在職全職

跳至

首頁

尾頁
   5


複式洋房

積分: 418


發表於 18-8-1 11:56 |顯示全部帖子
屋企有工人同婆婆幫手湊,但當然唔及自己湊咁好,月入差不多三萬,唔返工亞仔冇哂extra既享受,老公亦唔算支持。但係有邊個媽媽唔想日日對住自己小朋友丫,好想多d時間陪佢成長


伯爵府

積分: 19137


發表於 18-8-1 22:05 |顯示全部帖子
babykie 發表於 18-8-1 11:56
屋企有工人同婆婆幫手湊,但當然唔及自己湊咁好,月入差不多三萬,唔返工亞仔冇哂extra既享受,老公亦唔算 ...

我都係全職媽媽,有時好想出返黎返工,你老公唔同,如果係決定做全職嘅情況下,你老公可能會有好多唔好嘅話你聽


大宅

積分: 3339


發表於 18-8-4 16:40 |顯示全部帖子

回覆樓主

如果媽媽懂得理財
睇下有冇增加被動收入既機會幫補下
咁去做全職媽媽會開心好多。
難聽講 衣家生活樣樣都係錢,
個仔唔同你計,呀媽唔同你計 老公都唔計,但社會會同你計。


子爵府

積分: 10093

MommyPanel勳章


發表於 18-8-6 22:10 |顯示全部帖子

回覆樓主

老公都唔支持就唔好啦,一個家庭少左3萬收入,除非你老公搵10幾廿萬,唔差你果3萬收入....好現實的選擇


男爵府

積分: 6503

BK Milk勳章


發表於 18-8-7 08:53 |顯示全部帖子
我搵得多過你,老公搵錢夠家庭開支,但要慳少少,老公完全支持。我而家心態調整期,等自己完全知道唔會後悔同埋唔會埋怨先辭。

我同老公既觀點係無左3萬對個家庭影響唔大,只係唔可以再亂花錢.見乜買乜,但係仔女有個全職媽媽去照顧,對佢心靈成長好大幫助的,自己湊既小朋友同比工人/長輩湊既係唔同,唔係一定唔好,但一定無自己對佢咁好。
我相信肯為子女放棄份工既媽媽,必定係好愛佢地先願咁做。如果你係因份工唔開心想避番去做全職呢,咁我就唔同意。你要清楚自己個心點諗先。

為子女,又唔影響到家庭經濟的話,當然係辭職,『錢可以再搵,可能搵得唔多,但一定搵得到。時間一去就不回頭,到幾年後再希望時光倒流,再後悔都無用。』人既成長只有一次,雖然話人有幾十歲甚至過百歲命,但係其實都只係好短暫而且可以脆弱,珍惜可以對子女、家庭、父母,甚至朋友可以付出既時間,因為無人知幾時再無時間。

我相信大家都有聽過或者經歷過身邊有人明明好健康咁,但突然話患癌;又或者搵錢搵到好成功,但家庭已經破碎。當然事業家庭身體同心靈都好好既都大有人在,但大前提係,你自己係咪一個咁既人?

Give and Take 一個好簡單既道理,『番工搵到既係錢同好D既生活。全職湊仔女搵到既係錢買唔番既回憶。』
但你辭職前要好好整理個心態,預左將來搵工搵錢會難左同少左,同埋唔可以再諗"如果我當初無辭職,而家可能幾多幾多十萬一年"都唔可以埋怨子女話"我係為左你而去辭工"

辭職永遠都唔係因為子女,因為決定係你自己做的,要為自己做既決定而負責任,絕對絕對絕對不能話為左子女先咁,因為我地覺得自己偉大去犧牲工作既時候,其實我地都係有私心,想去製造美好回憶比自己。


最後就係同老公要有共識,好好去分析比佢聽點解要咁做,因為始終財經重擔會落左佢度。我老公一向都支持我,但我依然係每個月都不停去問佢到底係唔係真的無壓力,可以應付到?我甚至乎每月要求比佢D錢我,等我知道佢要支出多一筆(平時我要支出既錢)佢係咪真係心甘情願同有能力做到。半年都可以比到,咁我就安心去辭。當係一個壓力測試,對佢對你都好。


男爵府

積分: 8397


發表於 18-8-12 00:39 |顯示全部帖子
lammi2012 發表於 18-8-7 08:53
我搵得多過你,老公搵錢夠家庭開支,但要慳少少,老公完全支持。我而家心態調整期,等自己完全知道唔會後悔 ...

你寫中晒媽媽心聲呀!你小朋友幾大呀?我同你一樣調整緊心態, 但仲未落到手, 我每一日都好似天使魔鬼係度糾纏, 我辭職後會好無安全感, 前路茫茫咁,但又好知道呢一刻小朋友好需要我 每日都掙扎中。。。


男爵府

積分: 6503

BK Milk勳章


發表於 18-8-13 15:32 |顯示全部帖子
hilaryashley 發表於 18-8-12 00:39
你寫中晒媽媽心聲呀!你小朋友幾大呀?我同你一樣調整緊心態, 但仲未落到手, 我每一日都好似天使魔鬼係度 ...

6歲同4歲呀⋯⋯
我都好無安全感架,但係當不停猶豫,時間不停咁過,到時已經太遲。所以同老公傾好,做埋壓力測試就唔好再想太多。心動不如行動!


大宅

積分: 1593


發表於 18-8-14 18:34 |顯示全部帖子
hilaryashley 發表於 18-8-12 00:39
你寫中晒媽媽心聲呀!你小朋友幾大呀?我同你一樣調整緊心態, 但仲未落到手, 我每一日都好似天使魔鬼係度 ...


我都一樣係爭扎中... 我老公揾得ok, 如果我做左ftm,我地生活水平可以維持,老公亦會支持。但我成日驚做左ftm會覺得失落空虛咁,驚會同社會/朋友/老公脫節,驚會有一日覺得生活好枯躁乏味... 所以諗左幾個月都未有決定。


男爵府

積分: 8397


發表於 18-8-14 23:54 |顯示全部帖子
a_c2612 發表於 18-8-14 18:34
我都一樣係爭扎中... 我老公揾得ok, 如果我做左ftm,我地生活水平可以維持,老公亦會支持。但我成日驚做 ...

你有無俾deadline自己呀?我打算開學前就要決定, 但其實都要一個月通知, 所以都會miss左開學0個半個月 唉, 好難諗呀


男爵府

積分: 8397


發表於 18-8-14 23:59 |顯示全部帖子
lammi2012 發表於 18-8-13 15:32
6歲同4歲呀⋯⋯
我都好無安全感架,但係當不停猶豫,時間不停咁過,到時已經太遲。所以同老公傾好,做埋壓 ...

我小朋友都係4歲, 反而初生我無咁大決心辭職, 反而佢而家返緊學, 就覺得好需要媽咪管教同陪伴, 朋友家人都話我而家先辭,辭黎做乜,好似無人明白我咁

但我真係好好好怕辭職後會迷失自己, 懷疑自我價值, 定係我地諗多左


大宅

積分: 1593


發表於 18-8-15 08:23 |顯示全部帖子
hilaryashley 發表於 18-8-14 23:54
你有無俾deadline自己呀?我打算開學前就要決定, 但其實都要一個月通知, 所以都會miss左開學0個半個月 :th ...

未set deadline呀. 我bb 7個月到嘅所以仲有得諗下先. 熟識我嘅朋友就覺得我唔適合做ftm因為覺得我唔會鍾意24小時對住bb. 我都有d怕會迷失自己咁.

我傾向試下ftm先. 如果過幾個月真係發覺好唔鍾意就揾返工.


男爵府

積分: 8625


發表於 18-8-15 08:50 |顯示全部帖子
manki1610 發表於 18-8-4 16:40
如果媽媽懂得理財
睇下有冇增加被動收入既機會幫補下
咁去做全職媽媽會開心好多。

真係好現實,係社會會同你計


男爵府

積分: 8625


發表於 18-8-15 08:52 |顯示全部帖子
lammi2012 發表於 18-8-7 08:53
我搵得多過你,老公搵錢夠家庭開支,但要慳少少,老公完全支持。我而家心態調整期,等自己完全知道唔會後悔 ...

好岩,唔好以為係為子女犧牲事發之後就怨天怨地,自己好偉大, 我真係好怕e d媽媽


大宅

積分: 2230


發表於 18-8-15 09:44 |顯示全部帖子
babykie 發表於 18-8-1 11:56
屋企有工人同婆婆幫手湊,但當然唔及自己湊咁好,月入差不多三萬,唔返工亞仔冇哂extra既享受,老公亦唔算 ...

我同你一樣,有工人同婆婆湊,阿囡三歲,老公搵得ok,有時都想做FTM湊囡,但人工高,放工準時,實在唔捨得辭,而且希望俾更優質既生活俾個囡,或者第時供佢去第二度讀書,所以都係決定做Working mum. 放工同私下就全部時間陪囡,同婆婆夾翻管教方向,so far 都ok. 所以唔一定FTM先最好,要揀適合自己。


大宅

積分: 1133


發表於 18-8-15 12:10 |顯示全部帖子
babykie 發表於 18-8-1 11:56
屋企有工人同婆婆幫手湊,但當然唔及自己湊咁好,月入差不多三萬,唔返工亞仔冇哂extra既享受,老公亦唔算 ...

一樣!
小朋友2歲,開始trouble two, 平時工人姐姐湊,湊得好好,好錫佢,但開始trouble two 好想自己教自己陪佢成長,但係我人工唔少,工人姐姐又ok, 屋企人會覺得無理由唔反工去湊小朋友。老公就覺得無所謂,但唔係全力支持哥種。

如果做ftm
1.我驚我自己會無耐性, 而家有時小朋友發脾氣我都可以忍住唔發顛,但如果到時對住全日我驚我會好mung
2.我唔肯定咁樣對小朋友係咪最好,因佢而家好癡我,我驚我對住佢全日佢更難獨立

好苦惱啊!


大宅

積分: 1593


發表於 18-8-15 13:52 |顯示全部帖子
Damui 發表於 18-8-15 09:44
我同你一樣,有工人同婆婆湊,阿囡三歲,老公搵得ok,有時都想做FTM湊囡,但人工高,放工準時,實在唔捨得 ...

我可唔可以問下人工大約幾多?

我放工都算準時,但返到屋企都7點過後了,bb 8點幾就瞓覺。我覺得無咩時間陪佢咁。


大宅

積分: 2230


發表於 18-8-15 14:24 |顯示全部帖子
a_c2612 發表於 18-8-15 13:52
我可唔可以問下人工大約幾多?

我放工都算準時,但返到屋企都7點過後了,bb 8點幾就瞓覺。我覺得無咩時間 ...

我人工差唔多6K,又穏定。公司近屋企,而家六點半左右返到屋企,阿囡八點半瞓,所以仲有兩個鐘陪佢。另外我會爭取機會同阿囡相處,朝早會同佢食早餐,星期六日會同阿囡出街,我返到屋企完全唔掂電話架,同阿囡玩同傾計。私人嘢留番阿囡瞓左覺先做 。我唔算虎媽,唔係話要留好多錢去學乜,只係希望阿囡第曰可以多啲選擇,佢想學既盡量俾佢試,中學唔得,都希望日後大學或之後可以送阿囡去外國讀書同發展。我覺得小朋友需要有質素既陪伴,管教要同湊佢照顧者一致,所以暫時我都選擇做working mum. 當然工作上我唔係aggressive嗰種,阿囡有重要嘢一定請假。


大宅

積分: 1593


發表於 18-8-15 17:18 |顯示全部帖子
Damui 發表於 18-8-15 14:24
我人工差唔多6K,又穏定。公司近屋企,而家六點半左右返到屋企,阿囡八點半瞓,所以仲有兩個鐘陪佢。另外 ...

我收入同你差不多. 以前都係六點半到返到家企。宜家搬左後七點半先返到屋企 :( 得返一個鐘陪佢。
有婆婆湊佢不過唔係一至五全日。
唔知只有星期六日陪佢玩夠唔夠


複式洋房

積分: 307


發表於 18-8-16 09:52 |顯示全部帖子
hilaryashley 發表於 18-8-14 23:59
我小朋友都係4歲, 反而初生我無咁大決心辭職, 反而佢而家返緊學, 就覺得好需要媽咪管教同陪伴, 朋友家人都 ...

我小朋友都係4歲半,下年升小一,有個初生剛出世,我都想辭職,搵份part time, 可以多d時間照顧佢地,我唔怕會迷失自己呀,因為我既自我價值唔係係工作得番來,我只係矛盾於唔捨得我份人工咋....(係公司做左好多年,做緊m, 搵緊5,6萬一個月...)好唔捨得份人工....


伯爵府

積分: 15227


發表於 18-8-16 12:52 |顯示全部帖子
lammi2012 發表於 18-8-7 08:53
我搵得多過你,老公搵錢夠家庭開支,但要慳少少,老公完全支持。我而家心態調整期,等自己完全知道唔會後悔 ...

本帖最後由 heily123 於 18-8-16 12:54 編輯

開心喺失意時見到你留言,我這三年來每日都十分掙扎,每日返工都好唔開心,只係想陪住小孩,開頭以為第一份工性質大壓力,後來轉左份無咁大壓力性質又近屋企既工,結果掛念佢既思緒不變,而家又令我再考慮是否要轉半職。我份人工唔高,只係一萬中,老公三萬中但有1/3要養佢父母,每月開支僅僅好,兩年可以去一次旅遊。這三年來好似只係去左返工,錯過好多陪伴佢既時間,每個星期日下午我又有種星期一要返工既低落,老公絕不同意我轉半職,因為而家各樣開支都是剛剛好,真的不知點決擇。


首頁

尾頁

跳至