自由講場今日: 49|主題: 1299519

收藏本版

發帖

返回列表

跳至頁

查看: 44301 | 回覆: 308

12 3 4 5...16

積分: 834

1^#

發表於 18-6-29 07:48 |只看該作者 |倒序瀏覽 |打印

好長，不喜勿插，俾個機會我分享吓！(emoji)(emoji)

我個 b 就黎 9 個月大嘞，6 個月果時，俾醫生話佢中度全面發展遲緩，能力得只 2個半月大，呢個消息係我老婆喊住打嚟同我講，我果陣返緊工，果下心情直頭由天堂跌到入地獄，我個腦入面有無數畫面，智障、自閉、肌肉萎縮、不良於行....etc 幾惡劣都有(emoji)

其實之前都心裡有數，因為 4個月大果陣，健康院都 warn 過 bb 唔識捉野，又對聲音唔敏感，又唔對人笑，不過當下真係接受唔到，我要忍住眼淚安慰我老婆，又要繼續返工，諗返都淒涼(emoji)，惡夢就由呢刻開始，我同我老婆一直俾「發展遲緩」困擾直至現在。

經朋友介紹下，即時已經幫 bb 搵職業治療，又改變左照顧 bb 嘅過度保護方式，每日帶佢去街，玩多d睇多d，做左應該要做嘅野，亦都做左好多自尋煩惱嘅野(emoji)(emoji)‍♂️

0 1 0

私人傳訊

Aryung

別墅

積分: 834

2^#

發表於 18-6-29 07:50 |只看該作者

回覆樓主

我一知阿 b 有事，就不停 search 有關發展遲緩嘅資料，瞓瞓下忍唔住又做 research, 一搵到有d症狀似 bb, 就不停再 research，沒完沒了.....冇錯，我開始有抑鬱(emoji)(emoji)‍♂️

我太太係全職媽媽，對佢影響更大，每日要對住 bb, 每次都係佢見醫生，每次返嚟轉述返我知都係 d 負面野，佢個人都越來越負面，成日覺得 bb 咁得意，點解有呢個病？幾時 catch up 到？會唔會一世係咁...etc (emoji)

初初見 bb 有進步都會好興奮，即刻拎健康院果本天書做比較, 久而久之，開始覺得 bb 不夠進步，始終同人有距離，太太成日掛住想 bb catch up 返, 唔鍾意我話 bb 叻左有進步；而我就成日對 bb 嘅進步有懷疑，例如bb 想向前撲，就懷疑佢脊骨有問題；bb 拍野大力，又懷疑佢個腦麻脾...etc。(emoji)

最近帶 bb 去評估中心評估，bb 8個月大得 4 個半月能力，物理治療師話要見醫生，安排排特殊學校，又話 bb 肯定遲講野，又暗示 bb 個腦可能有問題....etc, 我同太太當然唔開心同失落啦。(emoji)

私人傳訊

Aryung

別墅

積分: 834

3^#

發表於 18-6-29 07:50 |只看該作者

回覆樓主

因為每次等政府覆診都等好耐，我地又心急，早 2 日帶左 bb 去見一位兒科醫生，咨詢下佢嘅意見，忽然俾佢點醒左(emoji)(emoji) ，醫生問，點解你地覺得佢 catch up 唔到？佢做完 training 有冇進步先？如果冇進步就應該要擔心，佢呢刻表現同之前政府醫院嘅報告都有好大進步，你地唔好諗第二時讀書嘅野，唔好諗幾時可以追到同普通人一樣先，記住最緊要係呢刻，bb 咁細，可能過 3 個月個 grading 已經唔同！佢唔似有乜古怪病，個腦都唔似有問題，真正原因要花漫長時間反覆測試至知，所以與其想知病因，不如努力 intensive training 先.....

果下我同太太都叮左一聲醒左，冇錯，當下係最緊要，應該做盡我做到嘅嘢先，就算結果係點又如何？最多咪花多d功夫，父母責任就係要照顧子女！自己都有問題，又點照顧佢地呢？多謝醫生(emoji)(emoji)

PS. 感激睇到最尾嘅你地，我發現分享係走出抑鬱嘅一種方法，如果有同路人睇緊，記得 Think positive(emoji)(emoji)，「發展遲緩」其實唔可怕，最可怕係成家都沉左。共勉之(emoji)(emoji)