心聲留言

跳至

首頁
1

尾頁
   0


別墅

積分: 877


發表於 04-11-10 19:23 |顯示全部帖子

發左一個夢,唔知係咪同靈界有關.........

早幾日我發左一個夢,一開始我係同我老公一齊係好似醫院咁既地方度等緊同一個人領取遺體同埋棺材,但唔知個個係邊個黎架,淨係記得有張紙寫左個英文名,係M字頭的,而有一個亞嬸就處理緊我地等緊的棺材~
而另外有一個好細的棺材放係近牆個邊,無啦啦個細棺材係咁郁,郁得好勁,好似想打開咁,我就問個亞嬸"個個棺材點解係咁郁??"佢望一望就用好不屑的口吻同我講"哦,可能佢訓得唔好,想掉返轉黎訓o者"~嘩,我記得個下我已經勁驚(個時係上午11點幾架喇,我醒過再訓返的)因為有意識好驚,所以好想醒,但醒唔到,之後我見到有個人形公仔係裡面,但佢冇企係身,冇郁~
之後鏡頭一轉已經係醫院入面,有個著住衫(唔記得咩色,不過一定唔係白色)既5,6歲短髮女孩企係我前面,佢面色好白,係夢中意識到佢係細棺材中的小朋友,佢見到我好開心咁攬住我,而我老公見到就好驚咁不停退後,個女孩攬住我我感覺到佢好似冰咁凍,但我一路抱住佢都好驚~之後無啦啦就入左浴室,因為我見佢凍,所以抱住佢著住衫一齊淋暖水,我老公就無啦啦校到d水好熱,女孩係咁縮,咁我就校返暖,佢好似好舒服咁,之後同佢用毛巾擦身,我叫我老公拎我地條大毛巾黎,但佢話唔可以比個女孩用,個女孩好唔開心,用眼神示意我要用我地的毛巾,但我老公堅持唔得就唯有用醫院的細毛巾,擦擦下個女孩係浴室嘔血,因為我意識到佢係死人,我驚佢一嘔就一大桶,所以叫佢忍住唔好嘔,血要留就由佢慢慢流~之後抱左佢返病房,我見佢有些眼訓,而我自己就因為驚,我同佢講"而家黃昏喇,姐姐都累,你乖乖地訓覺,姐姐聽日再黎睇你"(其實我望出醫院windows,睇到係中午)之後佢笑一笑就諗住上床訓,點知未上床佢就好似攣公蝦米咁訓左係地下嘔好多好多血,我好驚,唔知過唔過去抱起佢好,但老公已扯我走---完~
我就紮醒左,我發完個夢勁驚,個細路女全程冇講過野,但我又明佢想點...我最驚係係夢中我完全感覺到佢的體溫,個夢好真實(當然場景,情節會有點不合羅x),同埋我醒唔到......令到膽小的我覺得可能同靈界有關.......但之後冇再發呢個夢喇,不過跟住個晚訓得好差,我又因為最後冇理個女仔好自責.......總之一切都好恐怖啦.....我唔知個女孩係咪有野想講我聽....
過去的留不住, 未來的難預測, 守住現在,當下即是~


子爵府

積分: 11754


發表於 04-11-10 23:46 |顯示全部帖子

Re: 發左一個夢,唔知係咪同靈界有關.........

咁你以前有無落過bb呢!

有些解夢書會話見棺材係有財運,不過睇完你既夢我都覺有些靈異咁.


別墅

積分: 877


發表於 04-11-10 23:52 |顯示全部帖子

Re: 發左一個夢,唔知係咪同靈界有關.........

lau,

冇呀,我冇落過小朋友~

我都聽人講過話夢中見到棺材,現實中係會有好運行..但一連見兩個又唔知係咪....
我由細到大都未發過呢d夢....真係好真實,佢嘔血的時候好似好想我幫佢咁.... :-|
過去的留不住, 未來的難預測, 守住現在,當下即是~


禁止訪問

積分: 35771

好媽媽勳章 畀面勳章


發表於 04-11-11 01:22 |顯示全部帖子

Re: 發左一個夢,唔知係咪同靈界有關.........

提示: 作者被禁止或刪除 內容自動屏蔽

提示: 作者被禁止或刪除 內容自動屏蔽


別墅

積分: 877


發表於 04-11-11 02:28 |顯示全部帖子

Re: 發左一個夢,唔知係咪同靈界有關.........

魚生,

我唔洗湊女的
過去的留不住, 未來的難預測, 守住現在,當下即是~


子爵府

積分: 10379


發表於 04-11-11 11:15 |顯示全部帖子

Re: 發左一個夢,唔知係咪同靈界有關.........

好恐怖哦!


珍珠宮

積分: 48026


發表於 04-11-11 11:31 |顯示全部帖子

Re: 發左一個夢,唔知係咪同靈界有關.........

Creamsoda:

大慨是妳在現實生活中太掛住女兒, 而且對她有一定內疚, 所以才發此夢吧!夢中那女孩其實就代表妳的女兒, 妳不是一直在夢中照顧她嗎?妳丈夫一直叫妳跟她保持距離但妳沒照做大慨跟現實有點相似......
所有遇見,皆有因果
要是每個人都懂你,那你得有多平凡


男爵府

積分: 6296


發表於 04-11-11 11:32 |顯示全部帖子

Re: 發左一個夢,唔知係咪同靈界有關.........

通常好少會咁清晰記得發夢的情景喎.大多數都係起咗身就唔係好記得.
http://tn5.cn3.yahoo.com/image/3f7/b41fbbff9e4a8ee75e.jpeg


別墅

積分: 877


發表於 04-11-11 11:43 |顯示全部帖子

Re: 發左一個夢,唔知係咪同靈界有關.........

小詠,

但個小朋友唔似我個女..
我老公話等佢叫佢亞爸幫我上中山一個亞姑度問下咩事喎~
一次我老公夢見自己係靈堂,而死左的係佢,佢亞爸問佢去問啦,個亞姑話我老公會有官非上身,過左2個月就中左啦
所以我老爺信亞姑信到十足
過去的留不住, 未來的難預測, 守住現在,當下即是~


別墅

積分: 877


發表於 04-11-11 11:46 |顯示全部帖子

Re: 發左一個夢,唔知係咪同靈界有關.........

crystaltochan,

我不嬲發夢都係起左身,清醒晒就唔記得架啦...
不過呢個真係好深刻,因為我都嚇到紮醒左...我而家都係趁未唔記得個夢之前就寫低佢..
過去的留不住, 未來的難預測, 守住現在,當下即是~


洋房

積分: 341


發表於 04-11-11 18:04 |顯示全部帖子

Re: 發左一個夢,唔知係咪同靈界有關.........

creamsoda

我睇完之後,有個問題想問你,你生個bb果時係唔係流左好多血呀!
我亞b係12月24日出世! 佢出世重9磅9呀!所以我要開刀生! ;-) bb有個網站嫁!想知9磅9係咩身形就去睇睇啦! ;-) http://hk.geocities.com/cyb12242004/index.htm


公爵府

積分: 28143


發表於 04-11-11 18:22 |顯示全部帖子

Re: 發左一個夢,唔知係咪同靈界有關.........

中山亞姑我都去過問架,不過唔知係咪同一個人呢?

早8-9年前,我老公惹咗單官非,仲唔比擔保,咁佢啲朋友同我一起上去問,仲攞埋老公張相上去,我仲有攞埋錄音機tim,亞姑話無事喎,唔洗擔心,破財x災,好準..仲有佢唔會話明你要比how much架,重有有時佢會唔响度,走咗去玩,所以有朋友試過模門釘


大宅

積分: 3219


發表於 04-11-11 18:27 |顯示全部帖子

Re: 發左一個夢,唔知係咪同靈界有關.........

creamsoda,

我諗你只係生完bb調理得唔好,先會發惡夢,我年初小產過,做完手術,都有一大段時間成日發惡夢,又係夢到d神主牌之類o既恐怖野,不過最近我去做推拿,比人幫我通下d經脈,就訓得好好喇,你年紀細,要攪好個身體,唔係遲d年紀大d會好麻煩,你最好盡量保持早睡早起啦,唔好比自己太粗勞,知無?


別墅

積分: 908


發表於 04-11-11 20:47 |顯示全部帖子

Re: 發左一個夢,唔知係咪同靈界有關.........

你以前有無小產過呀??


別墅

積分: 877


發表於 04-11-12 15:48 |顯示全部帖子

Re: 發左一個夢,唔知係咪同靈界有關.........

babby_pau ,

其實我生個時睇唔到係咪好多血,因為掛住用力必佢出黎ma,而且個肚大到睇唔到下面
過去的留不住, 未來的難預測, 守住現在,當下即是~


別墅

積分: 877


發表於 04-11-12 15:57 |顯示全部帖子

Re: 發左一個夢,唔知係咪同靈界有關.........

loloma ,

我諗係同一個人啦,成個中山冇人唔識佢架喎
佢係唔會講明收幾多,係收利是既,而且如果見佢前幾日食過牛肉去見佢係唔比問問題的~有次我奶奶唔記得左,食左牛肉,佢見到我奶奶就話你今日唔比問野,但我奶奶都冇講過食左牛肉,但亞姑都會知
而且亞姑唔係個個都見,係要有眼緣佢先見,不過我冇上過去搵佢~
佢係會周圍去架,有次佢話測到我老爺家有3隻鬼,我老爺請左佢落黎HK搞掂3隻野,之後仲同佢去左飲茶...又開 xo 又送LV袋比亞姑,唔計個袋就用左成8萬蚊請佢落黎 都唔知點鮮咁捨得.... :exclaim:
過去的留不住, 未來的難預測, 守住現在,當下即是~


別墅

積分: 877


發表於 04-11-12 16:00 |顯示全部帖子

Re: 發左一個夢,唔知係咪同靈界有關.........

Tiffiny,

我都希望係你所講咁啦~
我生完簡直覺得自己老左10年呀,腰骨又痛,又面青青咁...~
我個社工都話氐完唔好好調理身體,到左四十幾歲有排受呀
過去的留不住, 未來的難預測, 守住現在,當下即是~


別墅

積分: 877


發表於 04-11-12 16:01 |顯示全部帖子

Re: 發左一個夢,唔知係咪同靈界有關.........

士多啤梨,

我冇小產過呀,囡囡係我第一胎
過去的留不住, 未來的難預測, 守住現在,當下即是~

首頁
1

尾頁

跳至