想分享一個開心信息,如果甘啱有準媽咪都系有同樣煩惱,希望可以藉此帶D正能量俾大家。
我4月尾在廣華做左Oscar檢查,做完姑娘就話BB頸皮有d厚，2.8mm，啱啱“責界”，四日後就被通知系高危,仲要系1:47,之後姑娘俾左個照結構期我，叫我20周就返去照結構，仲問我有冇自己系外面做T21之類的檢查，我話剛好尋日做左，但結果要5日後先知道，然後姑娘就話，甘你T21結果出左之後，如果系有問題先打返來俾我地，如果冇就直接系20周的時候返來照結構,當中冇講過話要抽羊水之類的.然後好煎熬地過左5日,T21結果總於出左了,一切正常,真係叫做放下心頭大石。
然後上個星期終於到左20周了,如期去返廣華做結構，姑娘好細心，一邊照一邊講解呢度系咩之類的，其中照心臟佢就用左最多時間，照完聽到佢講：心臟都幾好啊，冇咩問題！其實個下我真係流左兩滴眼淚。係照結構之前，我都有上網睇好多唔同的媽媽分享佢地嘅經驗，例如如果系頸皮厚，除了唐氏之外，可能仲同心臟有關，所以其實過完T21之後，又面臨一個好得人驚嘅照結構檢查。
無論如何，打大佬呢關我順利渡過了，如果有同樣煩惱嘅媽媽，希望你地都可以順利平安地渡過。我除左系醫院照結構，為左安心我另外仲搵左林勇行醫生照，佢都一樣好細心，雖然講野系細聲左，但當我聽唔到嘅時候我再問佢佢都有耐心答我，最尾同我講：BB幾好啊，一切都好正常！其實照結構系可以檢查到80% BB的狀況，大部分的問題都可以在照結構的時候發現。最後，姑娘仲俾埋3D同4D相我，檢查過程的記錄，都會燒錄成CD俾返我。
最後最後我想講嘅就係，情緒系好影響BB咖，唔好因為一D未確定最後原因的問題而太影響自己的心情，因為BB真係會感受到，唔好睇甘多負面的資訊，搞到自己嚇自己，只要對佢多D信心，俾多D正能量BB，佢都會好堅強甘同你一起渡過所有難關。最後祝願各位孕期中的媽媽，一切順利平安。
（以上只是本人的親身經歷同大家分享，如有不恰當的地方，歡迎提示及賜教）
發表於 
所以希望呢d分享可以帶俾大家少少安慰。我同樣等你好消息啦
返回列表
