我老公今年49歲, 我39歲,有一個讀小一的女兒。我老公是一個大男人的人,其實女兒出世後,我老公D脾氣都開始爆燥,例如我整D粥俾個女食,佢會嬲到打爛D碗。上年老爺過身, 佢D脾氣更差,但幸好上年我都有D舊朋友去傾吓,令我有時都可以抽離些,心情都舒緩些。但唔知是否我都成日揾特定的朋友呻(因這些家事我都唔敢亂同人講),我發現有朋友都開始唔係太回應我了,因我有些朋友都唔敢俾意見,我都唔想成日打擾著朋友,自己唯有硬食。昨日我和個女在床上温書,阿女向我老公發問問題, 但我見老公在床上玩手機好似聽唔到咁, 咁我踢一踢他,點知他惡到趕我和女出房。我和女出房後,自己一邊同阿女温書, 一邊飲泣。
我有朋友建議我離婚,但我都成40歲, 又要帶著女兒, 自己工作不太穩定,因我係逐年簽約,所以都唔知怎樣做!