吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 老婆生完好似痴左線咁

懷孕前後今日: 15|主題: 329670

收藏本版

發帖

返回列表

跳至頁

查看: 17001 | 回覆: 16

老婆生完好似痴左線咁

沙田周星馳

民房

積分: 5

發表於 18-7-29 01:34 |顯示全部帖子

老婆剛剛生完二個星期，第一胎。開頭老婆表示由外母負責照顧，冇請陪月，後來原來外母真係靠唔住，成日都唔理佢個女。現在變左日日都冇人理我老婆，醫院出來後每日食飯老婆都冇胃口，仲要食無定時，更蝗論有補品。但老婆仲要堅持每日都餵人奶，差不多一個鐘一次，每次幾個字，已嘗試叫老婆加點奶粉，因為我怕老婆頂唔住，但老婆仍堅持全人奶。其實我見到我老婆面色一日比一日蒼白，仲成日冒汗，佢以前從來唔會咁，但我同佢講，佢覺得冇問題。頭先我望我老婆，我懷疑佢直頭企唔穩咁，但仍然在餵BB。我好擔心我老婆安全，有冇咩方法救救我老婆？

私人傳訊

Conniekiki

大宅

積分: 2120

發表於 18-7-29 04:44 |顯示全部帖子

回覆樓主

我諗你嘅支持好重要。我生第一胎個陣都係咁，個陣諗住奶奶讀過陪月，可以幫手。點知生完佢話健康飲食就得，唔洗特別補。連飯都係晚餐煮多啲，第二日叮返熱個隻。
因為係第一個BB,所以對人奶都比較執著，而且做媽媽點辛苦都好，都會好想比最好嘅BB，呢個時候老公嘅支持好重要。如果你太太咁想餵人奶，係精神上，你要支持佢，唔好令佢覺得自己係到孤軍作戰，當然你都表示埋如果太辛苦，餵唔到人奶都無問題，餵唔到唔係錯，表示體諒佢。另外，係其他時間，你就盡量幫太太手，令到佢嘅工作就剩低餵奶、食飯、去廁所同最重要嘅瞓覺休息。食方面，你唔識整，就最簡單焗啲紅棗水比佢當水飲，你外母應該識煮湯啩，煮啲魚湯比太太上奶，令佢係餵奶方面，更加暢順唔洗憂無奶，增加精神負擔。
我啱啱再做媽媽一星期多，至少我先生就係好似上面咁幫我，我覺得ok，希望都幫到你

點評

JD930

發表於 18-10-8 17:27

私人傳訊

sunflowerusa

別墅

積分: 585

發表於 18-7-29 11:08 |顯示全部帖子

回覆樓主:

我生第一胎時，同你太太情况差不多。亞媽唔識坐月，99日日嚟睇 BB. 兩个亞媽又唔啱，日日黑白臉。我又堅持用人奶。你可以幫太太睇夜晚 BB 嗰場，等佢有足够睡眠。食方面，可請人幫手煮飯，下午和晚餐食同一样嘢，加熱食 OK.

另一食譜我 Keep 住:
龍眼肉，紅棗，杞子，黑糖煮圓糯米。食咗开心D，同又有營養。放雪櫃，肚餓可加熱食。

私人傳訊

kaobebe

大宅

積分: 3980

發表於 18-7-30 14:43 |顯示全部帖子

回覆樓主:

我都岩岩開刀生左，坐月好仲要，其實，你太太真係好需要休息，唔休息，d奶都上得唔好，順產同開刀，食既野唔同，我有陪月同間中有人幫手，休息都唔係好夠，因bb開始扭計，媽媽抱住佢又安心d,有冇揾專業人員教佢哺乳，頭頭餵冇咁多人奶，最好補下奶粉，bb會飽肚d,如果個個鐘餵真係好辛苦，咩都唔做得，你太太係噒已經有情緒病，有d text 可以比佢做下，有冇個女人方便同佢傾下。

私人傳訊

kksun

大宅

積分: 3680

發表於 18-7-30 16:07 |顯示全部帖子

回覆沙田周星馳的帖子

即刻請個陪月返黎, 佢1個鐘埋一次身, 即將BB食唔飽喊? 買個電奶泵俾佢, 佢而家解決唔到既野, 你幫佢諗辦法解決, 唔夠瞓同流汗係好辛苦既, 生完周身無力, 但個心好想俾人奶BB食, 泵住先, 唔肯放棄埋身既, 或者一路泵一路埋身(同時進行). 第一胎咩都唔識, 呢個時間係好迷, 第一個月需要休息多過補身, 跟本未咁快補得住, 同佢講要瞓同飲多D湯水先有奶, BB有濕片已經唔需要擔心, 唔夠濕片一定要補粉, BB唔好脫水.

私人傳訊

雞蛋公主59

大宅

積分: 2674

發表於 18-7-30 19:09 |顯示全部帖子

回覆樓主:

你拿拿臨請幾日假陪老婆，負責照顧佢既飲食同bb既清潔，去書局買本坐月天書跟住餐單做。如果你唔識煮飯，起碼都搵間茶餐廳，揀啲清淡既蒸餸，傾好每日準時送外賣比太太，至少等太太準時有飯食。
至於湯水，fb有專頁介紹上奶湯水外賣服務，幫太太order定，每日有人送湯上門。

私人傳訊

Mintxxx

大宅

積分: 4699

2024年龍年勳章

發表於 18-7-30 22:02 |顯示全部帖子

回覆樓主：

本帖最後由 Mintxxx 於 18-7-30 22:03 編輯

原來外母真係靠唔住 >>> 首先你要請假陪老婆

補品 >>> 你捨得嘅就上網搵送上門嘅坐月餐，再唔係，上網 search 坐月餐，簡簡單單自己煮，最大路嘅菜心、蒸雞、蒸排骨都可以自己試吓

老婆堅持人奶，差不多一個鐘一次，每次幾個字 >> BB 頭一個月好多都係咁樣，餵完掃完風 check 完片就喊第二餐。有咩問題搵健康院母乳姑娘，通常打去可以 book 到聽日嘅期，萬一冇人聽就行去親身約期。

老婆面色一日比一日蒼白，仲成日冒汗，佢以前從來唔會咁 >>> 中醫角度係虛，西醫就話排返之前身體多咗嘅水份

我好擔心我老婆安全 >>> 請假，同佢傾佢想你點樣幫佢

私人傳訊

mic326

大宅

積分: 1629

發表於 18-7-30 22:10 |顯示全部帖子

回覆樓主

快d請個陪月幫手，請個兼職家務助理煮飯或上網訂月子餐都得

最好每日泵定兩餐奶等你同外母可以餵樽佢休息，有時未必係bb肚餓，扭計、扭眼訓或無安全感都會喊，叫你老婆放bb喺心口慢慢輕拍pat pat安撫下

你負責開機洗bb衫烚奶樽同幫手餵奶換片，一定要勸佢多飲炒米茶同訓覺食飯，有飯落肚先有奶同有體力，最好去睇睇中醫

私人傳訊

musiccisum

子爵府

積分: 11711

發表於 18-7-31 13:44 |顯示全部帖子

沙田周星馳發表於 18-7-29 01:34
老婆剛剛生完二個星期，第一胎。開頭老婆表示由外母負責照顧，冇請陪月，後來原來外母真係靠唔住，成日都唔 ...

本帖最後由 musiccisum 於 18-7-31 13:44 編輯

即刻請個陪月
或訂月子餐

私人傳訊

PhoebeKw

大宅

積分: 1876

發表於 18-8-1 12:07 |顯示全部帖子

沙田周星馳發表於 18-7-29 01:34
老婆剛剛生完二個星期，第一胎。開頭老婆表示由外母負責照顧，冇請陪月，後來原來外母真係靠唔住，成日都唔 ...

買滴雞精比佢補住先

私人傳訊

lamlokyo

大宅

積分: 1380

發表於 18-8-1 17:13 |顯示全部帖子

沙田周星馳發表於 18-7-29 01:34
老婆剛剛生完二個星期，第一胎。開頭老婆表示由外母負責照顧，冇請陪月，後來原來外母真係靠唔住，成日都唔 ...

我上一胎都係堅持餵人奶，頭一個月幾乎無瞓過覺咁滯，心情好差，日日都喊。B好似食極都唔夠，成晚抱住密密餵，又唔想補奶粉，壓力超大，又係食唔落野，而家睇返覺得果時應該產後憂鬱。
我而家啱啱生完第二胎，本來都係打算全母乳的，頭兩日都比BB密密食無咩休息，但最後BB黃，無奈要補奶粉，發現完來補奶粉並唔係壞事，B係可以瞓得長好多，而且瞓得好安穩，果時媽媽真係可以好好休息，有一兩小時瞓下都會精神好多。BB入院時我三小時pump一次奶,出左院等上夠奶就學埋身。而家早上都埋身，晚上pump出黎daddy餵，媽咪可以多休息。
其實如果身體支持唔住，先補奶粉不是壞事，只要keep住pump，有足夠休息同食多啲嘢就會上奶，上到奶就唔會食得咁密可以多啲時間休息。
Daddy 晚上可以幫手餵奶換片，媽咪只需食瞓 pump奶，上胎因爲太堅持全母乳，我同老公都好抑鬱，今胎放鬆心情，奶粉就奶粉啦，退到黃就得，抱住呢個心情，食得瞓得奶水亦很充裕，B 第七日出院我已經夠全人奶仲可以儲冰奶。
我覺得你太太而家最需要休息，夠瞓胃口會好啲，身體亦可以快啲恢復，等身體好啲先考慮全人奶啦，坐月身體要緊。
你哋加油啊！

私人傳訊

Healthy123.

複式洋房

積分: 239

發表於 18-8-1 23:57 |顯示全部帖子

沙田周星馳發表於 18-7-29 01:34
老婆剛剛生完二個星期，第一胎。開頭老婆表示由外母負責照顧，冇請陪月，後來原來外母真係靠唔住，成日都唔理佢個女。現在變左日日都冇人理我老婆，醫院出來後每日食飯老婆都冇胃口，仲要食無定時，更蝗論有補品。但老婆仲要堅持每日都餵人奶，差不多一個鐘一次，每次幾個字，已嘗試叫老婆加點奶粉，因為我怕老婆頂唔住，但老婆仍堅持全人奶。其實我見到我老婆面色一日比一日蒼白，仲成日冒汗，佢以前從來唔會咁，但我同佢講，佢覺得冇問題。頭先我望我老婆，我懷疑佢直頭企唔穩咁，但仍然在餵BB。我好擔心我老婆安全，有冇咩方法救救我老婆？

首先，恭喜閣下成為爸爸.

請告訴太太，要有充份的休息，上奶才會上得好。
如果bb 一個鐘頭要吃一次奶，太過頻密而產婦又未能好好休息，恐怕會引起產婦 " 忟憎 " 或者憂慮從而引發產後憂鬱症.

1 . "每日食飯老婆都冇胃口" ----- 正常人睡眠不足，會無胃口，若是產婦，則更甚。所以請太太多睡些吧.

2 . " 仲要食無定時" ----- 早上準備焗飯，比較方便，焗好放燉盅，太太醒了，請她務必吃些飯，會更有氣力同精神。

3. "更蝗論有補品 " -------- 產婦補身，要視乎其體質而定，但如果你未知太太的體質，用些溫和的湯水，也可以彌補其不足.

4. " 已嘗試叫老婆加點奶粉，因為我怕老婆頂唔住，但老婆仍堅持全人奶" ----------------
母乳埋身，當然是最理想，但如果環境未能支援太多， (體力透支等問題..) 其實你可以請太太泵奶出黎，存放冰格，bb肚餓，你可以代餵 bb. 這樣，太太可以休息多小小時間。也算是全人奶。
bb肚餓，才會餵得密，bb若一天如果隔一小時吃一次，即太太根本沒有好好休息，你看看有沒有親人可以勸勸太太餵完人奶補奶粉，bb 可以睡得長時間些，太太便可以睡得多一點了。

5. " 我見到我老婆面色一日比一日蒼白，仲成日冒汗，佢以前從來唔會咁 " ------------ 有些產婦是會冒汗，為了減少黏膩不適的感覺, 請你準備些毛巾給太太，或者你一見到她又冒汗，也可以幫她抹，保持干爽舒適就是了. 最重要是不可著涼.

6 "頭先我望我老婆，我懷疑佢直頭企唔穩咁" -- 估計太太已幾天沒有睡得好，當然會有此情況。唯一是勸她乖乖回床睡， bb 交給你帶，到她醒了，再由她照顧。

7. "有冇咩方法救救我老婆?"-------- 唯一是太太肯睡覺。請一位太太信任之人照顧到bb，(而此人有足夠能力), 請其幫忙吧。
另一個方法, 請陪月. 好既陪月，檔期已到明年二月，但總有些陪月會有中間的交接空檔期, 不妨一試吧.

早上醒來，請先煲代茶，然後燉好湯水, 再做埋焗飯。之後煲定薑水比太太洗手及洗澡用. 然後清潔消毒奶瓶，之後洗bb衫

炒米茶及湯水，如果做唔切，可以要找些月子餐公司幫忙了。

薑水 , 請於清早準備好，太太洗手用的。而另一些薑水，是放入浴桶，等太太遲些洗澡時，再煲另一煲熱薑水
( 即已降溫薑水和熱薑水溝好，就可調成適溫洗澡了。)

至於bb, 請緊記，任何人抱bb 前，務必清潔雙手。

帶bb 有很多細節，未能盡錄.

希望愚見能幫得上忙。

私人傳訊

steve983

大宅

積分: 3825

發表於 18-9-27 13:24 |顯示全部帖子

我本來打算奶粉完全無準備出院開始人奶加奶粉而家全人奶你只需要魚湯雙電pump 搞掂輕鬆d啦我同老公細個都無人奶健健康康就得

私人傳訊

eddaddy

複式洋房

積分: 155

發表於 18-10-4 12:50 |顯示全部帖子

回覆樓主:

1. 堅持全人奶，係咪政府醫院生被故娘誤導？
我有朋友都係咁，結果BB兩週後仲輕過出世時，健康院以為佢虐兒。
另外，媽媽會壓力好大，會影響健康。
建議可以泵奶入奶樽餵，可慳時間爭取休息。

2. 食和照顧，要搵多個人幫手，睇下搵唔搵到陪月即時幫手，至少可幫到食飯，餵奶方法，調理身體…

3. 可以的話請幾日假陪佢，你喺佢身邊好重要