心聲留言

跳至

首頁

尾頁
   3


珍珠宮

積分: 30227

2021勳章


發表於 18-8-2 22:07 |顯示全部帖子
coola 發表於 18-8-2 21:15
你無可能改變佢地,你只可以唔聽佢地電話,否則沒完沒了

如果可以,我直頭想斷絕關係啦!但鬼叫自己父母咩,唯有頂硬上。如果我唔理,一個80,一個70,唔通由得佢地等死咩,我做唔出呀!


珍珠宮

積分: 30227

2021勳章


發表於 18-8-2 22:19 |顯示全部帖子
Nancy20090615 發表於 18-8-2 21:57
咁真係好煩, 沒完沒了到幾時? 真係好憎尼 d 人, 父母都7,80, 都無安寧日子過, 又好憎尼 d 父母, 慈母多敗 ...

你講中哂,慈母多敗兒,根本冇安寧日子過,任何時候都驚收到財仔電話,財仔上門。試過報警都冇用。真係沒辦法。佢就一走了之,等到幫佢還咗錢,就會出現!次次都話你地要佢死,佢死咗就冇人同我爸擔幡買水

其實我已經冇理個衰仔幾年,今次我話明當佢死咗,如果有人打比我叫收屍,我就直接火葬後撤花園。我爸話我絕,我話係咪要比佢害我家破人亡,陪葬,先安樂。我話你都80,又癌症,都嗰頭近,但我對女得1x 歲,你兩老有冇諗過我?我媽最叻就喊

有時見到兩老,火都黎,粗口都講多幾句


別墅

積分: 969


發表於 18-8-3 01:00 |顯示全部帖子
FennieMan 發表於 18-7-31 21:50
我細佬賭到比財仔上門,佢自己5年前已經破產,之前不停用不同藉口問兩老要錢,我亦幫佢還(因我父母一哭二 ...

我有個親戚有相同煩惱,他有咁做但不知幫不幫到你:
《大目標是父母不有錢過手》
1)叫樓下相熟餐廳老闆每日外賣到屋企月結;
2)水電煤改自己名,轉地址+自動過戶;
3)放應急錢在個相熟的朋友度、父母睇醫生(政府)收到信後先俾錢。。
大約咁上下,父母無錢就不會俾咗d無關係的人。


珊瑚宮

積分: 109603

2021勳章


發表於 18-8-3 07:35 |顯示全部帖子
回覆 FennieMan 的帖子

見到尼d火都黎,好地地做人5得ge, 係都要害人害物,我屋企有个類似,破左产又成'日问佢媽攞錢,第時都5知点死。


大宅

積分: 1516

開心吸收勳章


發表於 18-8-7 01:30 |顯示全部帖子

回覆樓主

我老公個亞哥都係咁,又唔番工又要賭錢又要爭財仔,屋企成日收到財仔信又有人上門。奶奶成日叫我地幫佢還,佢個仔好慘,好彩我老公企得女硬,一定唔幫,叫我奶奶用自己啲家用幫。佢就一哭二鬧三上吊。 奶奶走左之後條友居然偷哂我奶奶留低既遺物去押,比我發現左,佢居然掉低幾張押票就離家出走左,搞場大龍鳳先贖得番。 佢咁樣又搞到我姑奶精神病發,失控洗哂自己啲積蓄。病好之後,就做伸手黨要我地比錢佢過活。對住佢地真係人都癲。
故事仲未完。早排亞哥個前妻又賭錢爭人幾十萬要破產,佢扮傻學我姑奶啲行為扮自己有精神病要入院,其實係想避債。佢入左院就好啊冇人搵到佢,佢最衰係比哂我地啲電話財仔,成家係咁比財仔日日打百幾個電話騷擾。
我姑奶精神病發個時我同我老公都好崩潰,要照顧佢係真係好辛苦同身心俱疲。
我唔明白點解佢成日唔還錢都繼續有人借錢比佢地呢啲人。而家佢亞哥同前妻啲信我會寫查無此人直接掟番落郵筒。
點解呢啲人就永遠長命百歲,遺害人間⋯


用戶要求終止服務

積分: 346556

HiPP勳章(2) HiPP勳章(1) 2018父親節勳章 2018母親節勳章 2018復活節勳章 畀面勳章 開心吸收勳章


發表於 18-8-7 04:58 |顯示全部帖子

回覆樓主



珍珠宮

積分: 30227

2021勳章


發表於 18-8-7 11:18 |顯示全部帖子
kerorocookies 發表於 18-8-7 01:30
我老公個亞哥都係咁,又唔番工又要賭錢又要爭財仔,屋企成日收到財仔信又有人上門。奶奶成日叫我地幫佢還, ...

只可說,大家都家門不幸!有個甘嘅兄弟,明明係佢自己錯,但做兄弟姊妹就要幫,幫完仲一大堆麻煩跟尾,先克人憎。


男爵府

積分: 5395

2021勳章


發表於 18-8-8 00:11 |顯示全部帖子
KTKTKT5 發表於 18-8-1 09:45
賭仔係縱出嚟嘅, 慈母多敗兒, 越救佢越害佢! 財仔見佢有錢還, 只會越批越大金額, 無錢還才唔批佢, 叫佢去 ...

家用仲過數,比我會交水電租,買日常用品,以後都唔會有錢銀過佢地手。如果佢地話你不孝,你可以一句同佢地講,你現在係照顧緊佢地,走咗路果個先係不孝。


瑪瑙宮

積分: 126762

2021勳章 好媽媽勳章 醒目開學勳章 環保接龍勳章


發表於 18-8-8 01:04 |顯示全部帖子

回覆樓主:

本帖最後由 我愛Corina 於 18-8-7 17:05 編輯

幫佢地埋裝修張單,之後唔會再比錢佢地(親自過數比裝修佬)

佢兩老一個月都拎到幾千蚊,慳慳地都應夠洗,你幫佢地交租同雜費當家用。

什麼街數,財仔,一定唔好再幫佢還。

如果你父母話你絕,你就絕比佢地睇啦,你女仲細,你地搵錢都辛苦,唔會比人浪費。


珍珠宮

積分: 30227

2021勳章


發表於 18-8-8 11:24 |顯示全部帖子
ilovecafe 發表於 18-8-8 00:11
家用仲過數,比我會交水電租,買日常用品,以後都唔會有錢銀過佢地手。如果佢地話你不孝,你可以一句同佢 ...

我今早同我媽講,我會幇佢地交水電租,日用品,唔會再比現全過手。佢問點解,我話費事你比錢個衰仔,佢一句唔方便,下一句甘麻煩。我話你自己知自己事,我冇多餘錢比你個仔。
我媽話佢要諗下先,我話唔使諗,我一定係甘做,否則唔再比家用


男爵府

積分: 5395

2021勳章


發表於 18-8-8 11:29 |顯示全部帖子
FennieMan 發表於 18-8-8 11:24
我今早同我媽講,我會幇佢地交水電租,日用品,唔會再比現全過手。佢問點解,我話費事你比錢個衰仔,佢一 ...

真係唔可以比佢唸,比佢有機會再出手,真係人都癲


珍珠宮

積分: 30227

2021勳章


發表於 18-8-8 11:31 |顯示全部帖子
我愛Corina 發表於 18-8-8 01:04
幫佢地埋裝修張單,之後唔會再比錢佢地(親自過數比裝修佬)

佢兩老一個月都拎到幾千蚊,慳慳地都應夠洗, ...

我早幾日已經叫我媽比裝修佬個聯絡我,到今日仲未有。我今早同我媽講,你再晤比我,就自己攪掂筆裝修費。
佢兩老加埋,每月有6千幾生果金,再加上我嘅家用,根本就好夠使,當然佢地要貼個仔,就多多都唔夠。
我呢幾日一見來電係我媽,我已經好燥,好想直接cut 線,覺得好煩。我就黎比佢地攪到我痴缐


大宅

積分: 4409

2018復活節勳章 開心吸收勳章


發表於 18-8-8 18:16 |顯示全部帖子

回覆樓主

我屋企都係有個廢柴,又係唔死就成日累人累物,成日問屋企人拎錢,成日欠債
屋企人成日都幫,睇見都煩


複式洋房

積分: 287


發表於 18-8-8 20:03 |顯示全部帖子

回覆樓主:

三年前用家破人亡形容我最貼切過
我细佬同樣左借右借,借完輸晒爆煲,啲電話就好似倒水甘打黎,亞媽我一日收唔少,我直情多到邊個打邊個都唔知,一咪叫你同佢找數,報哂警都無用,差人都話欠債還錢天經地義,班古惑仔都唔怕差佬,叫你有咩事即刻報警
嗰個無賴,如果人地唔知真係以為我全家欠佢,講埋啲不知所謂道理,有事即刻走佬
我當年,還哂佢啲數,每個財務打去,如果,你再借俾佢我唔會找數,叫佢地同同行講入黑名單,登哂報紙脱離關係,水电煤換哂地址,因為佢就係偷住址證明借錢,公屋除佢名,要斷佢啲後路,從此大家問聞,唔好俾佢知你住邊,手提電話幾多号。


複式洋房

積分: 287


發表於 18-8-8 20:04 |顯示全部帖子

回覆樓主:

因為,佢知道你幫佢清左條數,佢一定扮哂衰仔向亞媽埋手。講到自己出面幾慘幾可憐,俾多次機會佢做好人,我亞媽就因為心軟喊哂口,叫我地俾多次机會佢,佢一返嚟就好似大爺甘,一話佢就發癫,我老豆就係俾佢激到自殺,所以我好憎恨佢。


珍珠宮

積分: 30227

2021勳章


發表於 18-8-8 22:49 |顯示全部帖子
YUK774 發表於 18-8-8 20:03
三年前用家破人亡形容我最貼切過
我细佬同樣左借右借,借完輸晒爆煲,啲電話就好似倒水甘打黎,亞媽我一 ...

報警都冇用,我幫佢還完,都有同財仔講,如果你地再借比佢,我唔會再找數,個個都話‘得喇’。係有一個同我講,小姐你咪甘天真,有人上門借錢,我地理得佢邊個還,佢哋打開門做生意,唔係做善堂。你管掂你屋企人先啦!
公屋我父母唔肯除佢名,話唔可以比個仔瞓街。話如果除佢名,即係趕個仔走,個仔咪去賭,我話而家唔去咩?賭完返屋企避,攪唔掂就一走了之


珍珠宮

積分: 30227

2021勳章


發表於 18-8-8 22:57 |顯示全部帖子
YUK774 發表於 18-8-8 20:04
因為,佢知道你幫佢清左條數,佢一定扮哂衰仔向亞媽埋手。講到自己出面幾慘幾可憐,俾多次機會佢做好人,我 ...

係一模一樣,次次都話等收數佬斬死佢,等死父母冇仔送終。我父母就一定心軟。我話甘易斬死佢?唔想收番筆錢,最多咪打獲勁。

返到黎,一唔合心意,就發我父母脾氣,話佢兩老冇本事做咩生佢出黎,話次次問我攞錢都好似‘乞’甘。大佬,我欠你架,比錢你去賭,都痴缐。


複式洋房

積分: 287


發表於 18-8-8 23:19 |顯示全部帖子

回覆樓主:

嗰陣時我都唔想返我阿媽度,次次見到阿媽電話都心驚膽跳,唔係淋紅油就家嘈屋閉,我仲要幫兩老裝閉路喺門口,同老公講,佢都話点幫,自己有頭家,唔顧大都顧细,無理由3O幾歲人仲要顧你。
所以,從我老豆死後,我無過問過佢啲野,我憎死佢,因為,我同我老公講,死嗰個係應該係佢。佢一世都還唔到俾我
我阿媽從老豆走後,佢終於清醒,但代價太大,當初你一心護佢,到頭來你擁有咩,係零
所以,我阿媽以家唔理佢,公屋你可以住,但無你名,租我唔交,你交,你唔交自己出去住,我交俾房暑。


複式洋房

積分: 287


發表於 18-8-8 23:27 |顯示全部帖子
FennieMan 發表於 18-8-8 22:57
係一模一樣,次次都話等收數佬斬死佢,等死父母冇仔送終。我父母就一定心軟。我話甘易斬死佢?唔想收番筆 ...

唔送咪唔送囉,生時都唔孝順,到死你哭憤都無用,做俾邊個睇,做人父母心軟我都好明
你可以同佢地講,我啲錢有血有汗,唔係印出黎,孝順你地照顧你地天經地義
如果,你地要死攬住佢,甘我唔會理你地,生活費照俾,其他一毫子都唔會攞出黎


複式洋房

積分: 329


發表於 18-8-22 19:25 |顯示全部帖子
FennieMan 發表於 18-7-31 21:50
我細佬賭到比財仔上門,佢自己5年前已經破產,之前不停用不同藉口問兩老要錢,我亦幫佢還(因我父母一哭二 ...

叫佢去戒賭啦,直接交比社工處理
http://evencentre.tungwahcsd.org/



首頁

尾頁

跳至