跳至
[美國] 後悔移民  

首頁

尾頁
   56


大宅

積分: 1770


發表於 18-9-24 10:34 |顯示全部帖子
本帖最後由 wrymoep 於 18-9-24 10:37 編輯
mugtaitai 發表於 18-9-24 09:49
我喺亞馬遜見過有種工具係一支長棍,一頭有一個爪,類似咁樣:
https://www.amazon.com/Bayco-LBC-600C-De ...

美、加D house 10間有9間半都係 open kitchen,但係屋企有個人好憎廚房D油煙味攻到出廳,無論個抽油煙機幾大力都無用,係香港煮飯時一定要關廚房門,否則D油煙味好易會積左係廳隔日都聞到。 唔通D鬼佬個個對油煙味都無所謂? 如果間house 結構係 open kitchen,唔知有乜法寶可以解決呢個問題?


公爵府

積分: 28212


發表於 18-9-24 10:55 |顯示全部帖子
wrymoep 發表於 18-9-24 10:34
美、加D house 10間有9間半都係 open kitchen,但係屋企有個人好憎廚房D油煙味攻到出廳,無論個抽油煙機幾 ...

徹底嘅做法係改建廚房,而家溫哥華新起嘅 target 亞洲人市場嘅屋都有兩個廚房,一個有門裝有強力抽油煙機,比人煎炒炸;外面再有個正常嘅 open kitchen。如果做唔到咁樣,當年我舅母就喺 deck 放一個單頭爐,用罐裝氣(我唔肯定係石油氣還是 propane gas,係美國人用來 BBQ 嗰 d 氣),逢煎炒炸就出去用呢個爐,但冬天或者落雨就辛苦 d,佢就搬個爐去車房,唔係好理想嘅方法,但佢都一路做左 20 幾年。我比較怕麻煩,乾脆少煎炒炸,留返出街先食呢 d 嘢


公爵府

積分: 28212


發表於 18-9-24 10:58 |顯示全部帖子
wrymoep 發表於 18-9-24 10:26
哈哈! 你講果D嘢我我都實習左大部份,只差保安同請工人 依然維持「香港模式」! 不過如果我有機會走都唔 ...

我估政府會有呢類資料,要仔細搵,睇屋時可以問 agent,當年 agent 帶我睇屋時都有話我聽呢間屋喺 flood zone,要買 flood insurance 之類


子爵府

積分: 14621

環保接龍勳章 大廚勳章


發表於 18-9-24 11:30 |顯示全部帖子
wrymoep 發表於 18-9-24 10:26
哈哈! 你講果D嘢我我都實習左大部份,只差保安同請工人 依然維持「香港模式」! 不過如果我有機會走都唔 ...

你可以搵flood zone資料。不過而家氣候變,flood zone未有咁快update。呢幾年來親就話世紀巨風,前所未有咁,點預?所以舊年浸過嘅今年又浸,好多都冇唸過。

保安又唔洗咁驚嘅。講個故仔你聽,不過係我細個聽返來,d細微嘢可能有d出入。話說我嫲嫲唔會自己一個去我阿叔屋企,因為有一次佢唔記得咗阿叔屋企個alarm密碼!個alarm如果冇人喺屋企嘅時候,有人開門或開窗就有唔知幾多秒時間俾你去解碼。解唔到,間屋會響,跟住保安公司收到alert會打去屋企,冇人聽就報警。根據當事人報導,佢一擰轉身就見到差佬!當然差佬見到個手無寸鐵嘅阿婆唔會有咩行動嘅,之後點唔記得啦,但我好肯定佢冇俾人拉去差館。但嫲嫲自此留下咗重大嘅心理陰影,仲嬲咗屋主做乜裝d咁嘅嘢。

事隔一排,叔叔話,其實保安公司最大嘅功勞,可能係俾咗張貼紙我貼係門口。(貼紙寫保安公司名)咁賊仔見你有alarm都費事搞。不如索性cut咗佢,但貼紙照貼。當然係唸吓啫。間屋仲可能會火燭同水浸㗎嘛。



你今日backup左未?


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-9-24 13:11 |顯示全部帖子
mugtaitai 發表於 18-9-23 18:31
除非你餐餐煎鹹魚炒蝦膏炸臭豆腐,正常煲湯煮餸都應該唔會好大問題,起碼我自己同識得嘅所有親友都冇俾人 ...

屋企煮真係除非你煮大麻,不過而家大麻都局部合法化,唉。。。

以前SF唐人埠有間賣臭豆腐,就係因為太臭俾附近商舖同住戶投訴,最後有生意都要摺埋。我去過有間食火煱嘅,佢有台式臭臭煱,有次我地食食下聞到一陣好似爆C渠嘅臭味,我仔女即刻問點解咁臭架,老公仲以為餐館廁所爆渠,匆匆食完走,經過門口附近有一張枱果陣味好濃烈,咁我就知道係因為有人點臭臭煱。

不過我試過喺公司有個八婆女同事走去投訴其他人叮有魚嘅飯盒,仲不斷大聲話人自私,D魚好臭!點解有人鍾意食魚!心諗你把口最臭!有次有同事帶咗蝦醬定蝦膏炒通菜,佢又走出嚟續個位搵邊個叮D咁臭嘅菜。。。都未見過有人咁衰格,你自已唔聞得可以出聲,但唔需要把口咁臭,話說佢係香港移民過嚟嘅,總之樣樣都奄尖聲悶,傾閒計話人點解要自己揹晒父母嘅生活上身,點解父母自己唔打理自己,點解仔女要負責。。。

花旗太太生活在花旗國,留意時差,你問我未必即時答到。


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-9-24 13:19 |顯示全部帖子
眼訓 發表於 18-9-23 19:30
你可以搵flood zone資料。不過而家氣候變,flood zone未有咁快update。呢幾年來親就話世紀巨風,前所未有 ...

D賊會探路,睇下邊間屋易下手,日頭冇人果D如果有保安警鐘,賊嫌麻煩未必會搏,有D一棟大廈嘅會搏下入車房偷嘢。我屋企十幾年前大門俾人爆過一次,入到車房偷咗兩枝酒同有個好貴工具,之後屋主換鎖,把鎖係好勁嘅,一般用老虎鉗,一鉗個鎖就會鎖死唔郁得,出面一定入唔到嚟,要由裡面開。之後都有兩三次有人試圖爆門,都係不得其門而入。

早幾個月有人爆信箱,用工具撬開咗一排信箱,唔知有冇偷到信,果陣係差不多半夜,通常住戶傍晚收工入屋前順便收信,個賊可能搏下有冇人會未收信。我聽到聲同老公落去睇見到一排打開咗嘅信箱,隔離屋一樣結構嘅都俾人撬信箱。

花旗太太生活在花旗國,留意時差,你問我未必即時答到。


公爵府

積分: 28212


發表於 18-9-24 13:43 |顯示全部帖子
rose-mag 發表於 18-9-24 13:11
屋企煮真係除非你煮大麻,不過而家大麻都局部合法化,唉。。。

以前SF唐人埠有間賣臭豆腐,就係因為太臭 ...

你講起喺公司叮飯盒糾紛,我喺香港公司都見過,有同事不滿有人喺 pantry 叮蝦膏炒通菜,吵到去大老闆度,又有同事喺街食完晏帶榴槤帶臭豆腐返寫字樓,又引起爭吵 我覺得大家都可以做得好 d,呢 d 具爭議性味道嘅嘢,真係有人好怕嘅,大家 considerate 一 d,唔好帶返工,唔係咁難啫;話人叮餸有味,其實離開 pantry 就唔係咁覺了,唔使搞到咁大件事,大家同事,一人讓一步一人少句,家和萬事興


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-9-24 13:56 |顯示全部帖子
mugtaitai 發表於 18-9-23 21:43
你講起喺公司叮飯盒糾紛,我喺香港公司都見過,有同事不滿有人喺 pantry 叮蝦膏炒通菜,吵到去大老闆度, ...

呢個女人超級煩,成日投訴人,但其實最乞人憎係佢,上年公司裝修換位,佢個職位唔應該有房坐,連經理級都要兩個人一間房,佢就走到上去部門老闆度嘈,話佢個位隔離果個黑妹好嘈,食嘅飯盒好臭,又話人地身上有陣臭味。。。後來老闆怕咗佢,安排佢上樓上一層坐,點知佢又搞到人地趕佢走,事緣佢又投訴人地呢樣果樣,人地果個部門老闆出面叫佢走,因為佢講電話太大聲,佢就樣衰衰要搬番落嚟。。。佢咩都投訴,話有人用廁所搞度周圍濕晒,又叫D秘書出信出電郵叫人唔好痾到周圍都係,果D秘書冇一個睬佢,直情有人話要清潔廁所自己call管理處搵人嚟洗,跟住佢就自己打張紙貼喺廁所,又學是非話見到某幾個女同事用過廁所後就好dirty,結果全層樓嘅女同事都好反感,好多個都唔再同佢傾計,包括我。

其實我地其他同事都好好,大家相就啫,我果層有印度人菲律賓人中國人白人,聯合國食物都日日新,又唔係餐餐咸魚蝦醬榴槤,呢D大家都有避忌。

花旗太太生活在花旗國,留意時差,你問我未必即時答到。


公爵府

積分: 28212


發表於 18-9-24 13:59 |顯示全部帖子
rose-mag 發表於 18-9-24 13:56
呢個女人超級煩,成日投訴人,但其實最乞人憎係佢,上年公司裝修換位,佢個職位唔應該有房坐,連經理級都 ...

哇呢 d 真係神憎鬼厭,佢好做得嘢咩?老闆做咩咁忍佢?


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-9-24 14:13 |顯示全部帖子
mugtaitai 發表於 18-9-23 21:59
哇呢 d 真係神憎鬼厭,佢好做得嘢咩?老闆做咩咁忍佢?

呢樣真係唔知,唔係我部門人嚟架,我估佢老闆係免煩,少少嘢就忍佢,反正老闆唔係成日喺我地個office。佢試過問我有冇某D數據,我係有,但我冇可能長期幫你做嘢,但佢好意思真係話個個星期都要收到,我最後叫佢自己問提供果份數據嘅人,叫佢地俾access佢,等佢自己RUN,佢叫人做嘢係要即刻果隻,但態度又老馮果下至乞人憎。

次佢問我有個同事攞手提電話號碼,我同事唔知咩事就俾咗佢,佢就send text messages俾我同事,我同事問佢做咩,佢話剛買咗新電話想試下點用,大佬呀,你又唔講,我同事話佢個plan係唔包texting,續個text message計錢,後來同事block鬼咗佢。又有一次我同事做緊嘢同helpdesk講緊電話落單,個女人就打同事手提電話,我同事唔方便聽,點知後來個女人走去鬧我同事話點解唔聽佢電話,佢唔記得帶door card,開唔到門入唔到去,其實佢大力拍門有人會聽到開門俾佢。

點評

mugtaitai    發表於 18-9-24 14:18
花旗太太生活在花旗國,留意時差,你問我未必即時答到。


大宅

積分: 1770


發表於 18-9-24 14:48 |顯示全部帖子
rose-mag 發表於 18-9-24 13:56
呢個女人超級煩,成日投訴人,但其實最乞人憎係佢,上年公司裝修換位,佢個職位唔應該有房坐,連經理級都 ...

係美國夠膽話人地黑人乜乜乜,係 racist 禾! 果個係皇馬褂有免死金牌? 定係佢工作能力特別o力公司無左佢唔得? 呢D麻煩友都唔炒? 公司留呢d problem staff 只會影響全公司士氣禾!


王國長老

積分: 171416

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


發表於 18-9-24 15:14 |顯示全部帖子
wrymoep 發表於 18-9-23 22:48
係美國夠膽話人地黑人乜乜乜,係 racist 禾! 果個係皇馬褂有免死金牌? 定係佢工作能力特別o力公司無左 ...

我地當然知咁講嘢係種族歧視,佢係私底下同其他人講,唔敢當面同黑妹講,黑妹做HR架,個女人咁講死梗。我地其他人連提個女人都費事,口沒遮欄遲早出事。佢一定唔係黃馬掛,我公司好大,一定白鬼揸旗,中國人幾叻都唔到你發圍,中層已經好叻。呢個女人上面嘅老細都成日換人,可能就係成日換人,所以冇人會點理佢,佢交齊嘢做晒報告,好好睇睇識擦下鞋的話,真係好安全架。大公司理鬼得你咩士氣,你唔做大把人做,當然唔係唔炒人,大鑊即走添,但炒人就係驚俾人告,所以炒一個人係好多手續,時間都要花唔少,講有問題,大把人喺呢個女人之前,未排到佢。
花旗太太生活在花旗國,留意時差,你問我未必即時答到。


大宅

積分: 1770


發表於 18-9-24 21:05 |顯示全部帖子
rose-mag 發表於 18-9-24 15:14
我地當然知咁講嘢係種族歧視,佢係私底下同其他人講,唔敢當面同黑妹講,黑妹做HR架,個女人咁講死梗。我 ...

原來係咁! 哈! 係D鬼佬眼中,真係當comedy咁睇! 俾人調上樓上,跟住又俾人踢返落黎。 個女既面皮又夠厚,咁都唔遞信走。 呢D真係大公司先有資源浪費係呢D員工身上! 唔係租tvb 盒,一返工就有連續劇睇


大宅

積分: 1770


發表於 18-9-24 21:09 |顯示全部帖子
mugtaitai 發表於 18-9-24 10:55
徹底嘅做法係改建廚房,而家溫哥華新起嘅 target 亞洲人市場嘅屋都有兩個廚房,一個有門裝有強力抽油煙機 ...

咁就大件事喇! 唉! 到時先再算囉


大宅

積分: 4575


發表於 18-9-24 22:10 |顯示全部帖子
wrymoep 發表於 18-9-24 21:05
原來係咁! 哈! 係D鬼佬眼中,真係當comedy咁睇! 俾人調上樓上,跟住又俾人踢返落黎。 個女既面皮又夠厚 ...

我覺得麻煩人係冇分種族既。我公司都有三個麻煩女人,三個都唔同種族,各有所煩。

我前上司俾佢地搞到走咗。跟著公司想升我,但被我婉拒。最大原因係我唔想管呢幾個麻煩人。最慘係掉唔走佢,又唔炒得佢。無謂因呢d人令自己stress out.


大宅

積分: 1770


發表於 18-9-24 22:34 |顯示全部帖子
lottieclee 發表於 18-9-24 22:10
我覺得麻煩人係冇分種族既。我公司都有三個麻煩女人,三個都唔同種族,各有所煩。

我前上司俾佢地搞到走 ...

升佢3個上神台,俾果3個人新 JD 講明返工唔准講嘢,唔准打email!


大宅

積分: 1770


發表於 18-9-25 20:18 |顯示全部帖子
如果係美、加買house 有無乜特別地方要注意? D人話要買 brick / concrete 造既house,實淨D無咁易吹爛。 乜有淨木起既咩?

通常見到 exterior finishing 都係寫 vinyl,有無 D 更好既材料?

如果係北方冬天會冰天雪地,個暖爐有無乜特別要注意? 有無乜牌子特別耐用? 室內暖管分佈有乜要注意? 如果-10C 夜晚訓覺果陣個暖爐壞左,咁咪一屋人都凍死?

聽有人會裝柴油發電機做backup,一旦停電都可以用個發電機頂一頂。 呢類發電機貴嗎?

室內有真火爐係咪好D? 如果已經有暖爐 其實個火爐係咪多餘? 純粹攞黎玩下? 但火爐煙囪維修又多樣嘢要搞?

家庭垃圾點樣處理? 多數要攞去就近垃圾站? 還是會有垃圾車來收?


男爵府

積分: 7964


發表於 18-9-25 22:18 |顯示全部帖子
rose-mag 發表於 18-9-6 12:35
噢,呢間,我以為你話SF果間GWH,冇理由架嘛。矽谷果邊好變態,有朋友話個女小學要做功課做到12點,佢話正 ...
你好好,不用理會出唔出風頭,但善良是要有底線,失敗乃成功之母,你要讓個d 孩子開始處理自己既野,上錯堂,或漏野先學得快。


子爵府

積分: 14621

環保接龍勳章 大廚勳章


發表於 18-9-25 22:55 |顯示全部帖子
本帖最後由 眼訓 於 18-9-25 23:19 編輯
wrymoep 發表於 18-9-25 20:18
如果係美、加買house 有無乜特別地方要注意? D人話要買 brick / concrete 造既house,實淨D無咁易吹爛。 ...

有錢可以整間doomsday bunker㗎! 唔買都可以睇吓人地點整㗎。
https://www.cnn.com/style/article/doomsday-luxury-bunkers/index.html

Residential generators,幾百到上萬都有。嫌vinyl做house siding唔夠好,有其他選擇。你喜歡嘅,絕對可以買塊地起間custom house,咩要求都得。唔想靠人供水供電,可以考慮整間off-grid home。錢啫。

如果買間現成嘅屋,除非你買舊屋,一般新小小嘅屋都係中央空調。你可以參考HVAC點運作。你話暖管,我估係radiant heating? 就唔多普及了。如果真係壞咗,唔會好似明日之後咁即刻死嘅,間屋仲有隔溫層㗎嘛。個火爐喺停電嘅時候咪唔多餘囉。平時可以燒吓棉花糖㗎。多舊嘢就多樣maintenance㗎啦。

垃圾冇話多唔多數點做,有自己攞去堆填區;唔想做就俾錢人返來收;有d個town會幫你收。

你好似漏咗食水/污水處理。 呢兩樣唔係必然㗎。可以參考 well water 同 septic system。

你今日backup左未?


男爵府

積分: 7964


發表於 18-9-26 07:55 |顯示全部帖子
wrymoep 發表於 18-9-20 17:50
阿爺都做曬出面,佢都無需隱瞞! 你香港庫房既錢就係佢既錢。 其實唔洗等庫房用光,E家就一大班香港擦鞋仔 ...
岩! 國內好多社保都走晒出去,同呢幾年中國政府鼓勵d 人玩P2P
平台張儲蓄放係呢d 所謂有政府背景既平台都可以執,即係話政府超無水,引人民洛搭再食佢筆錢。呢幾年,中資亂用錢做一帶一路,同賄賂非洲,又要同美國開貿易戰,又唔識借貸風險,好多中資銀行,券商借錢,人地還唔到,就直接write off, 唔追,隔一陣又可來借過,點解? 因為佢地成日達自己係習總 mug mug mug, 係政府高層mug mug mug. 中國咁樣洛去係做唔到生意賺唔到錢。

首頁

尾頁

跳至