意見反饋
義工

0-6個月 今日: 57|主題: 28029

12
跳至
查看: 5388 | 回覆: 24
剛滿月B, 日夜顛倒, 日間成日瞓, 點整都唔醒, 可以點糾正返?


大宅

國民生產總值:2421


發表於 18-7-8 21:32 |顯示全部帖子
本帖最後由 babyfung61 於 18-7-8 21:34 編輯

本來想喺之前條帖度繼續問, 但我怕有相同經驗既爸媽留意唔到我既求救問題, 所以唯有另開帖問。
詳情背景請參考:BB就快滿月, 但晚晚總有連續4-6個鐘唔瞓, 正常嗎?可以點做?
https://www.baby-kingdom.com/forum.php?mod=viewthread&tid=21644773&fromuid=2945919


奶粉B日夜顛倒, 日間成日瞓, 餵餵吓奶有時都瞓著, 有時餵完掃緊風時都可以瞓著, 點整都唔醒, 帶佢落街都唔醒, 玩佢手腳又唔醒…但一到半夜佢喊醒要食並餵奶後, 佢卻眼光光, 鬼打咁精神, 一直持續一段時間, 然後打喊怒想瞓, 但點氹都氹唔到佢瞓 (可能係我地兩公婆無一套有效既安撫方法, 唔太識氹), 一過左時, 就一直喊或扭計到下餐奶…今日仲由凌晨1:30am唔瞓直至早上7點幾8點…我開始合埋眼都覺暈, 應該係長時間欠充足睡眠有關…請有經驗朋友指教。可以點糾正返? 日間點整醒佢?


王國熱話
盧大力 VS 大力大力
有無人同家姐/細妹前世撈亂骨頭
幫囡囡請病假 比老師鬧返轉頭
估下呢個小鳳姐幾歲


男爵府

國民生產總值:6410


發表於 18-7-8 22:12 |顯示全部帖子
babyfung61 發表於 18-7-8 21:32
本來想喺之前條帖度繼續問, 但我怕有相同經驗既爸媽留意唔到我既求救問題, 所以唯有另開帖問。
詳情背景請 ...

本帖最後由 dxf920 於 18-7-8 22:19 編輯

樓主,日頭你要開曬窗簾,等陽光充滿成間屋,屋企不要太安靜,開電視睇。
bb飲奶訓左,用冷水抹面,再唔係用冰水抹面,等佢醒返繼續飲,我b果時冬天我都係用冷水超級凍抹佢面,即刻醒訓繼續飲。餵奶時佢合眼訓,你就敲樽底吵醒佢。
到了夜晚訓覺,關窗簾,不要比光線透入房,不要開燈,要完全昏暗。同時開白噪音,一定要用包被包住佢,要包住手腳包的得好實,包被係令bb好似置身於媽媽的子宮里甘有安全感的。唔好覺得熱或者bb會掙脫包被,其實包被是令bb最容易入睡的三大法寶之一。入睡時有節奏地輕拍bb屁股。大約一個星期就能糾正過來。果時我都係甘樣對付我bb,得左。


珍珠宮

國民生產總值:39628

2018勳章 BB防敏心得分享勳章


發表於 18-7-8 22:20 |顯示全部帖子

回覆樓主

日頭咪俾佢訓太多,多D同佢傾下計仔


翡翠宮

國民生產總值:85981

BB防敏心得分享勳章


發表於 18-7-9 21:58 |顯示全部帖子
回覆 dxf920 的帖子

要教返個時間,日頭訓少D,日間拉上窗簾。


大宅

國民生產總值:2421


發表於 18-7-11 22:06 |顯示全部帖子
回覆 dxf920 的帖子

多謝回覆!! 呢兩日我都係如你所建議咁做, 將屋企個日夜感覺做得明顯D, 令佢日間瞓少D。 加上由於我無一個有效令佢飲完奶就自動識瞓既方法, 所以佢有兩餐奶都幾乎係連續3-4小時無得瞓咁濟, 因此呢兩晚暫時佢都瞓得幾好, 佢無再眼光光失眠喇。我要繼續如此進行下去, 令佢徹底分清日夜。所以暫時未知成唔成功, 但至少我兩公婆呢兩晚有覺好瞓, 唔似得之前咁, 成個凌晨陪佢失眠。

另外, 真心想請教包被問題。我見好多人都suggest用包被, 但唔知係我用果塊唔OK定乜, 我個B成日都爭脫左出來, 仲要包到佢喊到成身汗! 我塊包被都唔算厚呀, 冷氣一般開23-25度, 冷氣輸出唔太穩定。而家阿B著緊長袖長身棉質衫一件+尿片。能否推薦一些合用的包被給我參考? 謝謝!!


男爵府

國民生產總值:6410


發表於 18-7-11 22:41 |顯示全部帖子
babyfung61 發表於 18-7-11 22:06
回覆 dxf920 的帖子

多謝回覆!! 呢兩日我都係如你所建議咁做, 將屋企個日夜感覺做得明顯D, 令佢日間瞓少D ...

本帖最後由 dxf920 於 18-7-11 22:46 編輯

很高興聽到你的bb睡覺有初步的進步呀。我都有個一歲多小小的b,可以話我bb都好難湊,我係一年365日,每日24小時都係我自己湊,無長老無工人,老公返工辛苦,唔使佢幫手飲奶半夜起身,所以我都自己實踐返來的經驗。由於我b太難湊,我查閱左好多專業書籍,和網上資料,到今時今日才可以搞掂我的小惡魔。
希望將我自己的小小經驗分享比你啦
滿月bb飲完奶後,距離佢醒來大約有一個小時,你就可以安排佢訓覺,連續3-4小時無訓係唔應該的。其實bb應該要訓,只不過佢不懂自行入睡,需要媽媽幫忙佢入睡。
bb為何痴實你?因為你有媽媽的味道,
就算夏天你大汗淋漓,bb都中意問到你的味道才會覺得安穩。所以當你老公抱b時大喊,你可以將有自己味道的背心或者紗巾仔貼在你老公心口,bb就唔會喊得甘犀利。
日頭飲完奶,睡前播定白噪音,然後你將佢放入包被中,小小側睡(側睡更容易入睡和拍屁股),剛開始的時候bb可能會喊抱,如果你真係唔想抱,就堅持在床上拍佢入睡,可能剛開始第一天要拍一個小時才能入睡。但日子有功,三四日後,你就可以慢慢調整佢睡覺的習慣。到時你只需拍十分鐘佢就訓著。
至於包被(圖一圖二),推薦你買這種襁褓包巾,求其什麼牌子都可以,不追求牌子幾十元都可以買到。
好掂咖,不會讓bb掙脫開。我女那時包住要包到五個月,但包住佢訓好耐,每天訓到好似豬豬甘,無包就半個鍾醒。
仲有,如果bb扭抱,你又手痛,你可以買嬰兒背巾(圖三),求其乜牌子都得,睇下二手市場有無賣。挂係心口度,bb好中意,好快訓著。



附件: 你需要登錄才可以下載或查看附件。沒有帳號?註冊


男爵府

國民生產總值:6410


發表於 18-7-11 22:42 |顯示全部帖子
babyfung61 發表於 18-7-11 22:06
回覆 dxf920 的帖子

多謝回覆!! 呢兩日我都係如你所建議咁做, 將屋企個日夜感覺做得明顯D, 令佢日間瞓少D ...

本帖最後由 dxf920 於 18-7-11 23:01 編輯

仲有,唔知你bb每餐飲幾多呢?你要肯定你bb要食得飽才會訓得好。如果飲飲下奶訓著,好快佢又會因肚餓而好快醒,如此下去,變成惡性循環。

仲有,如果用了包被,不要著長袖衫,著短袖,否則好熱訓唔到。

你要加油呀,如果唔開心記得和人分享。
相信你的bb好快乖乖啦
btw,我相信我的bb一定難湊過你的bb。哈哈。


男爵府

國民生產總值:6410


發表於 18-7-11 22:53 |顯示全部帖子
babyfung61 發表於 18-7-11 22:06
回覆 dxf920 的帖子

多謝回覆!! 呢兩日我都係如你所建議咁做, 將屋企個日夜感覺做得明顯D, 令佢日間瞓少D ...

本帖最後由 dxf920 於 18-7-11 23:06 編輯

以前我都分享過訓練自行入睡的方法,不過此方法只適合3個月以上的bb。
https://www.baby-kingdom.com/forum.php?mod=viewthread&tid=20298972

你可參考下


大宅

國民生產總值:2421


發表於 18-7-12 04:20 |顯示全部帖子
回覆 dxf920 的帖子

萬分感謝你用心的回覆,我都看到和明白了,真的謝謝你!今晚我的阿B又唔知做乜,呢個時候精神到瞓唔著,我試緊安撫佢令佢入睡,但仍覺好難上手。
我要再慢慢按你指示去做才行,遲些再上來匯報情況⋯


大宅

國民生產總值:2653


發表於 18-7-12 07:24 |顯示全部帖子

回覆樓主

用睡袋,唔好用包被,我用緊halo幾好用,一田有,包實晒就瞓得好


男爵府

國民生產總值:6410


發表於 18-7-12 10:33 |顯示全部帖子
babyfung61 發表於 18-7-12 04:20
回覆 dxf920 的帖子

萬分感謝你用心的回覆,我都看到和明白了,真的謝謝你!今晚我的阿B又唔知做乜,呢個 ...

樓主,你抱b飲奶時有無呈45℃角度∠?因為初生嬰兒胃打橫生,飲奶時太平,奶仍然流在食道和胃部之間,形成奶反流和胃酸反流,嬰兒就會唔舒服唔訓覺。你也可將床墊下擺書籍和舊衫,墊高30角度左右,會bb容易入睡。點解bb中意訓係媽媽心口,除了有媽媽味道外,主要係有高角度訓得舒服些。仲有另外一個唔肯訓的原因可能係肚脹有肚風,可幫佢提起雙腿做踩單車動作。
要逐漸找原因,然後排除它。
bb就會越來越乖


大宅

國民生產總值:2421


發表於 18-7-12 13:41 |顯示全部帖子
回覆 ambermatt 的帖子

謝謝!我見淘寶有,會去買個平平地嘅嚟試吓!


大宅

國民生產總值:2421


發表於 18-7-12 13:47 |顯示全部帖子
回覆 dxf920 的帖子

我同我先生餵法唔同,佢餵到好似阿B攤喺度咁,我話佢咁餵會令阿B好難飲,就如一個成人,瞓喺度又點飲水飲得到?佢就唔聽我講,因為見阿B飲到,又飲得舒舒服服咁⋯而我就會擺直少少阿B,等佢輕微好似坐喺度咁飲,諗住D奶可直落腸胃,無咁易嗆到。
此外,佢間唔中飲飲吓奶會喊到面紅,好忟憎發脾氣咁向後拗腰,擰嚟擰去雙手舞動。但過幾秒後,個咀又好似平時咁左右探搵野食,驚無得食咁,但食咗兩啖後又重覆想喊發忟憎⋯⋯唔明係咩原因。

有時又一路喊一路放屁,係咪表示掃唔夠風令佢唔舒服呢?


珍珠宮

國民生產總值:35628


發表於 18-7-12 23:15 |顯示全部帖子
dxf920 發表於 18-7-8 22:12
本帖最後由 dxf920 於 18-7-8 22:19 編輯

樓主,日頭你要開曬窗簾,等陽光充滿成間屋,屋企不要太安靜 ...

多謝分享!我之前都見過類似分析,要等bb知道日夜既分別,培養日夜意識


男爵府

國民生產總值:6410


發表於 18-7-13 07:42 |顯示全部帖子
babyfung61 發表於 18-7-12 13:47
回覆 dxf920 的帖子

我同我先生餵法唔同,佢餵到好似阿B攤喺度咁,我話佢咁餵會令阿B好難飲,就如一個成人 ...

係呀。可能系飲奶時飲左好多風,飲飲下你要掃風。有些bb飲一次奶要掃風兩三次。

你要同你老公解釋下平訓飲的壞處,話大家都係為bb著想為bb好


男爵府

國民生產總值:6410


發表於 18-7-13 07:43 |顯示全部帖子
RubyYu07 發表於 18-7-12 23:15
多謝分享!我之前都見過類似分析,要等bb知道日夜既分別,培養日夜意識
...

不用客氣。我都係BK學了好多知識


珍珠宮

國民生產總值:35628


發表於 18-7-13 15:54 |顯示全部帖子
dxf920 發表於 18-7-13 07:43
不用客氣。我都係BK學了好多知識

我都係跟你地學嘢新手媽咪!


大宅

國民生產總值:2421


發表於 18-7-16 23:48 |顯示全部帖子
回覆 dxf920 的帖子

明白,多謝


洋房

國民生產總值:69


發表於 18-7-17 18:45 |顯示全部帖子
dxf920 發表於 18-7-8 22:12
本帖最後由 dxf920 於 18-7-8 22:19 編輯

樓主,日頭你要開曬窗簾,等陽光充滿成間屋,屋企不要太安靜 ...

我用晒你所有方法都唔得,日頭開窗簾開電視,點叫佢都係唔醒,或者噪醒左狂喊!佢日頭只係餓時會醒,飲完奶即訓,宜家2個月大,我真係頭都痛。


男爵府

國民生產總值:6410


發表於 18-7-17 19:39 |顯示全部帖子
cvgarden 發表於 18-7-17 18:45
我用晒你所有方法都唔得,日頭開窗簾開電視,點叫佢都係唔醒,或者噪醒左狂喊!佢日頭只係餓時會醒,飲完 ...

本帖最後由 dxf920 於 18-7-17 19:45 編輯

要1-2個星期先會調整到。你用左幾多日?好似大人要調整時差都需要好幾日。需要耐心調教吧,最遲兩個禮拜就可以成功。
你的寶寶夜晚也是唔訓?
日頭,兩個月bb每次醒來1-1.5小時就會訓一次。每天日頭總數需要訓5-6個鍾。,超過這個總數就影響夜晚。如果狂訓而吵醒狂喊就安撫下,千萬不要因此氹訓。
我吵我b方法就係用夏天冰水抹面

12
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.