痛既念頭，轉用暖水袋。之後內診，話已經開到3度，頭3度係最難開，話我就差五多叫我準備一下，汁下自己啲野，之後比左件紫色袍我著。
過多半個鐘頭到就汁好曬野，要自己過床，之後姑娘就推左去對面既侍產房2，一入去就聽到另一個媽媽係到大叫，話好痛話五生，甘當然姑娘都係好惡甘叫佢留氣一陣生好過。到左侍產房姑娘都話我差五多可以打定比老公叫佢過黎，過左30分鐘到老公就到了，我既陣痛亦開始忍五到，開始呻淫，叫姑娘睇下開幾度，姑娘話未夠鐘檢查，要等多20分鐘先檢查，個刻真係唯有死頂！到左姑娘黎內診，話開到6度，之後內診[了了]下就話穿左羊水，要12小時內生產。穿左羊水後，簡直生不如死，痛到係甘大叫，之後個胎心機開始發出長響既聲，姑娘就入黎整個胎心機，然後姑娘就同叫左另外個姑娘入黎，講左幾個英文，我自己心知都應該有問題，之後姑娘同我講，bb心跳開始慢，要即刻落產房生，個陣話我己經7度，之後就打種豆（冇中b鏈），不過姑娘話要打就由佢，個陣痛到乜都五想理，之後拎個盆，叫我柯尿，之後我柯太少，就要插尿喉，一插就感覺到自己柯左好多尿。
之後就好快推左去產房，因為緊急生產，所以爸爸不能陪產，落到產房，見到四五個助產士，同一個女醫生，女醫生就按下我個肚，再內診，話已經開到9度，有可能要用助鉗，我己經痛到冇所謂，之後醫生同助產士講咗幾個英文詞，應該bb依個頭既位置，然後再內診，話已經開到10度，可以試下五用鉗順產，之後叫我陣痛一黎就試下用力，不過其實我一落產房，陣痛一黎嘅時候已經開始不自主用力柯，因為自己覺得冇甘痛，然後助產士拎咗份剪會陰嘅文件俾我簽，我痛到想死，了兩下簽名比佢就算。結果試咗兩次陣痛用力，第3次剪會陰就生到！過程中聽到助產士講:我哋都係想為你好，唔係你同BB都會有危險。我聽到嗰一刻就就用盡全身嘅力柯出嚟，最後bb好平安出世。3月25日出世
有3.14kg，11:10分入產房 11:42分出世，姑娘都話好快！由於緊急生產，所以爸爸唔可以陪入黎產房，不過一生完，助產士就即刻叫爸爸入嚟啦！所以母愛真係偉大！生完嗰陣老公一入嚟我即刻同佢講我唔會再生第二個，但依家望住仔仔已經唔記得咗嗰陣嘅痛楚反而想生多個陪仔仔！
發表於 
謝謝你的分享
, 我所以揀開刀.
不過依加見到仔仔健健康康，幾痛都值得既
返回列表
