少年成長 今日: 0 | 主題: 15845

積分: 5888

陪月勳章

發表於 18-10-8 14:19 |顯示全部帖子

我大女每日都不停同我講想我買呢樣果樣俾佢, 密到我真係頂唔順. 入便利店增值會叫我買糖買飲料雪糕買雜誌俾佢, 經營雪糕店會叫我買雪糕, 經過糖果店就同我講想買糖, 搭地鐵見到扶手電梯啲廣告會叫我買書俾佢, 如果入左衫舖, 佢會同我講想我買衫買褲買鞋.............
佢細妹有啲乜野新既野, 又一要我買俾佢, 但佢明明已經有了. 例如我大女當初由BB床轉小朋友床時, 我已經買左套床單俾佢. 到細妹轉瞓小朋友床, 我地買左床單俾佢, 大女又話要一套. 大女唔再用睡袋, 我地買羽絨被時買左張被單俾大女, 到細妹轉用羽絨被時有張新的被單, 大女又話阿妹你就好啦, 有新被單, 媽咪我又要買.

之前一路都係大女既鞋比細妹多, 近來大女腳大左有一批鞋掉了, 但由於仲有另一對, 我無再額外買鞋俾佢. 至於細妹, 由於有時都有朋友俾啲二手鞋佢, 變相近來佢啲鞋多左, 結果大女又話阿妹啲鞋多過佢了, 日日提著, 去到街一經過鞋舖又話要我買波鞋, 平底鞋, 拖鞋, 乜鞋物鞋咁...........................

每次入便利店既目的主要係增值, 佢就不停搵野要買. 糖果店, 我諗我幾個月先會俾佢買一次糖, 佢每次見到都話想要, 我答過佢我唔會買, 因為唔想佢地食咁多糖, 但下一次又問, 下一次又問...... 好啦, 諗住唔係入左舖頭俾佢見到啲野引發左佢既擁有欲, 點知搭緊扶手電梯都可以諗到啲野叫我買, 一星期7日每日幾個鐘都不停搵野要我買, 真係好想大大聲同佢講唔好再煩我喇.

至於買野俾阿妹, 好多時都係必需品, 以前睇啲文章成日都話一買就要買哂俾兩個.... 係咪真係要咁? 好多時都係大既已經有, 細既未有. 到細既去到某個時候需要用一啲物品 (例如床單被單等), 唔通又要買多SET俾個大既? 咁啲野咪重覆左? 例如細既上小一需要買個新書包, 結果大女又話佢個書包要換喎, 但佢個書包明明未爛, 仲用得, 點解我要買個新既俾佢咁浪費?

我可以點做呀?

私人傳訊

lolojai

別墅

積分: 934

發表於 18-10-9 13:08 |顯示全部帖子

回覆樓主

我覺得買、不買都唔係重點，係每次買或不買時有無灌輸正確價值觀畀佢。乜野係想要、乜野係需要，有時候要企硬。你囡囡幾大？慢慢黎啦，改變一個習慣要時間，灌輸正確價值觀更加係長期作戰。加油。

私人傳訊

虫虫主人

子爵府

積分: 12235

發表於 18-10-10 10:06 |顯示全部帖子

大女幾多歲?

私人傳訊

Yee_ng

積分: 6303

發表於 18-10-10 11:26 |顯示全部帖子

回覆樓主:

比零用錢佢等佢知唔係話要就有，想買就自己儲

私人傳訊

積分: 5888

陪月勳章

發表於 18-10-10 11:45 |顯示全部帖子

lolojai 發表於 18-10-9 13:08
我覺得買、不買都唔係重點，係每次買或不買時有無灌輸正確價值觀畀佢。乜野係想要、乜野係需要，有時候要企 ...

佢十歲了, 每次買定唔買我都有解釋俾佢聽的. 成日都重覆住"有需要先買", 講左幾年都係咁...... 有時會覺得好心煩, 由朝到晚都會不停搵野要買咁....

有時仲會攞左細妹既物件, 貼左自己個名上去當做自己的.

私人傳訊

積分: 5888

陪月勳章

發表於 18-10-10 11:45 |顯示全部帖子

虫虫主人發表於 18-10-10 10:06
大女幾多歲?

十歲

私人傳訊

purpleok

大宅

積分: 2775

發表於 18-10-10 12:41 |顯示全部帖子

我都有呢個問題, 但最近用零用錢解決咗.
因為佢學識儲錢自己買.
我包早餐車費, 但其他所有佢想買既都只可以用零用錢.
不過有一點朋友話任可情況都唔可以扣零用錢.

私人傳訊

已刪除用戶

已刪除用户

積分: 24878

發表於 18-10-10 14:14 |顯示全部帖子

回覆樓主:

提示: 作者被禁止或刪除內容自動屏蔽

私人傳訊

積分: 64092

發表於 18-10-10 22:16 |顯示全部帖子

回覆樓主:

好明顯佢唔夠安全感，同d婆婆一樣有錢就買金有實物嗰心先夠達實

你地家庭重心去左妹妹度，你個心不知不覺間有了比較，你成日都專注左去阿妹度，因為佢乖，佢細個，這樣，姐姐唯有叫你買野嗰刻，買定唔買都好，嗰刻先會完完全全有只屬於你同佢的對話，你對佢的注意

私人傳訊

積分: 5888

陪月勳章

發表於 18-10-11 08:47 |顯示全部帖子

purpleok 發表於 18-10-10 12:41
我都有呢個問題, 但最近用零用錢解決咗.
因為佢學識儲錢自己買.
我包早餐車費, 但其他所有佢想買既都只可 ...

我有俾零用錢佢, 但擔心解決唔到個問題. 佢有左零用錢, 成日去便利店買糖買零食, 我擔心會令佢更加唔識控制自己

私人傳訊

積分: 5888

陪月勳章

發表於 18-10-11 08:51 |顯示全部帖子

藍尾巴發表於 18-10-10 14:14
佢呷醋多過想買野，佢成日將自己有既野同細妹比，因為見到會比較容易感受到。唔係買咩都要兩份，但有無d野 ...

我都知佢係呷醋..... 有架, 其實好少買野俾阿妹, 好多時買既都係俾大女, 佢真係擁有好多野. 間唔中阿妹缺一啲野, 買左俾阿妹, 大女又話要............

私人傳訊

積分: 5888

陪月勳章

發表於 18-10-11 09:03 |顯示全部帖子

spikenard 發表於 18-10-10 22:16
好明顯佢唔夠安全感，同d婆婆一樣有錢就買金有實物嗰心先夠達實

你地家庭重心去左妹妹度，你個心不知不覺 ...

我明呀, 我就係覺得個問題唔簡單, 可能係去到心理因素, 所以先上黎問下可以點做.

其實細妹初出世, 我花左好多時間陪大女, 細妹成日放喺屋企俾屋企人照顧, 希望陪多啲大女, 不過大女俾我既感覺係我地咁樣做都唔滿足, 佢要好多好多, 但我已盡我能力俾到佢既就俾了 (唔係物質).

咁當然, 大女愈來愈大, 佢愈來愈多對抗性既行為, 我對佢既態度都會強硬左, 惡左.... 大女乜都要死爭爛爭, 細妹反而成日無乜所謂, 家姐要咪俾家姐囉, 或者同細妹講下道理佢又肯拎出黎分享, 太強烈既對比下, 難免大女多俾家人話.... 有時我為左唔想大女覺得我地剩係鬧佢, 有時細妹只係少少唔乖, 我要好似做戲咁突登喺大女面前好惡咁鬧細妹.

試過好長時間, 每晚瞓前都攬下大女, 傾下計, 不過幫助都唔係好大.

私人傳訊

積分: 64092

發表於 18-10-11 10:01 |顯示全部帖子

mimiNbaby 發表於 18-10-11 09:03
我明呀, 我就係覺得個問題唔簡單, 可能係去到心理因素, 所以先上黎問下可以點做.

其實細妹初出世, 我花 ...

這關乎2個問題，價值觀和習慣的問題
價值觀要由你苦心婆口潛移默化地教

習慣的問題可由行為去紏正

你想紏正佢隋心所欲買野的習慣，習慣行為可以用21天去改變的，原則，第1，本身冇的習慣就由佢繼續冇，第2本身冇但想佢有的習慣就特登做到有

第1點，例子。本身冇開飲氣水，咁，日常生活上就避開唔買，或唔特登接觸，冇睇玩開電子產品，冇玩開手機的小朋友因冇接觸開自然對這方面的興趣唔大，什致唔感興趣

第2點，本身冇的習慣，可以用21天的時間特登造到有，這所謂養成良好習慣，好的習慣是用時間養出嚟

待續…………

私人傳訊

積分: 64092

發表於 18-10-11 10:49 |顯示全部帖子

spikenard 發表於 18-10-11 10:01
這關乎2個問題，價值觀和習慣的問題
價值觀要由你苦心婆口潛移默化地教

以我b為例，有1段日子佢經常食某d零食，到我意識到問題時都頗頭痛的事，介零食轉水果，頭幾天佢情緒好波動，大吵大鬧，這樣的情況持續1段時間，到半個月後期，佢冇再要求食嗰d零食，1年後同學仔請佢食，送埋比佢，佢都唔會要同食，第1點，冇開嗰個習慣，就自然冇

你家小朋友，先斷左買野的習慣癮先，出街前plan 好路線，同佢1齊就盡量唔去商場，街市，便利店，會經呢d地方ge話兜路

制造同佢去街的記憶，印象，即係佢1諗起同親你去街你多數會去的地方，多d去公園，圖書館，海邊，郊野，書局，體育館，球場……
難嗎？緊係難，又要心力，又要體力

但為左佢好，幾辛苦都值得，加油

私人傳訊

積分: 5888

陪月勳章

發表於 18-10-11 11:13 |顯示全部帖子

spikenard 發表於 18-10-11 10:01
這關乎2個問題，價值觀和習慣的問題
價值觀要由你苦心婆口潛移默化地教

"冇睇玩開電子產品，冇玩開手機的小朋友因冇接觸開自然對這方面的興趣唔大，什致唔感興趣"

呢樣我有個問題呀. 對於大女, 佢頭果4-5年我都好少俾佢睇電視, 玩電話. 到佢大左, 好難避免再唔俾佢睇電視或用電話.... 但我發現佢一望住電視/電話著好入著左迷咁完全停唔到, 離開唔到. 細妹因為家姐有機會睇電視, 所以我無辦法對佢做同樣既野, 頭幾年完全唔俾佢睇電視. 結果係, 細妹睇睇下電視, 係能夠離開個位做下其他野/去下其他方, 唔會一直睇. 但大女, 完全唔會停到, 一直睇一直睇睇幾個鐘都得....... 叫佢行開下, 佢都做唔到.......

我有問過朋友, 佢地問我會唔會佢以前太少睇, 所以攪到宜家咁................

私人傳訊

積分: 64092

發表於 18-10-11 11:32 |顯示全部帖子

mimiNbaby 發表於 18-10-11 11:13
"冇睇玩開電子產品，冇玩開手機的小朋友因冇接觸開自然對這方面的興趣唔大，什致唔感興趣"

細妹仲未睇得好明，所以興趣度唔大，係你眼中就變成可控制，唔沈迷

子女大了，真係好多野控制唔到，但可以人為干預到，電視，上網內容睇乜野，睇幾耐都可以控制，睇前1齊商量睇乜內容，a b c d e 咁多的劇佢都可以睇，但如果嗰日只可以睇1樣，咁佢就會做思考選擇，而你又可以攞番有限的主導權，起碼嗰個節目你係知佢睇緊乜

另外，限時比佢睇，同佢商量，佢覺得要睇幾耐先夠，大家商量一個合適的時間，去買1個計時器，佢話要睇40分鐘先夠，就用計時器調40分鐘，時間到響了之際，提佢夠鐘要熄電視

當1段時間成為習慣後，就冇咁難實行

私人傳訊

積分: 64092

發表於 18-10-11 11:38 |顯示全部帖子

回覆樓主:

你問的問題，我以前都經歷過，問過學校的老師，社工，導師，醫生和兒童心理醫生

佢地的方法好實用，科學
但執行實踐係難，嘔了不少血，
但堅持下去會慢慢與小朋友一同進步的

私人傳訊

積分: 5888

陪月勳章

發表於 18-10-12 11:29 |顯示全部帖子

spikenard 發表於 18-10-11 10:49
以我b為例，有1段日子佢經常食某d零食，到我意識到問題時都頗頭痛的事，介零食轉水果，頭幾天佢情緒好波動 ...

你呢個例子, 我明呀, 我有用過, 對細果個係work架, 對大女就.....................

正正就係零食, 我幫細妹戒, 都係架, 頭幾日會有情, 持一段時間就會無左. 但大女, 就算喺屋企有一段好長時間都無食, 佢落到街一樣好想要買黎食....... 有時避唔到啲地方, 入地鐵站總有間便利店................ 宜家又多左好多自動售賣機........ 避到避唔哂...... 唉.....

去體育館, 見到汽水機又要我買...... 好啦, 去海邊散步, 又有零食機........ 佢話要買..... 去公園玩, 玩玩下又走埋黎話陣間想去買乜乜物物食丫....... 有時我忍唔住會諗, 到底佢既人生係咪全日都係諗住要我買乜野去滿足佢先得呢? 好正常既路程, 例如坐緊地鐵/喺屋企大廈等緊電梯, 都可以突然出聲要我買乜乜物物..... 好多時我都有解釋點解呢樣唔買, 不過佢真係好不厭其煩咁問完又問問完又問.......

有時搭地鐵返屋企, 佢話口渴, 有時可能剛到屋企果個站, 返到屋企可能10分鐘都唔使, 我會話就返到屋企, 唔需要買, 但佢唔得, 非買不可咁, 不停嘈嘈嘈嘈嘈, 發哂脾氣, 我明第一次唔一定得, 每次都係咁, 我都堅持好快返到屋企, 好快有水飲, 每次佢都好堅持咁嘈嘈嘈嘈嘈.............................

私人傳訊

積分: 5888

陪月勳章

發表於 18-10-12 11:31 |顯示全部帖子

spikenard 發表於 18-10-11 11:32
細妹仲未睇得好明，所以興趣度唔大，係你眼中就變成可控制，唔沈迷

子女大了，真係好多野控制 ...

我真係要買個計時器先得. 我之前只係指住屋企個鐘, 到幾多點就要熄, 可惜每次夠鐘時話要熄, 佢又失控.............

私人傳訊