部分長者濫用2元乘車優惠，一向是網絡熱門話題。有巴士車長撰文稱有長者搭錯車，無法享用優惠，竟然要求車長即場「回水」，雙方最終爆發罵戰！
有自稱巴士車長投稿到Facebook專頁「西客之道 HIspitality」，稱他駕駛一條來往機場的巴士線，而該線不設長者2元乘車優惠。
豈料一名長者在觀塘法院上車後拍八達通卡，發現巴士收取半價19.5元而非2元，即時發爛：「喂，我搭車兩蚊㗎。」車長遂解釋機場巴士不設2元優惠，但長者並不接受。
該長者強調自己僅去九龍灣，車程很短。司機回覆說：「我話之你想去邊，總之你上咗我部車，就要畀錢啦。」長者即稱：「唔搭喇」，並要求車長退回車費。
車長斷言拒絕，並着長者自己致電巴士公司查詢退款安排，該乘客感到生氣：「你去死啦」；司機則道：「我成車幾十條人命，包括你囉，想一齊死？」
最終巴士駛過德福花園而未有停下，令該長者再度不滿。司機說：「落車要撳鐘。就係你呢啲兩蚊，先搞到站站停。」雙方繼續互相咒罵，直至該乘客下車為止。
誰是誰非，你又點睇呢？
發表於 
仲越老越壞
返回列表
