copy 自我4年前喺度放嘅主題,因為太耐唔可以再forward出來,所以我由自己個record copy出來
***************************************************************
我99係一個以為自己係皇帝嘅人,事無大小,人人做咩佢都認為要經佢批准,
例如我c6約佢阿e舅父飲茶如果無事先通知佢得佢批准佢就會打電話黎串或抦我c6
話說06年我同c6係澳州回流香港無幾奈第一次有左bb,當時回流番黎我就好快搵到野做,c6就遲我3個月先搵到工,咁我地當時住緊我爸媽屋企但都想買層細細地4xx尺嘅屋住,當時我想近我屋企人所以買左爸媽屋企5分鐘步程又近火車站嘅屋,比左訂之後我就開始擔心自己未過probation,c6又未有份工怕按唔到,最後我娘家就話佢地買租住比我地先,名就落左我同我媽名,但錢就我媽比曬嘅,我地就比市價去租,口甘我又唔會有供樓大肚加新工咁大壓力.
點知個b去到24週無左心跳,我同c6當然痛心到死去活來,99初時都冇咩野仲有安慰我,點知過左幾個月佢有日知道c6買左隻雞同我屋企人一齊食飯,我99就打去我媽屋企話佢叫c6住近佢,我屋企人就呃飲呃食,又唔知比d咩我食攪到無左個bb,又呃佢個仔交租比我媽,之後鬧完就cup綫,我媽完全嚇親加激到訓唔著.之後過左幾日我就按捺不住打去同我99理論,話佢點都唔應該打去鬧我阿媽,我只係理論全程並無爆粗,之後我同c6就怕左我99再發神經鬧人所以搬左去唔近兩邊屋企近公司嘅地方租住
之後因為呢件事我年幾無見過我99,後來唔記得咩原因又見番面大家當無事發生,跟住我地係09年見樓市跌就買左層新樓,好記得當日我地係99屋企提話去睇樓時我99就串我地無咁個頭就唔好帶咁大頂帽,之後我地無理佢真係買左層樓,我c6就打比99講佢知我地比左訂買左個低層單位(因budget同佢嗰句無咁個頭就唔好帶咁大頂帽),點知佢叫c6撻訂,低層唔好wor.好彩我企硬最後無撻到,之後樓市係咁升,我99就成日話我地死好命,查實我都唔知做左幾多樓市分析先係最好嘅時間入市
買左樓後我就有左,阿仔宜家已經4歲,我見層樓升左9x%,又要想阿仔升小一應該會讀到我間一綫小學同需要多d空間,我地上個月就賣左層樓再買入我爸媽同區村屋,點知噩夢又黎
我層樓其實放賣左成年,過程中我地有同99仲有我c6嘅阿哥家姐提過,仲比人串話我地曬層樓升左好多,所以我地之後都唔再提,到近日我地宣布賣樓and買樓啦,d人就話仲咩咁突然
我99知道我地買左近我屋企15分鐘步程嘅地方就係咁打電話黎鬧,仲要係不停打黎,早致6點,晚致1點,打去c6電話,跟住我電話,再打埋我阿爸阿媽電話,我一路都唔聽佢電話因我知佢已鬧到short左,
咁佢竟然留言wor,內容係90%粗口,係門字嗰d,又話我帶壞佢個仔(我c6已40!),無家教,又話搵我無左嗰個b黎攪我因為我生佢出黎之後唔拜佢,又話我呃飲呃食,咁叻淫術不如去做雞搵多d比我屋企人,呃佢個仔d錢(查實我同c6咩都一人一半供樓養家),總之極度毒.佢鬧我阿爸媽d留言就咀咒埋我全家,最離譜係佢叫我小心無仔送終!!!
我錄曬佢d留言,仲whatsapp返比佢同警告佢再黎就報警,佢short 左3日之後可能我大伯同佢講我地真係可以報警佢就無再電話騷擾我同我屋企人,宜家我就攞正牌唔駛再見呢個人!呵呵!
*****************************************
4年後嘅今日
今日同c6舅父舅母飲茶時,c6舅父問我關於我同佢家姐(即我99)宜家點,我嘅心情又被牽動,好想揾個地方抒發吓
話說4年前比99無理取鬧後,我已經唔會再同我62 99同場,我樂於自在,而c6同阿仔就會返去男家d聚會食飯嗰d,試過2,3次c6會問我去唔去,我當然會話唔去同埋重申我同佢阿媽無可能再見面,最好嘅關係就係大家唔好再見就唔會有摩擦,何必一廂情願去拉攏番個關係呢?
今日c6舅父係近期第二次問我同佢家姐(即我99)宜家點,c6舅父認同我99好有問題,因為佢都曾經身受其害,但佢就覺得我阿仔已經8歲,我同我99唔好關係會對小朋友同埋c6有影響.....我就始終覺得如果我99唔係咁衰我都唔會同佢反面,我唔阻止c6同阿仔去接觸佢已經係我極限,無可能要我調轉同佢應錯,因為我真係冇野錯
大家點睇呢?謝謝!
親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。
發表於 
返回列表
