姊妹團由李亞男、王君馨、岑麗香(香香)、伍詠薇、倪晨曦、潘曉彤、梁嘉琪、簡慕華及一位圈外好友組成。
女神苟芸慧與陸漢洋今日在上水舉行婚禮,傍晚兩人會見記者,拍照時苟芸慧Sweet錫老公面龐兩次,現場記者起哄要兩人嘴對嘴,起初陸漢洋只肯錫手背,其後兩人借位扮錫,大家當然不收貨,最後兩人都有咀嘴滿足大家要求,而苟芸慧全日佩戴Tiffany & Co.珠寶共值約一千三百多萬港元,閃爆全場。
結婚遊勻半個世界
兩人一同受訪,陸漢洋表示晚宴宴請200人,以自助餐形式,在露天草地舉行,苟芸慧說:「露天係我idea,我鍾意大自然,想童話一啲,香港都好難搵戶外地方。(慣做陸太未?)ok,今朝都有人咁叫。」講到先後在三地舉行婚禮,是否用了很多錢,陸漢洋說:「錢就唔知,去咗有意思嘅地方,再做到唔同嘅野,好開心,希望多啲記憶,去咗美洲、歐洲、亞洲,行咗半個世界,第時十周年再行多一次。」而他仍未有透露註冊的地方,希望留一點秘密。
陸漢洋:愛佢一生一世
他又直言為搞今日的婚禮已失眠多天:「好驚落雨,好在天公造美,冇落雨又唔係勁曬,覺得個天對我好好。(全速進行造人大計?)唔係全速,我不嬲係耐力賽,佢又有劇拍,工作排到農曆新年,我哋希望兩、三年後先造人,第時生咗小朋友,要畀時間陪佢,唔只係畀工人湊。」問到想生幾多個?苟芸慧說:「想生四個!都係順其自然啦!」講到苟芸慧的「處女黨」、「六壯士」,將要變成一個大組,陸漢洋搞笑改新名做「苟星伴月」。
講到「愛的宣言」,陸漢洋表示「一講就會嚟料」(意指想喊):「多謝佢對我咁好,我係個幾難頂嘅人,佢都包容我,我會盡量畀幸福快樂佢!(應承佢父母好好照顧苟芸慧?)其實佢爹哋唔捨得交個女畀我,我都應承咗好好照顧佢哋個女,一定唔會令佢哋失望,我都承諾太太最少愛佢一生一世!」
[p=28, null, left]此外,從場內賓客分享的相片可見,苟芸慧與陸漢洋在台上不時咀嘴,相當甜蜜!
一對新人進場。
做乜咁怕醜啫?
同姊妹合照!
張結婚相好靚!
起初只係錫吓面仔~
咀佢咀佢!
風騷到呢!
苟芸慧同陸漢洋繼續咀不停!
陸漢洋只係錫吓手仔~
閃到呢!
結婚大晒冷!陸漢洋出動「二奶」娶苟芸慧
[p=28, null, left]陸漢洋係賽車手大家都知,除咗老婆苟芸慧,車簡直係佢「二奶」,甚至係佢命根!今日婚禮真係陸漢洋大晒冷嘅日子,為咗突顯佢幾咁愛車如命(除咗苟姑娘),佢就出動架戰車做場地布置,將「二奶」泊咗喺婚宴場地門外,車頭仲掛咗「just married」嘅裝飾,要公告天下自己啱啱做老襯!而晚上婚宴布置以白色為主,入面設有大電視,睇嚟又會有感人片睇喇!
霸氣十足!
苟芸慧都熱愛賽車。
陸漢洋揸過愛驅出賽。