少年成長今日: 1|主題: 15847

收藏本版

發帖

返回列表

跳至頁

查看: 8624 | 回覆: 5

對住小朋友，有時候真係要忍，慢慢教 [複製鏈接]

girlwithanxiety

民房

積分: 26

1^#

發表於 18-7-23 01:38 |只看該作者 |倒序瀏覽 |打印

我唔係人媽媽，但我因爲自細俾爸爸成日罰趕出門口同埋一時意氣話唔要我，讀書俾好大壓力我，我考全級頭十名佢會鬧我冇考到第一。媽媽從來唔會點幫口，只會落井下石。
依啲事令我由中學開始有情緒問題，到依家連男朋友有時候嬲我鬆開我隻手我都會喊，因為會諗起爸爸甩開我趕我走。
我知道有啲人會覺得我抗逆能力有問題，但我想講人人嘅心可以承受嘅程度真係唔同。我覺得咁樣已經令我好唔開心。所以一直同父母關係都好疏，大家比較似同屋主。
正面啲嘅，好似我咁，仲會有想第日養返佢地嘅想法。但係負面嘅，真係會令大家關係好疆，個小朋友可能好憎你。
當你有一刻好憎你小朋友，好嬲好睇唔起佢，恨鐵不成鋼，好想大鬧、發脾氣嘅時候，希望你諗下有可能帶來嘅後果。你有可能令佢有陰影。
我知我唔係人母冇資格教人做父母，但係想以孩子角色講出親子關係上嘅問題。有時候你以為只係好小嘅事，其實只係因為你已經長大，有好多經歷，承受能力較高。但對於你嘅小朋友，佢地只係一張張白紙，佢地生活主要圍繞你地，唔好主動傷害佢地。