美容扮靚今日: 35|主題: 136533

收藏本版

發帖

返回列表

跳至頁

查看: 156036 | 回覆: 469

12 3 4 5...24

積分: 8773

1^#

發表於 18-7-23 10:24 |只看該作者 |倒序瀏覽 |打印

本帖最後由 MongLeung 於 18-7-23 10:32 編輯

激光美容係近呢15年最多人做嘅醫學美容療程。
我自己亦都係呢10年裏面接觸呢一種科技，再加上本身有朋友喺私家醫院做護士（負責整形外科美容），好多時都會問佢取經。
喺美容板都有五年左右？經常都有唔同嘅jm問我關於不同類型嘅激光資料。
今日終於的起心肝寫呢一個post。希望可以比大家了解多啲激光，唔好俾啲所謂顧問亂咁講，誤導。
我只會針對講唔同類型嘅激光，儀器嘅出產地，安全性和風險，而且亦都只會講我自己嘅經驗。
當中不排除會踢爆一啲大6機，美容院呃人嘅手法，為免俾有心人滅聲（大家都知幾多公司鍾意出律師信比bk啦！）
所以懇請大家唔好係呢個post提任何醫學美容、美容院、醫生名。多謝合作！

0 0 0

私人傳訊

MongLeung

男爵府

積分: 8773

2^#

發表於 18-7-23 10:24 |只看該作者

回覆樓主：

本帖最後由 MongLeung 於 18-7-23 22:11 編輯

激光去斑
相信最多人認識激光嘅，就係激光去斑。
斑大致分為雀斑（淺層），太陽斑，和荷爾蒙斑。
而處理去斑嘅可以用彩光，1064 q switch (通常啲人叫做1064laser), 仲有而家最Hit嘅pico。
彩光可以話係激光嘅前身，光譜闊但能量唔集中，所以可以叫做乜都做到啲，但又唔係專家。
1064 係波長，呢一個波長係比較適合亞洲人做laser facial。q switch 係技術（光速、能量），等於pico 都係一個技術。唔同嘅廠商都會製造1064 q switch, 1064 pico, 而佢哋亦都會幫自己嘅儀器改唔同嘅名。例如: Fotona q max, c6, c8, picosure, pico way, enlighten。
1064 q switch (通常又會叫做1064 laser facial) 嘅激光機通常會有多一個波長叫做532，主要係用嚟打結焦。
1064 laser facial 簡單來講係用熱能，打散啲斑，再由新陳代謝帶走（俗稱為掃斑）。但要做到有足夠嘅熱能，必須要用時間去喺皮膚儲熱，所以必須要重複打有斑嘅位置先會有效果。如果只係全面快打，就只會係做嫩膚嘅功能。所以基本上一定要打超過10分鐘先至可以開始做到去斑效果。

私人傳訊

MongLeung

男爵府

積分: 8773

3^#

發表於 18-7-23 10:24 |只看該作者

回覆樓主：

本帖最後由 MongLeung 於 18-7-24 09:42 編輯

通常雀斑只係用掃斑已經足夠。以前有好多醫生為咗快有效果，都會做532結焦。但隨着副作用嘅衍生（反黑）而家已經越來越少醫生會打532 結焦。
其實主要原因係因為雀斑通常係多而散，當皮膚太多位置結朝其實皮下底層亦都受損，當皮下底層發炎就有機會令到色素沉澱，此賴其中一種反黑。
但更嚴重嘅係由於熱能係皮下底層不斷加熱，從而刺激黑色素母體，亦有可能令到沉睡嘅荷爾蒙斑爆發。所以，如果有嚴重荷爾蒙斑嘅，就一定切記唔可以打全面雀斑結焦。
基本上嚴重荷爾蒙斑嘅都唔係太合適打q switch。
但如果只係有少量嘅太陽斑，打532結焦係最快嘅方法。
Pico 一樣有不同波長，1064 pico亦係比較適合亞洲人。pico原理係用撞擊去擊碎斑斑，大嘅斑會打碎做細斑，再經新陳代謝排走。由於過程產生嘅熱能只係非常之微小，所以反黑嘅風險亦會低好多。pico 一樣有機會返黑，就例如755 pico, 其實反黑嘅例子都唔少㗎！相對1064pico就會比較安全。

Pico 532結焦安唔安全？
因為pico係用撞擊力，產生熱能好少。要記住，導致反黑/反白，都係因為熱力。pico 因為快速嘅撞擊力震碎斑。所以熱力產生得好少，因為咁，佢唔會有快速嘅效果，所以pico打雀斑，原理上冇可能效果會快過1064 laser facial。

Pico嘅結焦，亦都會同1064有所不同。係會比較快甩焦同埋啲焦係似一層’溥衣‘，而唔係一粒粒硬焦

有問題歡迎你哋發問！因為我寫寫下都好似好亂咁