意見反饋
義工

少年成長 今日: 0|主題: 14735

12
跳至
查看: 12133 | 回覆: 20
唔識點教,有冇人幫下我?


別墅

國民生產總值:568

畀面勳章


發表於 18-9-8 01:00 |顯示全部帖子
我仔5歲,性格好動,典型百厭到爆個隻,軟功硬功都試過,好幾日又曳幾日,打佢閙佢,大家情緒都好差,佢會仲硬頸,要打到好甘先肯唔博咀,打佢我心都好痛,會怪自己做咩要咁樣,好啦~自己反醒左啦~會轉返好聲好氣教佢,佢呢到話知,個頭又做錯,道歉只係一個口頭蟬,其實佢冇反醒過。
有時候問自己,佢咁細個係咪真係識知錯,會忍下佢,聽人講,佢地要慢慢教慢慢解釋,好似唐憎咁,但呢隻孫悟空真係點哦都唔入耳。

佢好鍾意用較剪剪紙,但剪剪下,佢走去剪爛左我梳化塊布,我當時好嬲,但冇打佢,只係好惡咁閙佢,罰佢企左半個鐘,點知,今日佢又剪爛妹妹張網床,

王國熱話
淘寶訂造傢私
【分享】京東買行李箱
小尋兒童定位手錶
iHerb 健康產品限時推廣,平過門市


別墅

國民生產總值:568

畀面勳章


發表於 18-9-8 01:09 |顯示全部帖子

回覆樓主:

我今日真係顛左咁打閙佢,嬲到掉哂佢所有玩具,係全部掉哂出門口,我開始冇視佢,過左陣,我老公返嚟,佢好似有人撐腰咁,完全唔覺得咩一回事,我諗訓前,將佢掉哂啲枕頭出聽,唔俾佢入嚟訓,佢仲係到玩,我個下好心痛,我係佢面前喊,因為我情緒好波動,覺得自己教到好灰心,好怪責自己,我喊個時,我仔都喊,我唔知會唔會嚇親佢,但我喊完入左房,我仔就繼續呆左係梳化,但其實當時佢好眼訓,到佢訓左時,我老公抱返佢入嚟,但我成晚個心好實,好汶點解個仔咁惡教,覺得自己好大責任,好唔開心,訓唔到,喊到個心好痛,


FB體驗帳戶

國民生產總值:98

2019勳章


發表於 18-9-8 03:49 |顯示全部帖子
Blui314 發表於 18-9-8 01:09
我今日真係顛左咁打閙佢,嬲到掉哂佢所有玩具,係全部掉哂出門口,我開始冇視佢,過左陣,我老公返嚟,佢好 ...

睇完成件事、都覺得痛。
其實五歲人仔咩都識聽,但長長道理呢...係聽唔明(因為邏輯思考、假設性思考都無發展到)




民房

國民生產總值:29


發表於 18-9-10 11:35 |顯示全部帖子
仔仔5歲?


民房

國民生產總值:29


發表於 18-9-10 11:35 |顯示全部帖子


珊瑚宮

國民生產總值:105597

2019新春慶豚圓 2019勳章 開心吸收勳章


發表於 18-9-13 08:40 |顯示全部帖子
唔好介意, 有冇諗過同佢做評估?


別墅

國民生產總值:952


發表於 18-9-16 19:20 |顯示全部帖子
Blui314 發表於 18-9-8 01:00
我仔5歲,性格好動,典型百厭到爆個隻,軟功硬功都試過,好幾日又曳幾日,打佢閙佢,大家情緒都好差,佢會 ...

好似樓上jm , 帶仔仔去評估吓,系米有過度活躍症 <請勿介意>, 可以對証現藥, 現在得5 yrs, 幾時打到大,睇多啲有關教小朋友書本, 你會有得着, 慢慢長路,加油哦

曾經睇過一本書, 當遇見這活躍的小朋友,唔好鬧住, 先罰他企在一個中心點罰企, 例如地板一格磚, 不可以離開格仔,系有難度, 但要比小朋友知,一定要做,叫小朋友諗諗錯咩, 家長就自行行開冷靜下來,這樣系比大家冷靜及保護關係, 家長冷靜過後,就問問小朋友,是否知道自已錯咩, 如答唔知,就叫他再諗諗, 又隔一陣問, 再唔知就要分析佢聽錯咩, 再教導, 是很花時間, 但你有耐性,加油哦


大宅

國民生產總值:1608


發表於 18-9-16 22:46 |顯示全部帖子
粉紅虎 發表於 18-9-16 19:20
好似樓上jm , 帶仔仔去評估吓,系米有過度活躍症 , 可以對証現藥, 現在得5 yrs, 幾時打到大,睇多啲有關 ...

罰企位置都要肯先企先得,唔肯企有咩辦法? 硬頸既小朋友係可以同你鬥到低,咁又可以點教? 求指點


別墅

國民生產總值:952


發表於 18-9-17 00:07 |顯示全部帖子
pmchuchu 發表於 18-9-16 22:46
罰企位置都要肯先企先得,唔肯企有咩辦法? 硬頸既小朋友係可以同你鬥到低,咁又可以點教? 求指點
...

唔敢講指點, 分享吓, 現今的小孩真的好難教,打及硬鬥硬系唔得, 自可以慢慢教,當他頑皮時, 你自已行開一陣冷靜吓,先控制情緒, 平伏後, 試吓跟仔仔企在同一位置對望,唔使啤佢, 亦唔好講野,睇吓仔仔會唔會問媽媽企系到仲咩, 你再慢慢引導佢自已之前錯啲咩,再分享及教導及感受, 樓主睇吓這樣可否互相溝通,亦解吓仔仔點解要這樣做, 小朋友好簡單, 一定有原因,都5 yrs識表達。

動氣時,切勿把小孩關在房間內, 他會害怕的, 雖然頑皮,但始終是個小孩, 無形的傷害,估不到的。

加油哦


別墅

國民生產總值:952


發表於 18-9-17 00:25 |顯示全部帖子
粉紅虎 發表於 18-9-17 00:07
唔敢講指點, 分享吓, 現今的小孩真的好難教,打及硬鬥硬系唔得, 自可以慢慢教,當他頑皮時, 你自已行 ...

補充少少, 跟孩子說話要對望,要捉住他的眼神, 亦是一種禮貌,平時亦可以多一點攬攬錫錫仔仔囡囡, 給安全感


大宅

國民生產總值:3865

2019勳章


發表於 18-9-17 11:13 |顯示全部帖子
照你所講,你個仔整爛野個case應該係好奇心太強,似係想試吓把較剪夠唔夠鋒利,喺小朋友角度佢唔覺得自己有錯,得五歲佢嗰下冇諗咁多,我細佬細個都試過想試吓把刀鋒唔鋒利切斷窗簾條繩。你打佢鬧佢發癲都冇用,佢嘅拽只係你接立唔到佢嘅行為,不如下次再整爛啲嘢你要佢諗方法補救返,解決個問題,例如要佢整返張網床,再解釋返佢之前嘅行動點樣造成大家嘅不便,我諗你都要睇開啲,我知道好難


侯爵府

國民生產總值:23900

2019新春慶豚圓 2019勳章


發表於 18-9-19 22:39 |顯示全部帖子

回覆樓主:

別介意,有冇做評估? 因為答案會影響教法


大宅

國民生產總值:2549


發表於 18-9-20 23:22 |顯示全部帖子

回覆樓主

唔好打,越打越曳,脾氣越大,點都要不斷教,有些要教許多次,媽媽太嬲自己休息下先,唔好太激心,傷身。


子爵府

國民生產總值:12691

2019新春慶豚圓 2019勳章


發表於 18-9-21 17:08 |顯示全部帖子

回覆樓主:

教小朋友行為1-3歲最為關鍵,之後難教,但以你仔情況似乎要搵專業人士幫手


大宅

國民生產總值:1171

2019新春慶豚圓


發表於 18-9-23 09:14 |顯示全部帖子

回覆樓主:

同意樓上jm所講,可以同學校老師商量下,睇下有冇需要做評估,如果係adhd,啲特徵會越嚟越明顯,例如:衝動、活躍、冇諗後果、情緒起伏大、專注差等。

另外,可以試下係屋企畀多啲任務佢,例如拖地、吸塵、摺衫等等,佢有嘢做就自然少啲搞破壞。


別墅

國民生產總值:568

畀面勳章


發表於 18-9-27 01:55 |顯示全部帖子
emmmacyk 發表於 18-9-23 09:14
同意樓上jm所講,可以同學校老師商量下,睇下有冇需要做評估,如果係adhd,啲特徵會越嚟越明顯,例如:衝動 ...

多謝各位嘅議見,其實我仔係學校都算可以,我已經經常問老師,係咪ADHD,但老師話冇,上堂仲好專心,又會主動答問題,但好多人都話6歲先評估得準,我希望自己可以控制情緒先,先可以解決問題,有時真係火遮眼先會打佢,打完又後悔自己咁樣對佢,我會慢慢教,因為我好怕佢以暴易暴


公爵府

國民生產總值:26641

2019新春慶豚圓 2019勳章 王國教室勳章


發表於 19-2-10 09:15 |顯示全部帖子
Blui314 發表於 18-9-27 01:55
多謝各位嘅議見,其實我仔係學校都算可以,我已經經常問老師,係咪ADHD,但老師話冇,上堂仲好專心,又會主 ...

妹妹幾大?佢有可能係引你注意佢,五歲好好奇同好要人attention


男爵府

國民生產總值:7938

2019新春慶豚圓 2019勳章 HiPP勳章(1) 好媽媽勳章


發表於 19-2-10 13:00 |顯示全部帖子

回覆樓主:

太好奇
我細個都會搵唔同布試下剪唔剪到
除了包容同不斷教,無乜好做了
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG


公爵府

國民生產總值:25159

2019新春慶豚圓 2019勳章


發表於 19-2-10 13:02 |顯示全部帖子
似係好奇想剪唔同質地嘅物件,比D剪紙勞作佢做吓,教佢大人睇住先可用較剪,平時收起(親子時間先一齊做勞作)~


伯爵府

國民生產總值:15808

2019新春慶豚圓 2019勳章


發表於 19-2-10 13:03 |顯示全部帖子

回覆樓主:

可以問下佢做咩要咁做,搵左原因先,小朋友做野好似無厘頭,但背後總九一個原因,找到再慢慢解釋先可以解決行為問題。我小朋友1歲開始我已經要為佢既行為搵原因,再慢慢疏導,例如佢有一排成日掉書,雖然佢未好識講,但我問佢係咪睇完啦,睇完唔洗掉,放返去書架,但之後發現仲係掉,原來個書架太多書,佢好難放到,我抽起一半既書佢就可以自己放到就無再掉。現在大d兩歲多,問佢好多時佢都講到原因,不外是唔鍾意唔想/佢覺得同人地唔一樣/想試下,佢一向畫畫會拎畫簿,有日突然畫枱,問佢點解,“小朋友畫枱”學校學返黎,我拎張枱入廁所叫佢洗返乾淨,洗唔到,之後就無再畫

12
跳至
你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.