少年成長今日: 0|主題: 15847

收藏本版

發帖

返回列表

跳至頁

查看: 7012 | 回覆: 1

唔得、唔准、唔可以 [複製鏈接]

csir3290

子爵府

積分: 10923

1^#

發表於 18-10-28 12:52 |只看該作者 |倒序瀏覽 |打印

本帖最後由 csir3290 於 18-10-28 12:52 編輯

唔知家長有冇留心其實每一日對住仔女講得最多嘅口頭禪可能就係唔得，唔准，唔可以呢幾句呢！我自己就真係做過統計發覺呢幾句真係自己講得幾多嘅回應。尤其是當對仔女愈細個嘅時候講嘅次數就越多。小朋友愈細個我哋想佢養成一啲生活習慣嘅時候，好多時都會直接同佢哋講唔准唔得同埋唔可以，等佢哋知道邊啲嘢唔做得。慢慢長大嘅時候佢哋就會懂得唔可以做邊啲嘢，規矩係點。但係當佢哋一路長大嘅時候，我哋會覺得佢哋開始冇咁聽指示，因為佢哋唔再甘心於淨係一個唔得唔准或者唔可以嘅答案。佢哋開始需要解釋，需要知道點解唔可以，而且有陣時佢哋未必會同意我哋嘅原因，甚至乎會質疑我哋嘅諗法。如果我哋時時同事事都係反對派，佢哋同我哋傾親我哋都係用唔可以或者唔准嚟做答案，慢慢佢哋就唔再同我哋傾。因為我哋嘅所有答案都已經畀佢哋掌握晒，有陣時可能佢哋會覺得講問都冇用㗎啦因為都唔會畀。所以當仔女越嚟越大，我都開始發覺越嚟越要解除呢啲咁負面嘅講嘢方法，我好多時都會同自己講除非有即時危險或者錯咗所帶嚟嘅後果係返唔到轉頭之外，都畀機會佢哋去嘗試下自己嘅諗法。我哋唔係唔理任佢哋錯，而係需要同佢哋分析教佢哋選擇，有陣時可能明知佢哋嘅選擇係錯嘅，但係都要畀佢哋嘗試，要畀佢哋覺得我哋尊重佢哋嘅諗法亦畀機會佢哋去實淺自己的諗法。我自己成日都會提醒自己當對仔女越嚟越大嘅時間，我哋嘅身份都要適應有一啲嘅轉變，我哋雖然都仲係佢哋嘅家長，但係我哋唔再係事事幫佢決定曬而係越嚟越變成意見嘅提供者，盡量同佢哋一齊分析一齊傾，但係唔係幫佢做曬所有嘅決定。我自己都成日提醒自己同對仔女講嘢要盡量正面一啲，除咗令佢覺得我係有得傾嘅之外，其實亦都係教佢哋諗嘢要正面一啲，唔好樣樣嘢都咁負面。唔得唔准唔可以嘅口頭禪亦都要慢慢改為如果，或者不如一齊試下一齊諗下呢一類嘅說話。總之就唔好一句說話就斷咗溝通啦！