Hello Yellow_Bean ,媽媽會同囡囡去公園好好呀,4至9月係香港雨季,比較多雨水和天氣反覆,蚊蟲都活躍D,而小朋友新陳代謝比大人快,體溫亦較高,容易吸引蚊叮,的確要做足防蚊措施。媽媽選擇返成份用天然物品防蚊比較安全,例如:香茅油、檸檬油等,衛生署防護中心建議兒童使用嘅驅蚊劑當中DEET(避蚊胺)嘅濃度不應超過10%,媽媽可以先了解產品成份, 挑選不含DEET 或DEET濃度低嘅驅蚊劑,而且唔好直接噴射驅蚊劑去小朋友皮膚上,先噴係大人掌心上,再塗係小朋友皮膚上較為安全。蚊蟲通常在早/晚時間比較活躍,避免在該時段去公園、多樹木嘅地方,穿著淺色長袖衫褲,都可以減低被蚊叮風險。囡囡幾大呀?