Hi RonYing , 初生BB仍處於適應新環境階段,媽媽抱住時佢可以緊貼住媽媽身體,聞到媽媽嘅氣味,聽到媽媽心跳聲/聲音會更有安全感,佢鍾意媽媽抱住瞓都好自然架! 蓋住/包實(未足1個月)有您氣味嘅大毛巾/BB被,發覺佢有睡意時保持住BB貼住媽媽身體姿勢,慢慢放低落床打側少少,再用唱歌/拍背/按摩方法安撫BB情緒等佢自然入睡,瞓林左媽媽先慢慢放開呀。一般到滿月後BB日頭瞓覺時間會逐漸減少,唔瞓時媽媽多D同BB 唱歌、說話、玩遊戲,tummy time,可促進BB大腦細胞發育之餘,對睡眠質素都有幫助架。