吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 餵人奶唔夠奶，點算？

0-6個月今日: 0|主題: 37134

收藏本版

發帖

返回列表

跳至頁

查看: 15247 | 回覆: 56

12 3

積分: 345

1^#

發表於 18-9-26 19:36 |只看該作者 |倒序瀏覽 |打印

BB已經27日，頭兩星期我埋身餵，但係佢都啜得唔好，因為佢出世係中細b，個嘴又細d，唔識將個嘴擘大，所以出院後我已經去揾母乳姑娘4次學姿勢同訓練佢個嘴！頭兩星期我d奶好多，姑娘話可能太多令到bb覺得唔舒服，叫我停上奶湯水。咁我當日立刻冇再飲魚湯同陳皮嘅炒米茶，餵之前都擠d奶出嚟先餵，但係佢都係食兩啖就係咁喊，再放埋身又食兩啖喊同推開我，自己係到食手，積係唔夠飽喇。當時真係好灰同好攰，我屋企人就叫我泵落好樽到餵，唔好令到佢咁炆憎，咁我就開始泵落樽。之後我d奶就愈嚟愈少，再飲返d魚湯都好似冇用！
1.我已經每兩個鐘用手擠一次奶，每次擠兩邊加埋得90ml-110ml，但係依家bb已經每餐食100ml，有咩方法可以做番多d奶？
2.我都有用過機泵，不過我每次用都好痛，用完仲試過個胸硬哂，有冇泵機介紹？
3.我都想bb埋返身食奶，我依家有時用奶樽餵之前都會比佢埋身食十下，食到佢係咁喊我先再用奶樽餵佢。不過健康院d姑娘話用奶樽餵會令到bb個嘴細咗，好難再埋身餵到，係米真？

0 0 0

私人傳訊

333s

象牙宮

積分: 210001

2^#

發表於 18-9-26 22:46 |只看該作者

加奶粉

點評

cbbc

發表於 18-9-29 10:11

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

Baby_Gena

複式洋房

積分: 482

3^#

發表於 18-9-27 01:33 |只看該作者

屁屁豬發表於 18-9-26 19:36
BB已經27日，頭兩星期我埋身餵，但係佢都啜得唔好，因為佢出世係中細b，個嘴又細d，唔識將個嘴擘大，所以出 ...

我Bb出世啜吮功能有困難，所以都係用樽餵，當佢啜吮能力好轉時比返佢埋身，佢都已經唔識，啜2下就推開我。到依家4個月，我都依然落樽比佢食。
一般機泵可以有助你更快清空奶，你可以試下會唔會係喇叭大小唔啱，所以令你咁痛？或者係力度問題？你可以試下買大一個碼喇叭試下情況有無好轉。胸硬唔關機泵事，係你未清奶，我建議你喺泵奶或擠奶前先飲一大杯暖水，按摩胸部周圍，要清空乳房，話比乳房知道造更多奶。一直唔清空，佢就會硬同以為你夠奶。水份好重要，我每日除基本2L水之外會飲多1L嚟造奶，唧魚湯好上奶，如果真係唔得，可以試下開乳茶。休息、心情有助上奶。共勉之

私人傳訊

我要做媽媽

珍珠宮

積分: 47558

BB防敏心得分享勳章

4^#

發表於 18-9-27 09:14 |只看該作者

其實你真係可以泵出黎俾bb用奶樽飲架，你要勤力D泵，仲有飲多D湯水，好好休息。如果仲系唔夠奶水既話，咁你就加人奶喇，咪俾太大壓力自己吖

私人傳訊

hamsterma

伯爵府

積分: 19137

5^#

發表於 18-9-27 09:50 |只看該作者

屁屁豬發表於 18-9-26 19:36
BB已經27日，頭兩星期我埋身餵，但係佢都啜得唔好，因為佢出世係中細b，個嘴又細d，唔識將個嘴擘大，所以出 ...

唔夠就飲多3湯水試下，同埋奶粉人奶一齊

私人傳訊

chloeyung

別墅

積分: 903

6^#

發表於 18-9-27 18:59 |只看該作者

Baby_Gena 發表於 18-9-27 01:33
我Bb出世啜吮功能有困難，所以都係用樽餵，當佢啜吮能力好轉時比返佢埋身，佢都已經唔識，啜2下就推開我。 ...

請問開乳茶係邊度有得買，可以增加奶量？

私人傳訊

haha748494

翡翠宮

積分: 92389

BB防敏心得分享勳章

7^#

發表於 18-9-27 22:33 |只看該作者

我個人經驗如果泵完，個胸仲硬，系仲有奶喎。
你試下埋身，埋身可以多D奶。
唔好放棄吖，加油吖。

私人傳訊

Mandiyip

大宅

積分: 1074

8^#

發表於 18-9-28 06:53 |只看該作者

我全埋身餵bb已經六個月，希望可以比啲意見你。我係由bb一出世就堅持埋身餵唔用樽，其間頭一個月bb咀細啜到我流血先用樽，一感覺奶量跌我就即刻轉返埋身，我係唔受泵果種人，用泵奶量就會跌，所以堅持一直埋身。
1.我已經每兩個鐘用手擠一次奶，每次擠兩邊加埋得90ml-110ml，但係依家bb已經每餐食100ml，有咩方法可以做番多d奶？（要奶量增加一定要比bb用口啜，多啜身體先會感應到要多做奶，同埋飲清水係好重要，夠水份先會夠液體做奶）

私人傳訊

Mandiyip

大宅

積分: 1074

9^#

發表於 18-9-28 06:59 |只看該作者

2.我都有用過機泵，不過我每次用都好痛，用完仲試過個胸硬哂，有冇泵機介紹？（人奶因為高鈣，留係胸入面太耐就會形固，記住一定要清空，否則好易乳線炎，清空啲奶，身體下次先會同樣做返咁多奶出黎。奶泵我自己用緊Medela freestyle

）

3.我都想bb埋返身食奶，我依家有時用奶樽餵之前都會比佢埋身食十下，食到佢係咁喊我先再用奶樽餵佢。不過健康院d姑娘話用奶樽餵會令到bb個嘴細咗，好難再埋身餵到，係米真？（其實我覺得你bb已經愛上用奶樽，因為佢覺得用奶樽易飲唔使啜

要再埋返身有啲困難，除非你堅持埋身唔比佢用樽，佢喊到餓都係會埋身啜返）

私人傳訊

agneau

大宅

積分: 3480

10^#

發表於 18-9-28 14:37 |只看該作者

埋身餵嘅好處就係可以幫你製造更多人奶，我第一胎同上面媽媽一樣，BB唔識自己啜所以只能用樽，所以奶量唔多，用完機再用手擠會多啲奶，我發覺如果用機泵到個胸硬曬係一定有奶塞住咗，所以我會一面泵一面按摩，再用熱毛巾敷住，之後用手擠清曬佢就冇事，係會有啲痛，但係一定要堅持，加油

私人傳訊

issacyan1225

複式洋房

積分: 302

11^#

發表於 18-9-28 14:47 |只看該作者

真係唔好有太大壓力，我bb岩岩滿月，初出院時以為自己餵得好成功，點知一上磅，bb輕差唔多11% ，醫生一定要阿b入院，即刻喊左出黎，之後真係奶都係愈來愈少，每日keep住返醫院睇佢，個人無休息，其實最後目的只要bb健康就ok，唔好太擔心，所以記得休息夠，飲多d，我地再一齊努力下，我都係盡我能力，有幾多就比幾多佢，加油！

私人傳訊

Baby_Gena