Hi Dorothywei ,餵BB食藥真係唔容易! 如果媽媽想將藥水開水,要確保水份唔會太多,以免BB飲唔哂導致藥量唔準確。通常肚餓情況下佢會較容易願意開口,可嘗試用餵藥工具,例如針筒沿住BB口腔側面注入藥物,避免直接接觸舌面味蕾以減少苦味。BB幾大? 精神和胃口點呀?
明白BB發燒媽媽會比較擔心 退燒藥嘅效用一般維持4-6個鐘,定時幫BB量體溫有燒先需要食退燒藥,藥水份量每次唔好太多,BB會用杯未? 可以準備2個小杯,一個裝BB喜歡的果汁另一個裝藥水,先俾果汁飲趁佢唔注意時換成藥水好快咁餵佢再俾返果汁。 BB唔舒服胃口唔好/唔願咀嚼都好自然,部分BB暫時會多飲奶,媽媽按BB對食物反應調節食物種類和次數就OK,為BB提供軟身/容易入口食物,例如瓜+魚/肉蓉粥,蕃茄魚/肉湯通粉。保持室內空氣流通,用暖水抹身,幫佢補充水份,充足水份可以有助降溫/排汗,改善血液循環、新陳代謝,將廢物或毒素從尿液中排出身體,BB飲唔飲清水呀?