自由講場 今日: 250|主題: 1299064

等我自我介紹，我係一個住喺美國已經有20年嘅香港人。美國有冇歧視？有。但 does it bother me? No. 我覺唔覺得自己係二等公民？唔覺。

其實歧視全世界都有，並唔係一元化嘅種族歧視咁簡單。有性別，種族，年齡，學歷，性取向，社會經濟、財富等不同的歧視。我唔怕人因為我係香港移民而歧視我，因為我知道只要我有能力，我一樣有自己嘅發展。可能我幸運，搵啱工作，又搵到個自己鍾意嘅人，所以喺美國這邊生活如魚得水。

我唔怕人種族歧視，我反而驚冇錢 ( childhood experience)俾人歧視多啲。如果係工作上，因為我嘅性別或種族受到歧視，我有很多 options. I can report to the HR，或者係工作上再努力啲再請番啲，等你哋冇辦法吹毛求疵。

其實從 BK 我可以見到香港歧視好嚴重。我見到好多香港姊妹對新移民毫不客氣，是對人不對事；或者見到住私樓嘅好唔客氣咁評論住公屋嘅人; 又或者回流嘅人不停 question 或取笑那些冇住過外國嘅人。有必要嗎？五十步笑百步吧！

其實移唔移民係一個好個人嘅選擇。好似我選擇留低，我其他家人回流。但食得鹹魚抵得渴，有得必有失，只要開心就可以了。我相信個人嘅 attitude 好重要，凡事正面在那兒也可以活出彩虹。無論係邊度都挺起胸堂同自己講，我唔會俾人睇低，我唔會做二等公民，我會用自己能力 to make it work and home.

願大家一團和氣、開開心心。