吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› IVF媽媽生產記 (長)

想生BB 今日: 4|主題: 109049

收藏本版

發帖

返回列表

跳至頁

查看: 3475 | 回覆: 14

IVF媽媽生產記 (長)

mmbili

大宅

積分: 1616

發表於 18-10-16 17:42 |顯示全部帖子

2015年4月
結婚一年開始造人，試左一年唔成功

2016年7月
去左家計會做生育檢查，由抹片檢查，輸卵管造影，食排卵藥，量體温，驗精都無進展。因為精子形態得3%，發現原來c6有精索靜脈曲張，即刻安排做手術。

2017年4月
喺家計會試左2次iui, 第一次自己幫自己打針，心裡驚得好緊要，但硬著頭皮都完成了，放精驗孕這一切都好緊張，然而幸運之神沒有眷顧我，失敗了，心諗唔想再花時間做iui, 我要做ivf。

2017年9月
開始在QM做ivf, 每天幫自己打針都變成例行公事，每次陰超mon住啲卵泡大小，好驚抽得好少卵，我第一次既手術就獻給了抽卵，幸好最後抽了13粒卵， 12粒受精， 10粒正常受精， 7粒去到day3, 最後有5粒培育到囊胚。當個月放了一粒鮮胎，失敗了，醫生說第一次唔得都好平常，唔需要任何additional checking。
<續>

私人傳訊

mmbili

大宅

積分: 1616

發表於 18-10-16 17:51 |顯示全部帖子

回覆樓主:

2017年11月
醫生話休息一個cycle，因為我係自然周期，每天早上都要返QM抽血睇下幾時排卵，因為醫生話囊胚中既機會大啲，所以今次都係放一粒，今次開始學jm飲滴雞精，放假，菠蘿芯，花膠湯，黑朱古力，烚旦，希望會有所幫助，然而幸運之神仍然沒有眷顧我，第二次都係失敗了。其實心裡真的很崩潰，感覺ivf都幫我唔到了，十分無助，已經流左唔知幾多眼淚，而醫生繼續話係好平常，唔駛做其他checking。
<續>

私人傳訊

yen0422

大宅

積分: 2193

發表於 18-10-16 18:17 |顯示全部帖子

不如pm大家傾下，我同你既問題差不多

私人傳訊

mmbili

大宅

積分: 1616

發表於 18-10-16 18:30 |顯示全部帖子

回覆樓主:

2017年12月
我心諗我要主動一啲，不可能再次浪費胚胎，決定去照一照個子宮睇下有無問題，人生第一次全身麻醉就係做宮腔鏡，跟婦產科醫生講了我這個case, 佢話幫我刮下宮希望可以幫助著床，她更叫我下一個cycle一定要放胎。

2018年1月
第三次放胎，作了最壞的打算，心已灰到不敢抱有任何希望，只想快啲放晒啲胚胎，揾定第二個醫生再做ivf, 所以今次決完放2粒。之前因為驚中西藥撞就停左睇中醫， c6話既然都預左唔得，今次不如就睇返中醫做針灸。Day19放胎，仲記得果日係跑渣馬那天，心存放棄既心態，繼續塞小白球，飲滴雞精，食菠蘿芯等等，中醫叮囑我到day27已可以驗孕，叫我早上驗左才去覆診。Day27那天早上驗了2條線，好冷靜，因為睇過太多化學或早期流產的post，仍不覺得自己有左，叫醒老公睇，大家都好冷靜。我們都不敢開心得太早，那天晚上便見紅了。第二天即刻請假去睇私家，醫生只說早期出血好平常，無野可以做到，打電話返QM就安排了我驗血hcg, 打電話跟我說hcg 4xx很好。但我仍然好唔安落，再去私家驗左2次hcg都很理想，終於接受左有左既事實。睇得太多post, 知道這只是第一步，之後仲要過閃閃果關，我到而家仍然記得見到閃閃的一刻，雖然有心理準備，但當見到閃閃真係會好想喊，可能之前的經歷太多了。
<續>

私人傳訊

mmbili

大宅

積分: 1616

發表於 18-10-16 18:37 |顯示全部帖子

回覆樓主:

2018年9月
懷孕到20周照結構，醫生話我有胎盤前置二期，睇下之後會唔會升返，一直很希望順產，幸好胎盤前置二期的問題在28周得以解決。直到37周產檢，醫生話bb係<10 percentile, 雖然一切照到無問題，但驚bb吸收得唔好，即刻寫紙要我入院催生，我沒有心理準備同埋突然之間要生真係好驚。然而瞓左一晚公立醫院，醫生又講到無即時既必要，可自行留意胎動，隨我喜歡隨時入院催生都可以，咁我就返家再等下先，因確實無心理準備同bb太細出世唔係咁好。
<續>

私人傳訊

mmbili

大宅

積分: 1616

發表於 18-10-16 18:42 |顯示全部帖子

回覆樓主:

2018年10月
日復一日等bb出世，日日食涼野，行公園，坐波bb都不肯出來，直到39周有一天胎動少左，自己好擔心，公立產檢時醫生話既然39周，無必要再等bb自然出世，冒著胎死腹中既風險，今次要我第二天一早就要入院催生了。因為宮頸未鬆，醫生要塞藥鬆宮頸，第一天過了無反應，第二天過了大半天也沒有反應，醫生說下一個step就要放雙球囊導管，最後才會選擇開刀。對於這個雙球囊導管都未聽過，上媽媽谷問，追bk, 上網search, 好擔心。

私人傳訊

PetiteAmie

別墅

積分: 630

發表於 18-10-16 18:49 |顯示全部帖子

mmbili 發表於 18-10-16 18:42
2018年10月
日復一日等bb出世，日日食涼野，行公園，坐波bb都不肯出來，直到39周有一天胎動少左，自己 ...

(emoji)(emoji)(emoji)(emoji)(emoji)(emoji)媽媽的偉大
加油!! 關關難過關關過(emoji)(emoji)
好快同BB見面

私人傳訊

mmbili

大宅

積分: 1616

發表於 18-10-16 18:57 |顯示全部帖子

回覆樓主:

到夜晚探病時間，忽然覺得個肚開始有痛，但因為不太痛，所以無理，但一路直至個幾鐘後都仲痛緊，就開始用apps計，發現原來已經5分鐘痛一次。跟住果晚10點就已經穿水，好呢hea, 穿水後連胎動都變得痛，但因為宮頸未鬆，姑娘話第二朝才推我去產房，一路就痛痛痛，直至夜晚點半見紅，姑娘都無理我，因為佢話穿左水驚感染，不可以成日check開左幾多度。直至3點再見紅，姑娘話不尋常，驚有咩事，叫左醫生黎，原來已開左2度，可以推去產房了，半夜三更打電話俾老公叫佢黎產房揾我。姑娘叫我地用呼吸法止痛，但我覺得其實無用，好在眼瞓，我瞓下痛下就由3點痛到6點，因為我一入產房就要求無痛，姑娘話朝早先有麻醉師，所以6點幾先幫我check，一check就話已開到8度，同我講而家唔需要無痛啦，問我要唔要聞氣，我幾大都話聞。唔聞都唔覺得咁痛，一聞才發現我之前8度係咁鬼痛，笑氣真係好偉大既發明，一痛就喪吸，好似道友咁，但笑氣是不能止痛的，只係個人温温登登而已。吸吸下氣突然有人拔走了我的笑氣，正想鬧人之際，就聽到一班醫護叫我痾，第一次唔識痾， bb心跳跌，大驚，之後再痾多3次， bb就出世了。之後bb已在我懷中，排胎盤聯針都已不再感到痛了。

這就是我為期差不多4年既求子之旅，經歷很多，得著很大，希望各位jm早日有自己既寶貝。<完>