我係廣東話家庭。無外佣。自己英文本身唔係勁。所以買套二手用幫當時仲係bb嘅大囝。淺藍色bb套先玩,跟著 深藍、深綠、淺綠、黃色,其間當玩playgroup一陣唱下歌、一陣睇下書、一陣碌下咭(大小小有分辨能力玩QnA咭)。我用呢套到入咗幼園就放賣出去,轉用幼園到初小嘅點讀書伴讀。陪養咗佢鐘意英文同睇書嘅興趣,k2/3識自動波去揀書同揀戲睇學上去。我大囝同細囡相隔5/6年。細囡出世時,忙跟大囝功課,又諗住佢細,無咩點理佢,諗住哥英文好,哥哥係教會識埋啲朋友都講英文,佢跟著哥玩都應該自然會識,點知到上尾,就發現真係唔掂,哥哥朋友A叫停朋友B:she doesn’t know English