嬰兒食譜 今日: 0|主題: 27290

Hi Jesstoto ，衛生署建議一般係6個月左右開始引入固體食物，腸和腎臟比較成熟可以處理固體食物，進食固體有助BB發展咀嚼，幫助佢口腔肌肉發展，慢慢過渡到2歲時好似成人咁食多元化食物。BB幾大呀? 佢可以靠住椅背坐起、可以抬起頭仔、會伸手抓物件、對食物有興趣、看見匙羹會張口嗎?

4個月BB對聲音、顏色/色彩、四周環境都覺得好新奇，多D俾BB俯臥強化頸/背部嘅肌肉，將佢放係媽媽前面靠住您黎坐，佢身後同BB說話引佢轉頭/身去看媽媽，係佢身邊和前面放幾個玩具，吸引BB轉身/離開坐墊去拎，係結實嘅平面上(例如地板,較硬身床舖)，會更容易學習坐架。當BB頸/背比較硬挺，靠住椅背可以坐到，將匙羹放進BB口時, 咀唇可以合上唔會頂住匙羹，都代表BB可以嘗試固體喇。BB食奶胃口好嗎?

BB仲細唔駛馬上俾BB試食固體，細心觀察BB，把握佢對食固體食物最有興趣時機先引入。通常米糊係BB第1種嘗試固體食物，加了鐵質，唔易引起過敏，用BB飲開嘅奶黎開，用1茶匙米糊加4茶匙奶，剛開始時試1-2茶匙，連續試2-3日，如果無過敏反應，就可以嘗試其他新食物，例如加香蕉蓉/蘋果蓉。