Re: 應唔應該講比女女知佢差d變做孤兒的真相????
小詠,
唉,其實我仲有些經歷,真係驚講出黎都冇人信呀...
如果你有興趣我遲下同你講呀,因為我而家冇咩朋友,所以成日上黎留言
原本男友的父母好憎我架,但係我覺得咁落去唔掂,因為我同男朋友已經有埋囡囡,如冇意外到我夠21歲就會考慮結婚,咁佢地就係我老爺奶奶,而我囡係由佢地湊,到時佢地會唔會因為憎我而係我囡面前中傷我呢??冇人會知道的...
而且我老爺奶奶每月本身都有好大開支(因為一個人,我私底下同你講Y ),但佢地都肯唔收我家用,同我照顧囡囡,即使佢地點講我都好,我都好應該感激佢地~所以今年中秋節前我好"瘀"咁自己寫了封信比我奶奶(其實我一直未見過佢地,只有通過電話),同佢講請佢地原諒我同男朋友當日走左去,為佢地帶黎的不便,同佢地講我父母都係因為緊張我而成日打去騷擾佢地,同埋話好感激佢悉心照顧我囡囡,我想修補大家的關係等等.....點知佢收到信冇耐,就嗌我老公同我中秋節同埋佢地&囡囡一齊去睇花燈會,個日我好開心,因為係繼囡囡滿月後第一次見佢,足足5個月呀
其實佢地唔係話唔比我要囡,但成日都安排唔到...我而家住旺角,佢地住天水圍...我地有時環境唔好連兩人入天水圍的車錢都冇~所以你諗下,我個日見到自己個囡大個左咁多,我真係喊咁滯 :cry:
結婚的問題.....唉,等我夠21歲先算啦~我男朋友成日話我一定要嫁佢,佢唔會比我走...但我覺得兩人要共處一世係好難,要坦誠...我覺得佢......唉~仲有待改善 其實我唔鍾意結婚的束縛...不過佢唔明,所以佢一提起,我避得過都唔講 ~
我相信患上產後抑鬱症一定好難受的,我明白你的感受,但我相信一切神都會睇在眼裡,所以佢會幫你
我都準備搵工作啦,有冇好介紹??不過我冇經驗...又內向...
都唔知有咩工岩我.. :cry:
係呢,你係幾閎信主架??
過去的留不住,
未來的難預測,
守住現在,當下即是~