跳至
[美國] 後悔移民  

首頁
12345...27

尾頁
   40


超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-3 05:44 |顯示全部帖子

回覆樓主:

幾個月真係睇唔到d咩喎,如果冇得返轉頭的話,既來知,則安之,要揾好多錢真係留喺香港好d, 美國呢度只係生活安定,要賺大錢有d難,諗下自己當初點解要移民,而家移咗民,達唔達到當初想要嘅?仔女開心,唔會有返工冇放工已比上不足,比下有餘。

慢慢住落睇多兩三年先講後唔後悔。
花旗太太生活在花旗國,留意時差,你問我未必即時答到。


公爵府

積分: 26911

2019新春慶豚圓 2019勳章


發表於 18-9-3 08:35 |顯示全部帖子
iriswy 發表於 18-8-30 14:43
移民美國幾個月了,很後悔,雖然1⃣️到步已經找到工作,但賺既錢只夠吃飯,交租,對將來很迷惘,當初是因 ...

後悔的原因係當初冇做 due diligence,來到發現現實同當初想像有落差而後悔?還是來到之後,實際情況有變,同當初決定移民時不同,因而後悔?還是根本移民本身就不是你意願,因為種種原因,明知不可為而勉力為之,現在後悔?


男爵府

積分: 6266

2019新春慶豚圓 2019勳章


發表於 18-9-4 01:39 |顯示全部帖子
mugtaitai 發表於 18-9-3 08:35
後悔的原因係當初冇做 due diligence,來到發現現實同當初想像有落差而後悔?還是來到之後,實際情況有變 ...

點解係咁問我?預期同現實總有出入,這點我明白的,萬事起頭難,所以感到好辛苦,氣餒


別墅

積分: 600


發表於 18-9-4 01:52 |顯示全部帖子
回覆 rose-mag 的帖子




超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-4 02:34 |顯示全部帖子
iriswy 發表於 18-9-3 09:39
點解係咁問我?預期同現實總有出入,這點我明白的,萬事起頭難,所以感到好辛苦,氣餒
...

JM咁問係想知你係因為邊個原因而有後悔呢個感覺,冇指責成份。我移民之前都好迷茫,因為香港有份好工,賺錢多,生活安定,但就冇咗最重要嘅生活時間。決定移民想咗好多,亦有心理準備,過到嚟我有家人有男朋友(而家老公),搵咗好耐都搵唔到工,我仲要香港做嘅算專業,但過到嚟做唔番,以前工搵我,過到嚟想做低兩個位都搵唔到,最後調整下心態,調整下期望,開始學習點樣喺呢度生活,你而家唔駛鍾意呢度架,慢慢習慣架咋,住耐咗,你自己融入到習慣到就會慢慢發現呢度嘅好處,最緊要係減少將美國同香港比較,否則走又唔係,唔走又唔係,咁樣仲痛苦。

當好似返份新工咁,總要時間去適應摸索,只不過要適應嘅範圍大D難D,要長D時間咁囉。
花旗太太生活在花旗國,留意時差,你問我未必即時答到。


公爵府

積分: 26911

2019新春慶豚圓 2019勳章


發表於 18-9-4 11:02 |顯示全部帖子
iriswy 發表於 18-9-4 01:39
點解係咁問我?預期同現實總有出入,這點我明白的,萬事起頭難,所以感到好辛苦,氣餒
...


如上面玫瑰版主所講,我並冇指責嘅意思,如果語氣唔好,令你誤會,我在此致歉

我係見你講得好 bitter,樣樣嘢都不如意,想知道原因。如果係被逼嘅,唔鍾意,即刻走,唔好遲疑,怕你再落去會鬱出病來。如果係因為一個理由移民過來嘅,而呢個理由仍然在,只係同預期有落差,咁衡量一下呢個落差會唔會有一日收窄甚至消失?如果會,咁咬咬牙堅持一下,希望在明天;如果預期呢個落差會一直存在,咁問下自己是否接受,如不,有退路嘅就返去啦,冇話邊度住一定好,適合自己最重要,無需比自己太大壓力


男爵府

積分: 6266

2019新春慶豚圓 2019勳章


發表於 18-9-4 11:39 |顯示全部帖子
mugtaitai 發表於 18-9-4 11:02
如上面玫瑰版主所講,我並冇指責嘅意思,如果語氣唔好,令你誤會,我在此致歉

我係見你講得好 bitter, ...

謝謝你,可能我心情不好,唔好意思呀;當初移民不是被逼,是為左小朋友既將來,但這些不是1⃣️時3⃣️刻可見到,亦未知的是否可見到。無論如何,多謝大家既支持,鼓勵


公爵府

積分: 26911

2019新春慶豚圓 2019勳章


發表於 18-9-4 12:36 |顯示全部帖子
本帖最後由 mugtaitai 於 18-9-4 12:38 編輯
iriswy 發表於 18-9-4 11:39
謝謝你,可能我心情不好,唔好意思呀;當初移民不是被逼,是為左小朋友既將來,但這些不是1⃣️時3⃣️刻 ...

多數移民都係為小朋友,包括我自己,我相信呢個決定係啱嘅,呢個 post 上面有 jm 話唔同意,覺得呢度學校嘅程度低幾個 level,我相信係低年班嘅情況,正如香港嘅國際學校,條 learning curve 係 exponential 上嘅,小學以至初中嘅課程都輕鬆,的確唔及 local schools,但打好根基,同埋最重要保持小朋友學習嘅興趣,一到高中就來料了,IB 絕對唔會比 DSE 輕鬆,國際學校嘅畢業生一樣入世界頂尖嘅大學,可見並唔係一定要自細就 “谷”,呢度嘅學校都係一樣情況,你睇世界頂尖嘅大學,頭 50 名裡面,美國嘅佔多數,就知道呢度嘅教育制度有佢優勝嘅地方

而將來,老實講,我真係唔肯定香港是否仲適合我哋嘅小朋友。回歸 20 年,香港已經越來越中國化,再過 20 年,香港嘅獨特性仲存唔存在呢?如不,咁香港就同中國任何一個城市冇分別,如果你今日唔願意住喺中國,將來是否一樣唔願意住喺香港呢?而且當香港全面同中國融合,我哋嘅仔女面對嘅係 13 億人嘅競爭,佢地成長嘅文化同另外 13 億人成長嘅文化唔同,習慣嘅辦事方法唔同,建立嘅關係同人脈唔同,佢地嘅競爭力會點樣呢?我自己持一個審慎觀望嘅態度,我兩個仔,一個已經好決絕地同香港割捨,話左一定唔會返香港;另一個仲細,口氣鬆 d,但聽其言觀其行,都係會留喺美國多了

至於我哋呢一代,將來細路大左,自己退左休,真係唔鍾意美國嘅,咪返香港住囉,又或者兩邊走,想念家人美食時,就返香港住下,住到頂唔住人多車多天氣悶熱時,就返來透下氣,係唔係好理想呢?所以唔使覺得會一世被困住,而家只係適應期,會辛苦 d,捱過左就冇事了,將來一定會越來越好

加油


超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-4 12:37 |顯示全部帖子
iriswy 發表於 18-9-3 19:39
謝謝你,可能我心情不好,唔好意思呀;當初移民不是被逼,是為左小朋友既將來,但這些不是1⃣️時3⃣️刻 ...

如果你小朋友已屆入學年齡,分別好快會見到架啦,我兩個仔女已上中學,小學時係超級鍾意返學,喺香港應該難D啦,淨係功課一樣已經係死症。我成日聽到香港嚟嘅家長投訴:點解呢邊冇功課架?呢解而家至學乘數架,香港小一就背架啦?點解咁HEA架,點上藤校呀?老實講,如果家長係想要呢D,唔應該嚟美國,香港已經係好適合嘅地方。美國學校冇錯係較少功課,但唔係冇,小學已經做group project, 佢地有class work,如果做晒就冇功課帶番屋企。數學呢邊係教得慢D,但快慢又有咩問題?又唔係唔教,細個都係唸口黃背乘數表,但未理解到嘛。藤校。。。嗯,我係一個冇大志嘅媽咪,仔女嘅將來唔係我一個可以計劃得來,都要睇佢地自己意願,培養佢地好學嘅態度同正確人生態度價值觀緊要D。

唔係被逼就好好多,你只係未適應啫,仔女開心,讀書冇咁大壓力,大人都會開心好多,淨係唔駛陪太子讀書到三更半夜已經差好遠,呢邊都有怪獸學校怪獸家長,我有朋友就係入咗怪獸學校被逼做怪獸家長,每次見佢都呻到樹葉落。

花旗太太生活在花旗國,留意時差,你問我未必即時答到。


男爵府

積分: 6266

2019新春慶豚圓 2019勳章


發表於 18-9-4 12:54 |顯示全部帖子
rose-mag 發表於 18-9-4 12:37
如果你小朋友已屆入學年齡,分別好快會見到架啦,我兩個仔女已上中學,小學時係超級鍾意返學,喺香港應該 ...

謝謝你,傾訴完,心情好了,我小朋友1⃣️個初中,1⃣️個初小,對的,學習比香港冇咁死板同工廠式,佢地開心係我堅持下去的動力呀


男爵府

積分: 5825

2019新春慶豚圓


發表於 18-9-4 12:54 |顯示全部帖子
正面的版主, 正面的回覆, 所以好中意上BK,
睇完, 又充滿能量了


大宅

積分: 4396


發表於 18-9-4 13:49 |顯示全部帖子
回覆 rose-mag 的帖子

本人下年會全家回美,請問10分校區嘅elementary school會好谷嗎?我地選擇回歸主要係為個仔嘅教育,我地唔想佢留港升小—。


超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-4 14:16 |顯示全部帖子
bettylovingbb 發表於 18-9-3 21:49
回覆 rose-mag 的帖子

本人下年會全家回美,請問10分校區嘅elementary school會好谷嗎?我地選擇回歸主要 ...

10分係指greatschool個指數嗎?唔一定架,個分數好多方面計出嚟,唔係齋成續,學校老師、建築裝修、配套等都計入去,同埋個分係公開投票計出嚟,有D學校只有少數人入去投票,所以未必可以作準。你最好係去參觀下間學校,同校長老師傾吓計,了解吓佢地嘅辦學理念、功課制度等。分數高唔等同好,亦唔等同適合你仔女,我嘅好亦未必係等同你嘅好,而且好睇老師,學校幾年之間可以變化好大,換校長換老師會影響教學質素,我個人覺得學校點樣對待學生學習跟唔上同點樣應付霸凌更重要。
花旗太太生活在花旗國,留意時差,你問我未必即時答到。


大宅

積分: 1541


發表於 18-9-4 23:16 |顯示全部帖子

回覆樓主:

我啱啱去完歐洲國家再對比番呢度嘅教育制度我真係冇乜眼睇,睇返呢度入大學個制度,再睇返身邊用盡人力物力去培養嘅小朋友都未必入到心儀大學。。 加上加州大麻合法化,學生好容易接觸毒品,同校園槍擊, 我呢刻作為家長,我仲好懷疑自己有冇因為移民害咗個女。
子女嘅未來,我唔敢抱太大期望,但願平安成長。所以要響度生活,我覺得要搵到自已覺得相對舒服嘅生活節奏! 我覺得自己好似生活響80年代,無論社會氛圍,教育制度同人民思想,所以要將自己嘅思想退後啲,生活會輕鬆啲!


大宅

積分: 1541


發表於 18-9-4 23:16 |顯示全部帖子

回覆樓主:

每人嚟到呢度都有自己嘅故事,有佢地嘅美國夢,大家都有一個共通點, 所有人 都生活得有血有汗。 所以我佩服呢度每一個人。


別墅

積分: 697


發表於 18-9-5 10:20 |顯示全部帖子
kayeeian 發表於 18-9-4 23:16
我啱啱去完歐洲國家再對比番呢度嘅教育制度我真係冇乜眼睇,睇返呢度入大學個制度,再睇返身邊用盡人力物力 ...

講中曬我嘅心聲,大麻槍械,同有D野幾落後


公爵府

積分: 26911

2019新春慶豚圓 2019勳章


發表於 18-9-5 13:44 |顯示全部帖子
本帖最後由 mugtaitai 於 18-9-5 13:45 編輯
kayeeian 發表於 18-9-4 23:16
我啱啱去完歐洲國家再對比番呢度嘅教育制度我真係冇乜眼睇,睇返呢度入大學個制度,再睇返身邊用盡人力物力 ...

加州呢幾年真係唔知發生咩事... 我 08, 10, 12-15 年都喺 Berkeley 過暑假,每次都係我一個人帶住兩個仔,住 2 個月,我從未覺得唔安全,阿仔 16 年入大學,第一年都唔見佢話有大問題,舊年開始,就不時聽見佢話治安好差,光天化日喺 campus 都有持械劫案,south campus 近 People’s Park 同 Telegraph 一帶,簡直生人勿近,佢有同學住宿舍 (Unit 1/2/3 嗰幾間),有一次夜晚返去都被一個揸刀嘅墨仔打劫,好得人驚 然後大學號稱 world’s number 1 research university,但經費緊絀到設施溶溶爛爛,唔係斷電就係斷 wifi,冷氣都開唔起,Chemistry department 一度係明星學系,元素表中 16 個元素由呢度發現,但而家窮到褲穿窿,幾十個學生排 3 個鐘頭隊輪流用一台儀器... 簡直罄竹難書... 我真係唔明,加州物產豐盛,又有賺大錢嘅 silicon valley 同荷李活,搞乜財困到咁?

你講開入大學難,我妹妹曾經在哈佛校園碰見一家人,父母帶住剛入學嘅仔,傾起來,原來佢地係加州人,我妹妹好奇問點解唔入 UC 呢?佢地歎一口氣,話,其實不知幾想入 Cal,學費平好多,但 Cal 唔收,哈佛收左,唯有來哈佛捱貴學費啦。你話幾 twisted,加州居民入到哈佛都入唔到自己家門口嘅 Cal...


超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-5 14:04 |顯示全部帖子
mugtaitai 發表於 18-9-4 21:44
加州呢幾年真係唔知發生咩事... 我 08, 10, 12-15 年都喺 Berkeley 過暑假,每次都係我一個人帶住兩個仔, ...

華人一向入Berkeley都高,而家反而難,特別係某間高中,華人多,成績好多都好,但因為唔想同一間高中同一個種族「霸」晒D位,所以某高中被規限入讀人數,有學生明明成績好過好多其他高中,但因為唔可以收太多,變成有D其他高中成績冇咁好反而入到,所以近幾年都聽到有家長唔俾仔女報讀某高中,去比較普通嘅高中,仔女入到去成為Top of the Cream果班,入Berkeley反而容易好多。。。不過我有朋友嘅姨甥喺果度畢業,佢地話入到去都未必畢到業,入面有好班玩到暈,校園又比較開放式,出名party school。呢一兩年治安真係差咗,多謝阿總統D種族言論,令好多有種族仇恨嘅人以前收收埋埋,而家浮晒面。
花旗太太生活在花旗國,留意時差,你問我未必即時答到。


公爵府

積分: 26911

2019新春慶豚圓 2019勳章


發表於 18-9-5 16:29 |顯示全部帖子
rose-mag 發表於 18-9-5 14:04
華人一向入Berkeley都高,而家反而難,特別係某間高中,華人多,成績好多都好,但因為唔想同一間高中同一 ...

我表姐住 Richmond,校區實在一般,好多人勸佢搬,佢話唔使,學校麻麻反而仔女容易成為 top students,反而多 exposure,明星公校人人都叻,幾時輪到你。佢兩個仔女,一個入史丹福,一個入 Cornell,相信同佢呢個策略有 d 關係


超級版主

積分: 127882

2019新春慶豚圓 2019勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 18-9-5 22:49 |顯示全部帖子
mugtaitai 發表於 18-9-5 16:29
我表姐住 Richmond,校區實在一般,好多人勸佢搬,佢話唔使,學校麻麻反而仔女容易成為 top students,反 ...

雖然我仔女剛上中學,未見到佢地有幾大potential, 我同老公都話唔會俾個仔報讀某高中,競爭太大,功課勁多,校內學生互相比較,唔想佢地為咗入u而爭到打崩頭都入唔到。
花旗太太生活在花旗國,留意時差,你問我未必即時答到。

首頁
12345...27

尾頁

跳至
你需要登錄後才可以回帖 登入 | 註冊