Hello happyvc ,未有牙嘅BB仍會用牙齦和舌頭搗碎食物,唔太影響佢食固體(手握食物)進度,媽媽可以係旁邊誇張咁示範吞嚥動作俾佢模仿架。通常1歲BB已經可以開始食大人食物,到2歲時會同大人咁進食一般食物,輪流食唔同食物吸收多元化營養, 經常改變進食方式,都可以增加BB食固體興趣架。BB幾大? 固體食得好唔好?
唔駛客氣,囡囡開始嘗試食兩餐固體好好呀 尊重佢對食物喜惡、按胃口、唔迫食,繼續增加唔同種類和質感嘅食物,例如大而軟身手握食物:番薯、薯仔、芝士粒/片、撕碎白/麥麵包、中式饅頭都OK。媽媽試下用唔同蔬菜煮熟壓成蓉,製作芡汁或濃湯,牛油果、番茄、甜椒、菠菜、青豆、蘑菇,輪流配搭唔同榖物類食物,例如: 子母粉、米通粉、麥皮等,仲可以加入少量奶或芝士(低鈉),令醬汁/濃湯更香濃幼滑。