出post係因為唔想有人同我一樣有咁慘既遭遇
我係5月7廣華生b,佢地無幫我剪下面
撕裂嚴重到陰唇甩左忽肉亦無即時幫我聯針
仲多次話我傷口無問題,我出院又入院幾次
拖左1星期先幫我傷口忽肉聯針,做左手術拆左線
傷口亦好唔返,忽肉依舊甩出黎
事隔2個幾月後,同老公行房會痛忽肉會腫,
忽肉經過行房時拉扯越來越大忽
行路有時磨到傷口忽肉都會痛
我畫左我傷口出黎
為左方便大家了解件事，我會盡量簡短d
雖然都仲係打左好多字,多謝大家耐心睇完篇文❤️
我5月7係廣華生左個b女，重3.35kg
助產士話屬於重磅BB，體型偏大
助產士話無幫我剪下面,話我下面無裂開只係入面痾損左少少,會幫我係近PP位聯一針
我當時仲心諗乜原來我下面咁有彈性
生咁大個B都唔裂開😩後來先知唔係助產士講既咁
事實上我個傷口係撕裂得超級嚴重
住院期間我同姑娘同醫生講過幾次我下面好奇怪好痛
佢地check完都話我下面無發炎無問題叫我5月9出院
出院當晚下面出現好多黃色既膿仲停左惡露
我出院後1日帶BB去母嬰健康院複診
亦都請求醫生幫我檢查傷口
醫生檢查後話我個傷口撕裂得好嚴重
肉眼可見上陰唇甩左1忽手指頭咁大既肉出黎條條fing咁😟
唔聯針傷口係唔會自行愈合
只會1直痛同發炎
佢話點解廣華會比我咁樣走
佢知道廣華既醫護人員工作繁忙
但咁嚴重既傷口唔即時幫我聯針真係好過份
話好彩我自己發現到傷口有異常叫佢cheak下
醫生係咁話我好陰公 1定好痛
跟住醫生寫左封急症信叫我入反廣華做手術
5月10號當晚就入反廣華住院
我真係好不安好掛住BB,我知坐月唔喊得
我忍唔住
果晚係咁喊😢唔知點算好
同左好多個醫護人員講我發生咩事
希望可以得到佢地既專業意見
但得到既回覆就係話我唔嚴重
話我傷口無問題，有可能忽肉會自己生反埋
又有可能一世都生唔埋，話可以做手術聯反針
但醫生話建議唔做手術等佢自己好
話做手術要全身麻醉，做完傷口會仲易發炎又未必好快d，建議我唔做手術反屋企休養
出院靜係開左止痛藥比我，我同屋企人唯有相信醫生既決定
出院後都無好d，下面傷口都係紅腫發炎痛
老公擔心我，11號帶我去仁安睇醫生
仁安個醫生話做左婦科30年都未見過好似我咁嚴重既
佢話就算唔系醫生
比普通人望下我下面都知嚴重
點解廣華咁都比我走
佢話應該一生完即刻幫我聯針先岩
醫生話佢可以幫我聯針
我亦可以選擇返廣華聯針
因為佢地做錯應該要負責反
醫生話公立醫院之間會鬥唔幫產婦剪會陰
佢地覺得剪得越少代表越自然
間醫院個名會越好
但其實唔剪會陰既話係揾著d産婦黎搞
唔剪會陰生仔下面1定爆硬
而且有機會好似我咁爆得咁深咁大獲
所以生果陣1定1定要記得叫醫生或助産士唔好客氣
剪我會陰啦
剪會陰再聯針個傷口會靚好多同無咁深架
醫生講完
開左d消毒藥水同抗生素比我
我13號晚入反廣華
14號家姐黎同主診醫生傾過我情況
主診醫生話我復原得好好
未做手術已經自己好反左7成...😑話可以唔做手術
其實我有影底我傷口,又去仁安睇左醫生,又有自己照鏡睇下個傷口,如果傷口有好過我都唔會想做手術
家姐話覺得都係想我做手術幫助傷口復原
主診醫生好快就安排我做手術
做完手術2星期後反去拆線
雖然淨係聯左三針硬線😖但拆線既時候真係好痛
我以為自己會忍唔到👼🏻雖然生bb既痛我都捱過左
拆線後幫我做手術位醫生同主診醫生望左我傷口1陣
比鏡我照,我目測傷口埋左4成左右
主診醫生話我好左9成😥話我復原能力好好
如果我望唔到個傷口
就咁聽佢講我真係會以為自己復原能力驚人
主診醫生話依家撕裂個位仲係有忽肉仔係度
雖然唔會痴反埋,依世下面都係甩左忽肉
但唔會影響行房同再生BB
功能上無問題就唔會再處理傷口既外觀
話想傷口外觀正常反要做私處整形
佢地唔建議亦唔會幫我做
之後去埋母嬰健康院做産後檢查話無問題,
可以行房可以正常游水做運動
再隔左幾星期我先同老公試下行房
第一次因為好小心,所以無我想像中咁痛
到之後正常行房就發現原來傷口忽肉行房時拉扯到會痛,之後仲會紅腫,忽肉係行房後被拉長左
行路磨到都會痛,有時坐底訓底hi到都痛
都幾影響生活同心情
我真係好想手起刀落用菜刀斬左忽肉😔
後來仲要收到廣華跟進既回信
話助產士覺得我個傷口正常無需要聯針
又話係我因爲傷口痛先話想做手術
話我再入院既時候傷口無紅腫無發炎無膿
其實我有影底下面傷口當時既情況
可以證明我當時傷口真係發炎含膿,撕裂嚴重甩左忽肉
事實上依家傷口既情況都無好過
睇完封信比我既感覺就係將責任推晒落我身上
乜香港依家醫療判斷係咁倉猝咁唔專業
不斷保護醫院利益而唔係真心幫助病人
我屋企人有個做左10幾年護士既朋友建議我唔好投訴,話即使嚴重到產婦或BB死左都唔會告得入,因為醫院背後有強大既律師團隊
但我都係寫左投訴信去醫管局
因為我唔想再有產婦經歷我既遭遇
而且我生果時醫生幫我人工穿水
穿羊水後無幾耐就feel到BB個頭出左黎
姑娘見到重推反BB個頭入去叫我唔好生住
係咁叫我忍住唔好生住
係咁推反bb個頭入去
又拍埋我大比夾住
話未準備好産房唔生得
我應該夾左bb個頭20分鐘左右
助產士先話準備好，可以生
Bb個頭可能夾得太耐,岩岩出世腫左好大舊
成個壽星公咁😪好彩後來消左腫
個頭型正常反
但bb依家右邊頭頂舊骨摸落去都係突起左
母嬰健康院醫生話4-5歲就會正常反
我陣痛連生BB用左無5個半鐘
發表於 
睇字都痛
返回列表
